Bigg Boss-ல் விஜய் சேதுபதியை விட ரம்யா கிருஷ்ணனுக்கு அதிக சம்பளமா? அடேங்கப்பா ஒரு எபிசோடுக்கு இவ்வளவா?

Ramya Krishnan Bigg Boss Salary : பிக் பாஸ் தமிழ் சீசன் 10 நிகழ்ச்சியில் தற்காலிக ஹோஸ்டாக வந்துள்ள ரம்யா கிருஷ்ணன் எவ்வளவு சம்பளம் வாங்கினார் என்பதை இந்த தொகுப்பில் பார்க்கலாம்.

Image Credit : Jio Hotstar

Ramya Krishnan Bigg Boss Remuneration

வெள்ளித்திரையில் தனது நடிப்பால் தனி முத்திரை பதித்த நடிகை ரம்யா கிருஷ்ணன், சின்னத்திரையிலும் கலக்கி வருகிறார். குறிப்பாக 'பிக் பாஸ்' போன்ற பிரபலமான ரியாலிட்டி ஷோக்களில் அவர் வந்தால் ரசிகர்களுக்கு ஆர்வம் அதிகமாகும். ஏற்கனவே 5 சீசனில் ஒரு வாரம் மட்டும் வந்து கலக்கிய அவர், இப்போது மீண்டும் பிக் பாஸ் ஹோஸ்ட்டாக வந்துள்ளார். தமிழ் பிக் பாஸ் சீசன் 10 நிகழ்ச்சியில் அவர் என்ட்ரி கொடுத்தது தான் இப்போதைய ஹாட் டாபிக். இதற்காக அவர் வாங்கும் சம்பளம் பற்றிய சுவாரஸ்யமான தகவல்களும் வெளியாகி உள்ளன.

Image Credit : Jio Hotstar

பிக் பாஸ் ஹோஸ்ட் மாற்றம்

தமிழ் பிக் பாஸ் நிகழ்ச்சியை கடந்த மூன்று சீசன்களாக நடிகர் விஜய் சேதுபதி தொகுத்து வழங்கி வருகிறார். ஆனால் அவருக்கு தொண்டை பிரச்சனை இருப்பதால் இந்த வீக்கெண்ட் எபிசோடுகளில் அவர் கலந்து கொள்ளவில்லை. அதனால் அவருக்கு பதிலாக ரம்யா கிருஷ்ணன் ஹோஸ்டிங் பொறுப்பை ஏற்றார். விஜய் சேதுபதிக்கு தொண்டை பிரச்சனை இருப்பதை அவரே மேடையில் சொன்னார். தனது கம்பீரமான பேச்சால் ரம்யா கிருஷ்ணன் ரசிகர்களை கவர்ந்தார். போட்டியாளர்களிடம் அவர் பேசிய விதமும், விளையாட்டை அவர் விமர்சித்த விதமும் நிகழ்ச்சிக்கு புது சுவாரஸ்யத்தை கொடுத்தது. ஆனால் அவர் எத்தனை வாரங்கள் ஹோஸ்ட்டாக இருப்பார் என்பது பற்றி நிகழ்ச்சி குழுவினர் இன்னும் அதிகாரப்பூர்வமாக அறிவிக்கவில்லை.

Image Credit : Jio Hotstar

ஒரு எபிசோடுக்கு சம்பளம் எவ்வளவு?

ரம்யா கிருஷ்ணன் வாங்கும் சம்பளம் பற்றிய விவாதம் இப்போது சோஷியல் மீடியாவில் வைரலாகி வருகிறது. பல மீடியா செய்திகளின்படி, பிக் பாஸ் தமிழ் 10 நிகழ்ச்சியை தொகுத்து வழங்க அவர் ஒரு எபிசோடுக்கு சுமார் ரூ.15 லட்சம் வாங்குவதாக சொல்லப்படுகிறது. வீக்கெண்ட் எபிசோடுகள் பொதுவாக இரண்டு நாட்கள் நடக்கும். அதனால் இரண்டு நாட்களுக்கும் சேர்த்து அவருக்கு ரூ.30 லட்சம் வரை சம்பளம் கிடைக்கும் என எதிர்பார்க்கப்படுகிறது. ஆனால் இந்த தொகையை ரம்யா கிருஷ்ணனோ அல்லது பிக் பாஸ் குழுவினரோ அதிகாரப்பூர்வமாக உறுதிப்படுத்தவில்லை. விஜய் சேதுபதியோடு ஒப்பிடுகையில் ரம்யா கிருஷ்ணனுக்கு கம்மி சம்பளம் தான். விஜய் சேதுபதி ஒரு வீக் எண்ட் எபிசோடுகளுக்கு 4 கோடி சம்பளமாக வாங்கி உள்ளார்.

Image Credit : X

ஹிட் அடித்த எபிசோடு

ரம்யா கிருஷ்ணனுக்கு பிக் பாஸ் நிகழ்ச்சியுடன் ஏற்கனவே தொடர்பு இருக்கிறது. தமிழ் பிக் பாஸ் நிகழ்ச்சியின் ஐந்தாவது சீசனில் கமல்ஹாசனுக்கு உடல்நிலை சரியில்லாத போது, ஒரு வாரம் அவர் ஹோஸ்ட்டாக இருந்தார். அதேபோல தெலுங்கு பிக் பாஸ் 3வது சீசனிலும் அப்போதைய ஹோஸ்ட் நாகார்ஜுனா இல்லாத நேரத்தில் அவர் தொகுப்பாளராக பொறுப்பேற்றார். இப்போது மீண்டும் தமிழ் பிக் பாஸ் மேடைக்கு அவர் வந்திருப்பதால், பழைய நினைவுகளை ரசிகர்கள் பேசி வருகின்றனர். அவரது நீண்ட சினிமா அனுபவமும், திரையில் அவரது மாஸ் பெர்ஃபார்மன்ஸும் பிக் பாஸ் வீக்கெண்ட் எபிசோடு ஹிட்டாக உதவியது. அடுத்தடுத்த எபிசோடுகளிலும் அவர் ஹோஸ்ட்டாக தொடருவாரா, விஜய் சேதுபதி எப்போது திரும்பி வருவார் என்பது இப்போது சுவாரஸ்யமாக மாறியுள்ளது.