IPL 2023: ஐபிஎல் வரலாற்றில் 3வது வீரர்..! சேவாக்கே செய்யாத சாதனையை படைத்த யஷஸ்வி ஜெய்ஸ்வால்

ஐபிஎல் 16வது சீசன் விறுவிறுப்பாக நடந்துவரும் நிலையில், இன்றைய போட்டியில் ராஜஸ்தான் ராயல்ஸுக்கு எதிராக டாஸ் வென்ற டெல்லி கேபிடள்ஸ் அணி ஃபீல்டிங்கை தேர்வு செய்தது. இரு அணிகளுமே வெற்றி முனைப்புடன் களமிறங்கியதால் இரு அணிகளிலும் அதிரடி மாற்றங்கள் செய்யப்பட்டன.
 

டெல்லி கேபிடள்ஸ் அணி:

டேவிட் வார்னர் (கேப்டன்), மனீஷ் பாண்டே, ரைலீ ரூசோ, ரோவ்மன் பவல், லலித் யாதவ், அக்ஸர் படேல், அபிஷேக் ஷர்மா, அன்ரிக் நோர்க்யா, கலீல் அகமது, குல்தீப் யாதவ், முகேஷ் குமார்.

அந்த பையன் ஆண்ட்ரூ சைமண்ட்ஸ் மாதிரி.. மிகப்பெரிய மேட்ச் வின்னர்..! இந்திய அணிக்கு பாண்டிங் அட்வைஸ்
 

ராஜஸ்தான் ராயல்ஸ் அணி:

ஜோஸ் பட்லர், யஷஸ்வி ஜெய்ஸ்வால், சஞ்சு சாம்சன் (கேப்டன்), ரியான் பராக், ஷிம்ரான் ஹெட்மயர், துருவ் ஜோரெல், ரவிச்சந்திரன் அஷ்வின், ஜேசன் ஹோல்டர், டிரெண்ட் போல்ட், சந்தீப் ஷர்மா, யுஸ்வேந்திர சாஹல்.

முதலில் பேட்டிங் ஆடிவரும் ராஜஸ்தான் ராயல்ஸ் அணியின் தொடக்க வீரர்கள் யஷஸ்வி ஜெய்ஸ்வால் மற்றும் ஜோஸ் பட்லர் ஆகிய இருவரும் பவுண்டரிகளாக விளாசி, அதிரடியான தொடக்கத்தை அமைத்து கொடுத்தனர். ஜெய்ஸ்வால் - பட்லரின் அதிரடியால் பவர்ப்ளேயில் விக்கெட் இழப்பின்றி ராஜஸ்தான் ராயல்ஸ் அணி 68  ரன்களை குவித்தது.

IPL 2023: இந்த மேட்ச்சில் ஜெயித்தே தீரணும்..! ராஜஸ்தான் ராயல்ஸ் - டெல்லி கேபிடள்ஸ் அணிகளில் அதிரடி மாற்றங்கள்.

கலீல் அகமது வீசிய முதல் ஓவரில் யஷஸ்வி ஜெய்ஸ்வால் 5 பவுண்டரிகளை விளாசினார். இதன்மூலம் ஐபிஎல்லில் முதல் ஓவரில் அதிக பவுண்டரிகள் அடித்த வீரர்கள் பட்டியலில் 3ம் இடத்தை பிடித்துள்ளார். கேகேஆருக்கு எதிரான ஒரு ஐபிஎல் போட்டியில் முதல் ஓவரின் 6 பந்துகளிலும் பவுண்டரிகள் அடித்த பிரித்வி ஷா முதலிடத்தில் உள்ளார். டெல்லி கேபிடள்ஸுக்கு எதிராக ஆடம் கில்கிறிஸ்ட் முதல் ஓவரில் 5 பவுண்டரிகள் அடித்து 2ம் இடத்தில் இருந்தார். இந்த போட்டியின் முதல் ஓவரில் 5 பவுண்டரிகள் அடித்த சஞ்சு சாம்சன் 2ம் இடத்தை கில்கிறிஸ்ட்டுடன் பகிர்ந்துள்ளார்.