ஆசிரியர்களே ஆகஸ்ட் 3ம் தேதி வரை தான் டைம்! பள்ளிக்கல்வித்துறை வெளியிட்ட முக்கிய அறிவிப்பு!

தமிழக அரசின் டாக்டர் ராதாகிருஷ்ணன் விருதுக்கு ஆசிரியர்கள் ஆகஸ்ட் 3-ம் தேதி வரை விண்ணப்பிக்கலாம். 386 ஆசிரியர்களுக்கு இந்த விருது வழங்கப்பட உள்ளது, இதில் ரூ.10,000 ரொக்கம், வெள்ளிப் பதக்கம் மற்றும் பாராட்டுச் சான்றிதழ் அடங்கும்.

Image Credit : our own

டாக்டர் ராதாகிருஷ்ணன் விருது

தமிழக அரசின் டாக்டர் ராதாகிருஷ்ணன் விருது என்பது, ஆசிரியர் தினத்தையொட்டி (செப்டம்பர் 5) சிறப்பாகப் பணியாற்றும் ஆசிரியர்களை கௌரவிக்கும் வகையில் வழங்கப்படும் நல்லாசிரியர் விருது ஆகும். இது 1997-ம் ஆண்டு முதல் தமிழக அரசால் வழங்கப்பட்டு வருகிறது. முன்னாள் இந்தியக் குடியரசுத் தலைவரும், ஆசிரியருமான டாக்டர் ராதாகிருஷ்ணனின் பிறந்தநாளை முன்னிட்டு இவ்விருது வழங்கப்படுகிறது. இந்நிலையில் தமிழக அரசின் டாக்​டர் ராதாகிருஷ்ணன் விருதுக்கு ஆசிரியர்​கள் ஆகஸ்ட் 3-ம் தேதி வரை விண்​ணப்​பிக்​கலாம் என்று பள்​ளிக் கல்​வித் துறை தெரி​வித்​துள்​ளது. இந்த விருது பெறு​பவர்​களுக்கு ரூ.10,000 ரொக்​கம், வெள்​ளிப் பதக்​கம் மற்​றும் பாராட்​டுச் சான்​றிதழ் வழங்​கப்​படும்.

Image Credit : our own

பள்ளிக்கல்​வித்துறை

இந்நிலையில் நடப்பாண்டில் மாநில நல்​லாசிரியர் விருதுக்கு தகு​தி​யானவர்​களை தேர்வு செய்​வதற்​கான வழி​காட்டு நெறி​முறை​களை பள்ளிக்கல்​வி இயக்​குநர் வெளி​யிட்​டுள்​ளார். நடப்​பாண்டு (2025-26) 342 அரசு மற்​றும் அரசு உதவி பெறும் பள்ளி ஆசிரியர்​கள், மாவட்​டத்​துக்கு ஒரு​வர் வீதம் 38 தனி​யார் பள்ளி ஆசிரியர்​கள், ஆங்​கிலோ இந்​திய பள்​ளி​கள், சமூக பாது​காப்​புத்​துறை பள்​ளி​கள், மாற்​றுத்​திற​னாளி ஆசிரியர்​களில் தலா 2 பேர் என மொத்​தம் 386 பேருக்கு விருதுகள் வழங்​கப்பட உள்​ளன. இந்த விருதுக்கு விருப்​ப​முள்ள ஆசிரியர்கள் எமிஸ் தளம் வழி​யாக ஆக. 3-ம் தேதி வரை விண்​ணப்​பிக்​கலாம்​.

Image Credit : our own

மாநில தேர்​வுக்​குழு​

அ​திலிருந்து தகு​தி​யானவர்​களை தேர்வு செய்ய முதன்​மைக் கல்வி அலு​வலர் தலை​மை​யில் 6 பேர் கொண்ட மாவட்ட தேர்​வுக்​குழு அமைக்​கப்பட வேண்​டும். இதையடுத்து விண்​ணப்​பித்த ஆசிரியர்​கள் மாவட்​டத் தேர்​வுக்​குழு​வின் முன் நேர்​காணலுக்கு வரவழைக்​கப்​பட்டு மதிப்​பீடு செய்​யப்​படு​வர். அதன்​பின் மாவட்ட தேர்​வுக் குழு​வினர் தகு​தி​யான ஆசிரியர்​களின் பட்​டியலை பள்ளிக்​கல்வி இயக்​குநர் தலை​மையி​லான மாநில தேர்​வுக்​குழு​வின் பரிசீலனைக்கு ஆகஸ்ட் 14-ம் தேதிக்​குள் அனுப்ப வேண்​டும்.

Image Credit : GOOGLE

தேசிய விருது பெற்றவர்களின் பெயர்​களை பரிந்​துரைக்க​கூ​டாது

அவற்றை ஆராய்ந்து மாநில தேர்​வுக்​குழு இறு​திப்​பட்​டியலை தயாரிக்க வேண்​டும். விருதுக்கு விண்​ணப்​பிக்​கும் ஆசிரியர்​கள் குறைந்​தது 5 ஆண்​டு​கள் பணி அனுபவம் பெற்​றிருப்​பதுடன், எவ்​வித குற்​றச்​சாட்​டுக்​கும், ஒழுங்கு நடவடிக்​கைக்​கும் உட்படாதவராக இருக்க வேண்​டும். இதுத​விர அரசி​யல் கட்​சிகளு​டன் தொடர்​புடைய​வர்​கள் மற்​றும் தேசிய விருது பெற்றவர்களின் பெயர்​களை பரிந்​துரைக்க​கூ​டாது. அதே​போல், வகுப்​பறை​யில் கற்​பித்​தல் பணி​யில் ஈடு​படும் ஆசிரியர்​களுக்கு மட்​டுமே விருது வழங்​கப்​படும். அலு​வல் பணி​களை மேற்​கொள்​ளும் ஆசிரியர்​கள் விண்​ணப்​பிக்​கக்​கூ​டாது. பள்ளி மாணவர்​களின் இடைநிற்​றலைக் குறைத்​தல் போன்ற பணி​களில் ஈடு​பாடு கொண்​ட​வ​ராக இருக்க வேண்​டும் என்பன உள்ளிட்ட வழி​காட்​டு​தல்​கள்​ அதில்​ இடம்​ பெற்​றுள்​ளன.