Best Home Theatre: தியேட்டருக்கு போக வேண்டாம்... ரூ.5,000 முதல் கிடைக்கும் டாப் 5 ஹோம் தியேட்டர்ஸ்!

அதிகப் பணம் செலவழிக்காமல் ரூ.5,000 முதல் ரூ.10,000 வரையிலான பட்ஜெட்டில் வீட்டின் வரவேற்பறையை மினி தியேட்டராக மாற்றக்கூடிய 5 சிறந்த ஹோம் தியேட்டர் ஆடியோ அமைப்புகள் பற்றி பார்ப்போம்.

Image Credit : Blaupunkt

ரூ.5,000 முதல் ரூ.10,000-க்குள் டாப் 5 ஹோம் தியேட்டர்கள்!

இன்றைய நவீன ஸ்மார்ட் டிவி-களில் காட்சிகளின் தரம் மிகச் சிறப்பாக இருந்தாலும், அவற்றில் உள்ள ஸ்பீக்கர்கள் போதிய ஒலித் திறனை (Power) தருவதில்லை என்ற குறை பெரும்பாலான பயனர்களிடையே உள்ளது. அதிகப் பணம் செலவழிக்காமல் ரூ.5,000 முதல் ரூ.10,000 பட்ஜெட்டுக்குள் வீட்டின் வரவேற்பறையை மினி தியேட்டராக மாற்றக்கூடிய 5 சிறந்த ஆடியோ அமைப்புகள் சந்தையில் கவனத்தை ஈர்த்து வருகின்றன. டிவி-யில் உள்ள HDMI ARC அல்லது Optical வசதியைப் பயன்படுத்தி எளிதாக இணைக்கக்கூடிய, பட்ஜெட்டுக்கு ஏற்ற 5 முக்கிய மாடல்களின் முழு விவரங்கள்!

Image Credit : boAt

1. போட் அவாந்தே 2.1 1550 பிளஸ் (boAt Aavante 2.1 1550 Plus)

விலை: சுமார் ரூ.5,899

அமைப்பு: 2.1 Channel Setup

சிறப்பம்சங்கள்: சவுண்ட்பாருடன் தனியாக வரும் சப்வூஃபர் மூலம் அதிர வைக்கும் பேஸ் (Bass) அனுபவத்தைப் பெற முடியும். 160W அவுட்புட் கொண்டுள்ள இதில் HDMI ARC, Optical மற்றும் AUX வசதிகள் உள்ளன. திரைப்படங்களில் வரும் அதிரடி சண்டை காட்சிகள் மற்றும் இசையை ரசிக்க இது உகந்தது. குறைந்த செலவில் டிவி ஆடியோவை அப்கிரேட் செய்ய நினைப்பவர்களுக்கான சிறந்த தேர்வு.

Image Credit : GOVO

2. கோவோ கோசரவுண்ட் 945 ப்ரோ (GOVO GoSurround 945 Pro)

விலை: சுமார் ரூ.4,899

அமைப்பு: 5.1 Channel Setup

சிறப்பம்சங்கள்: ரூ.5,000-க்குள் சவுண்ட்பார், சப்வூஃபர் மட்டுமின்றி ரியர் ஸ்பீக்கர்களுடன் (Rear speakers) உண்மையான சரவுண்ட் சவுண்ட் அனுபவத்தை வழங்குகிறது. HDMI ARC மற்றும் புளூடூத் வசதிகள் இதில் இடம்பெற்றுள்ளன. மிகக் குறைந்த பட்ஜெட்டில் சரவுண்ட் சவுண்ட் மற்றும் அதிக ஸ்பீக்கர்களை எதிர்பார்ப்பவர்களுக்கு ஏற்றது.

Image Credit : F&D F3000X

3. எப் அண்ட் டி F3000X (F&D F3000X)

விலை: சுமார் ரூ.6,490

அமைப்பு: 4.1 Channel Setup

சிறப்பம்சங்கள்: சுமார் 80W RMS அவுட்புட் கொண்ட இந்த மல்டி-பர்பஸ் ஸ்பீக்கர் சிஸ்டத்தில் புளூடூத் இணைப்புடன் எஃப்.எம் ரேடியோ (FM Radio) வசதியும் உள்ளது. டிவி மட்டுமின்றி மொபைல் வழி இசை கேட்பதற்கும், கணினியுடன் (PC) இணைத்துப் பயன்படுத்துவதற்கும் ஏற்ற ஆல்-ரவுண்டர் மாடல்.

Image Credit : Sony

4. சோனி SA-D40M2 (Sony SA-D40M2)

விலை: சுமார் ரூ.9,499

அமைப்பு: 4.1 Channel Setup

சிறப்பம்சங்கள்: நன்கு அறியப்பட்ட முன்னணி பிராண்டான சோனியின் இந்த அமைப்பில் 4 சாட்டிலைட் ஸ்பீக்கர்கள் மற்றும் ஒரு சப்வூஃபர் என மொத்தம் 5 ஸ்பீக்கர் யூனிட்கள் உள்ளன. இதனுடன் USB கனெக்டிவிட்டி வசதியும் கொடுக்கப்பட்டுள்ளது. நம்பகமான பிராண்ட் வேல்யூ மற்றும் மல்டி-ஸ்பீக்கர் அமைப்பை விரும்புபவர்களுக்கு உகந்தது.

Image Credit : JBL

5. ஜேபிஎல் சினிமா SB510 (JBL Cinema SB510)

விலை: சுமார் ரூ.9,999

அமைப்பு: 3.1 Channel Soundbar

சிறப்பம்சங்கள்: இதிலுள்ள பிரத்யேக சென்டர் சேனல் (Centre channel), திரைப்படங்களில் வரும் வசனங்களை (Dialogues) மிகவும் தெளிவாகக் கேட்க உதவுகிறது. மேலும் இதில் டால்பி ஆடியோ (Dolby Audio), HDMI ARC மற்றும் ஆப்டிகல் கனெக்டிவிட்டி போன்ற பிரீமியம் வசதிகள் உள்ளன. டால்பி ஆடியோ ஆதரவுடன் படங்களின் வசனங்கள் மிகத் துல்லியமாகக் கேட்க வேண்டும் என்பவர்களுக்கு ஏற்ற சாய்ஸ்.

ஹோம் தியேட்டர் வாங்கும்போது வெறும் 'வாட்ஸ்' (Watts) அளவை மட்டும் பார்க்காமல் சேனல்களின் எண்ணிக்கை, சப்வூஃபர், அறையின் அளவு மற்றும் ஸ்பீக்கர்களை வைக்கும் இடம் ஆகியவற்றை ஆராய்ந்து வாங்க வேண்டும். குறிப்பாக உங்கள் டிவியுடன் இணைக்க HDMI ARC போர்ட் இருந்தால், ஒரே கேபிள் மூலம் இணைத்து டிவி ரிமோட் மூலமாகவே ஹோம் தியேட்டரின் ஒலியையும் எளிதாகக் கட்டுப்படுத்த முடியும்.