6,900mAh பேட்டரி, 200MP கேமிரா, 80W சார்ஜிங்: சாம்சங்குக்கு வேட்டு வைக்க வந்த விவோவின் புதிய ஃபோல்டிங் போன்!

Vivo X Fold 6: மடிக்கக்கூடிய ஸ்மார்ட்போன் சந்தையில் முன்னணியைப் பிடிக்கும் நோக்கில், விவோ நிறுவனம் தனது அதிநவீன 'விவோ எக்ஸ் ஃபோல்டு 6' (Vivo X Fold 6) ஸ்மார்ட்போனை இந்தியாவில் அதிகாரப்பூர்வமாக அறிமுகப்படுத்தியுள்ளது.

Image Credit : X Fold 6

6,900mAh பேட்டரியுடன் களமிறங்கிய விவோ X ஃபோல்டு 6

இந்தியாவின் மடிக்கக் கூடிய (Folding) ஸ்மார்ட்போன் சந்தையில் முதலிடத்தைப் பிடிக்கும் நோக்கில், விவோ நிறுவனம் தனது புதிய 'விவோ எக்ஸ் ஃபோல்டு 6' (Vivo X Fold 6) மொபைலை இன்று அதிகாரப்பூர்வமாக அறிமுகப்படுத்தியுள்ளது. நவீன அம்சங்களுடன், தனது முந்தைய பாரம்பரிய வடிவமைப்புப் பாணியிலேயே களமிறங்கி சந்தையில் பெரும் கவனத்தை ஈர்த்து உள்ளது.

Image Credit : Vivo

போல்டபிள் ஸ்மார்ட்போன் சந்தையில் விவோ மாஸ் என்ட்ரி

இந்த ஆண்டு ஆப்பிள், சாம்சங் போன்ற நிறுவனங்கள் பாஸ்போர்ட் வடிவில் (அகலம் அதிகமாகவும், நீளம் குறைவாகவும்) ஃபோல்டிங் போன்களை வெளியிட்டு வருகின்றன. ஆனால், நன்றாக இருக்கும் ஒன்றை தேவையின்றி மாற்ற வேண்டாம் என்ற கொள்கையில் உறுதியாக இருக்கும் விவோ, தனது முந்தைய X ஃபோல்டு 5 மாடலின் பாணியையே இதிலும் கையாண்டு உள்ளது. அதாவது, கைகளில் கச்சிதமாகப் பொருந்தும் வகையில் அகலம் குறைவாகவும் நீளமாகவும் இருக்கும் நேர்த்தியான வடிவமைப்பைத் தக்கவைத்துள்ளது. அத்தியாவசியமான தொழில்நுட்பங்களில் மட்டுமே முக்கிய மாற்றங்களைச் செய்து, சந்தையிலேயே மிகவும் சக்திவாய்ந்த ஃபோல்டிங் போன்களில் ஒன்றாக இதனை விவோ உருவாக்கியுள்ளது.

Image Credit : Vivo X Fold 6

சிறப்பம்சங்கள்: டிஸ்ப்ளே டிசைன் & பாதுகாப்பு

உயர்தர கண்ணாடி மற்றும் உலோகக் கலவையால் உருவாக்கப்பட்டுள்ள இந்த போன், தூசி மற்றும் நீரிலிருந்து முழுப் பாதுகாப்பு தரும் ஐபி59 (IP59) தரச்சான்றிதழைப் பெற்றுள்ளது.

டூயல் AMOLED திரைகள்: 8.02 அங்குல பிரம்மாண்ட உள்புற மடிக்கக்கூடிய திரை. 6.51 அங்குல வெளிப்புற திரை (Cover screen). இந்த 2 ஸ்கிரீன்களுமே 120Hz புதுப்பிப்பு வீதம் (Refresh rate) கொண்ட அதிநவீன LTPO AMOLED பேனல்கள் ஆகும். இதில் மீடியாடெக்கின் 'டைமன்சிட்டி 9500' சிப்செட் பொருத்தப்பட்டுள்ளது.

செயல்திறனை மேலும் அதிகரிக்கும் வகையில் மீடியாடெக்குடன் இணைந்து உருவாக்கப்பட்ட இந்த பிரத்யேக சிப்செட்டை விவோ "சூப்பர் எடிஷன்" என்று அழைக்கிறது. (சாம்சங் "ஃபார் கேலக்ஸி" என்ற பெயரில் சிப்செட்களைப் பயன்படுத்துவது போன்ற உத்தி இதுவாகும்). புதிய ஆரிஜின் ஓஎஸ் 7 (Origin OS 7) தளத்தில் இயங்கும் இந்த போன், இந்தியாவில் 12GB ரேம் மற்றும் 512GB சேமிப்புத் திறன் கொண்ட ஒற்றை வேரியண்ட்டில் மட்டுமே கிடைக்கிறது.

Image Credit : Vivo X Fold 6

மிரட்டலான 200MP கேமரா செட்டப்!

கேமிரா பிரியர்களைக் கவரும் வகையில் பின்புறத்தில் 3 சக்திவாய்ந்த கேமராக்கள் வழங்கப்பட்டுள்ளன. 200 மெகாபிக்சல் பிரதான கேமரா: f/1.68 துளை மற்றும் ஓஐஎஸ் (OIS) வசதியுடன் துல்லியமான படங்களை எடுக்க உதவுகிறது. 50 மெகாபிக்சல் பெரிஸ்கோப் கேமரா 3x பெரிஸ்கோப் வசதி, f/2.57 துளை மற்றும் ஓஐஎஸ் (OIS) ஆதரவு கொண்டது. 50 மெகாபிக்சல் அல்ட்ரா வைடு கேமரா 15mm மற்றும் f/2.05 துளை கொண்டது.

செயற்கை வெளிச்சத்தில் படம் எடுக்கும்போது லென்ஸில் ஏற்படும் தேவையற்ற ஒளிர்தல் (Glare) மற்றும் பிம்பப் பிரதிபலிப்புகளைக் குறைக்க, புகழ்பெற்ற 'ஜீஸ்' (Zeiss) தொழில்நுட்பம் மற்றும் உயர்தர 'டி-ஸ்டார்' (T-star) பூச்சு பயன்படுத்தப்பட்டுள்ளது. இதுதவிர, வீடியோ கால்கள் மற்றும் செல்ஃபிகளுக்காக வெளிப்புறம் மற்றும் உள்புறத் திரைகளில் தலா ஒரு 20 மெகாபிக்சல் கேமராக்கள் இடம்பெற்றுள்ளன.

Image Credit : Vivo X Fold 6

மெகா பேட்டரி & சூப்பர் ஃபாஸ்ட் சார்ஜிங்

ஃபோல்டிங் போன்களிலேயே மிகப்பெரிய பேட்டரி திறனாக கிட்டத்தட்ட 6,900mAh பேட்டரி இதில் வழங்கப்பட்டுள்ளது. இதை மின்னல் வேகத்தில் சார்ஜ் செய்ய 80W வயர்டு ஃபாஸ்ட் சார்ஜிங் மற்றும் 40W வயர்லெஸ் சார்ஜிங் வசதிகளும் கொடுக்கப்பட்டுள்ளன. இந்தியாவில் விவோ எக்ஸ் ஃபோல்டு 6 (12GB + 512GB) மாடலின் விலை ₹2,19,999 என நிர்ணயிக்கப்பட்டுள்ளது. கருப்பு (Black) மற்றும் டீல் (Teal) ஆகிய இரண்டு பிரீமியம் நிறங்களில் கிடைக்கிறது. இதன் அதிகாரப்பூர்வ பொது விற்பனை வரும் அக்டோபர் 13 முதல் தொடங்குகிறது.