சீரியல் நடிகைகளுக்கு வாரி வழங்கப்படும் சம்பளம்... யாருக்கு அதிகம்? யாருக்கு கம்மி தெரியுமா?

சின்னத்திரை சீரியல்களில் நடிக்கும் நாயகிகளுக்கு வழங்கப்படும் சம்பளம் எவ்வளவு என்பதைப் பற்றி இந்த தொகுப்பில் பார்க்க உள்ளோம். இதில் அதிகம் வாங்கும் நடிகை யார், கம்மியாக வாங்கும் நடிகை யார் என்பதையும் பார்க்கலாம்.

Image Credit : X

Serial Actress Salary

சினிமா ஹீரோயின்களுக்கு நிகராக சின்னத்திரை சீரியல் நடிகைகளுக்கும் மக்கள் மத்தியில் அமோக வரவேற்பு கிடைத்து வருகிறது. சில நடிகைகளை தங்கள் வீட்டில் ஒரு பெண் போல மக்கள் கொண்டாடி வருகிறார்கள். அந்த அளவுக்கு தங்களின் இயல்பான நடிப்பால் ரசிகர்களை கட்டிப்போட்டு வைத்திருக்கிறார்கள். அந்த நடிகைகள் சீரியல்கள் மூலம் எவ்வளவு சம்பாதிக்கிறார்கள்? அவர்கள் ஒரு நாளைக்கு வாங்கும் சம்பளம் எவ்வளவு என்கிற விவரங்கள் வெளியாகி உள்ளன. சன் டிவி மற்றும் விஜய் டிவி சீரியல் நாயகிகள் வாங்கும் சம்பளம் பற்றி இந்த தொகுப்பில் வரிசையாக பார்க்கலாம்.

Image Credit : instagram

சீரியல் நடிகைகள் சம்பளம்

சன் டிவியில் நான்கு ஆண்டுகளுக்கு மேலாக வெற்றிநடை போட்டு வரும் சீரியல் கயல். அதில் நாயகியாக நடித்து வரும் சைத்ரா ரெட்டி, அதிக சம்பளம் வாங்கும் நடிகைகளில் ஒருவராக இருக்கிறார். அவர் ஒரு நாளைக்கு ரூ.45 ஆயிரத்தில் இருந்து ரூ.60 ஆயிரம் வரை சம்பளம் வாங்கி வருவதாக கூறப்படுகிறது. அதேபோல் சன் டிவியில் ஒளிபரப்பாகும் லட்சுமி சீரியலில் நாயகியாக நடிக்கும் ஸ்ருதி ராஜ், ஒரு நாளைக்கு ரூ.40 ஆயிரம் வரை சம்பளம் வாங்கி வருகிறாராம். சிங்கப்பெண்ணே சீரியலில் ஆனந்தியாக ரசிகர்கள் மனதை கொள்ளை கொள்ளும் மனிஷா மகேஷ், ஒரு நாளைக்கு ரூ.30 ஆயிரம் வாங்குகிறாராம்.

Image Credit : suntv/youtube

அதிக சம்பளம் வாங்கும் நடிகை யார்?

சின்னத்திரையில் அதிக சம்பளம் வாங்கும் நடிகை என்றால் அது ஸ்வாதி கொண்டே தான். இவர் சன் டிவியில் சக்கைப்போடு போட்டு வரும் மூன்று முடிச்சு சீரியலில் நாயகியாக நடிக்கிறார். இவர் ஒரு நாளைக்கு ரூ.80 ஆயிரம் முதல் ரூ.1 லட்சம் வரை சம்பளமாக வாங்கி வருகிறாராம். இந்த சீரியல் தான் டிஆர்பியில் நம்பர் 1 இடத்தில் உள்ளது. அதேபோல் விஜய் டிவியில் அதிக சம்பளம் வாங்கும் நடிகை என்றால் அது அய்யனார் துணை சீரியலில் நிலாவாக நடித்து வரும் மதுமிதா தான். இவர் ஒரு நாளைக்கு ரூ.50 ஆயிரம் வரை சம்பளம் வாங்குகிறாராம். இந்த சீரியல் தான் விஜய் டிவியில் நம்பர் 1 சீரியலாக இருந்து வருகிறது.

Image Credit : JIOHOTSTAR

கம்மி சம்பளம் வாங்கும் நடிகைகள்

கம்மி சம்பளம் வாங்கும் நடிகைகளின் பட்டியலில் சிறகடிக்க ஆசை சீரியல் நாயகி கோமதிப் பிரியா இருக்கிறார். அந்த சீரியலில் மீனா என்கிற கதாபாத்திரத்தில் நடித்து இல்லத்தரசிகளின் உள்ளத்தில் இடம்பிடித்த ஒரு கேரக்டராக அது இருந்தாலும் அவருக்கு ஒரு நாளைக்கு ரூ.12 ஆயிரம் மட்டுமே சம்பளமாக வழங்கப்படுகிறதாம். அதேபோல் சன் டிவியில் எதிர்நீச்சல் தொடர்கிறது என்கிற சூப்பர் ஹிட் சீரியலில் ஜனனியாக நடித்து வரும் பார்வதி தான் கம்மி சம்பளம் வாங்குகிறார். அவருக்கு ஒருநாளைக்கு ரூ.12 ஆயிரம் சம்பளமாக வழங்கப்பட்டு வருகிறதாம்.