- Home
- டெக்னாலஜி
- 33 மணி நேர பேட்டரி பேக்கப், ஸ்னாப்டிராகன் பிராசஸர்: பட்ஜெட் விலையில் லெனோவாவின் புதிய ஸ்லிம் லேப்டாப்!
33 மணி நேர பேட்டரி பேக்கப், ஸ்னாப்டிராகன் பிராசஸர்: பட்ஜெட் விலையில் லெனோவாவின் புதிய ஸ்லிம் லேப்டாப்!
பிரபல தொழில்நுட்ப நிறுவனமான லெனோவா, தனது மிகவும் மலிவான 14-இன்ச் லேப்டாப் மாடலான 'ஐடியாபேட் ஸ்லிம் 3எக்ஸ்' லேப்டாப்பை பல புதிய நாடுகளில் வெளியிட்டுள்ளது.
லெனோவா ஐடியாபேட் ஸ்லிம் 3எக்ஸ்
பிரபல தொழில்நுட்ப நிறுவனமான லெனோவா (Lenovo), தனது மிகவும் மலிவான 14-இன்ச் லேப்டாப் மாடலான 'ஐடியாபேட் ஸ்லிம் 3எக்ஸ்' (IdeaPad Slim 3x) லேப்டாப்பை தற்போது பல புதிய நாடுகளில் வெளியிட்டுள்ளது. ஏற்கனவே கடந்த செப்டம்பர் மாதம் உலகளவில் அறிமுகப்படுத்தப்பட்ட இந்த லேப்டாப், தற்போது ஐரோப்பிய ஒன்றியம் (Eurozone), இங்கிலாந்து மற்றும் சிங்கப்பூர் போன்ற நாடுகளிலும் விற்பனைக்கு வந்துள்ளது. லெனோவாவின் அதிகாரப்பூர்வ தகவல்களின்படி, இந்த லேப்டாப் ஆப்பிரிக்கா, அமெரிக்கா, மத்திய கிழக்கு மற்றும் ஓசியானியா நாடுகளிலும் விரைவில் வெளியிடப்படவுள்ளது.
விலை விவரங்கள்
ஐரோப்பிய சந்தைகளில் இதன் தொடக்க விலை தோராயமாக ரூ.62,464 முதல் ரூ.65,646 வரைநிர்ணயிக்கப்பட்டுள்ளது. இங்கிலாந்தில் வரிகளுடன் சேர்த்து சுமார் ரூ.64,475-க்கு விற்பனை செய்யப்படுகிறது. இந்த அடிப்படை மாடல்களில் குவால்காம் ஸ்னாப்டிராகன் (Qualcomm Snapdragon C C11-0100) செயலி, 4 GB ரேம் (RAM) மற்றும் 128 GB சேமிப்பகம் வழங்கப்பட்டுள்ளது. கூடுதல் கட்டணமாக ஐரோப்பாவில் ரூ.9,545-ம், இங்கிலாந்தில் ரூ.10,114-ம் செலுத்தி ரேமை 8 GB ஆக மாற்றிக்கொள்ளும் வசதியும் உண்டு. சிங்கப்பூரில் 8 GB ரேம் கொண்ட மாத்திரம் விற்கப்படுவதால், அங்கு இதன் தொடக்க விலை SGD 1,056 ஆக உள்ளது.
சிறப்பம்சங்கள்
பேட்டரி ஆயுள் - இந்த லேப்டாப்பில் 50 Wh பேட்டரி மற்றும் 65 W சார்ஜிங் வசதி கொடுக்கப்பட்டுள்ளது. லெனோவாவின் அதிகாரப்பூர்வ சோதனைகளின்படி, 150 நிட்ஸ் பிரகாசத்தில் 1080p வீடியோக்களைப் பார்க்கும்போது இது 33 மணி நேரம் வரை பேட்டரி பேக்கப் தருவதாகக் கூறப்பட்டுள்ளது.
பட்ஜெட் விலையில் உலகத் தரம்
டிஸ்ப்ளே - அனைத்து நாடுகளிலும் விற்பனை செய்யப்படும் மாடல்களில் 1200p IPS டிஸ்ப்ளே இடம்பெற்றுள்ளது. இது 400 நிட்ஸ் உச்ச பிரகாசம் (Peak Brightness), 60 Hz ரெஃப்ரெஷ் ரேட் மற்றும் 45% NTSC நிறப்பரப்பைக் கொண்டுள்ளது. மேலும், M.2 ஸ்டோரேஜை அப்கிரேட் செய்துகொள்ளும் வசதியும் இந்த பட்ஜெட் லேப்டாப்பில் வழங்கப்பட்டுள்ளது குறிப்பிடத்தக்கது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
