- Home
- உடல்நலம்
- Guava: கொய்யாப்பழம் நல்லதுதான்..! ஆனால் இவர்கள் எல்லாம் மறந்து கூட கொய்யாப்பழம் சாப்பிடக்கூடாது.!
Guava: கொய்யாப்பழம் நல்லதுதான்..! ஆனால் இவர்கள் எல்லாம் மறந்து கூட கொய்யாப்பழம் சாப்பிடக்கூடாது.!
ஏழைகளின் ஆப்பிள் என்று கொய்யாப்பழம் அழைக்கப்படுகிறது. இந்த பழத்தில் பல ஆரோக்கிய நன்மைகளை நிறைந்துள்ளன. ஆனால், இந்த பழத்தை சிலர் சாப்பிடக்கூடாது என்று ஊட்டச்சத்து நிபுணர்கள் கூறுகின்றனர். அவர்கள் யார் என்பது குறித்து இந்த பதிவில் பார்க்கலாம்.
கொய்யாப்பழம்
இக்காலத்தில், அனைவரும் தங்கள் ஆரோக்கியத்தில் அதிக அக்கறை கொண்டுள்ளனர். ஆரோக்கியமாக இருக்க பல்வேறு பழங்களை சாப்பிடுகிறார்கள். பழங்களில் நமது உடலுக்குத் தேவையான சத்துக்கள் நிறைந்துள்ளன. இவை நம்மிடம் உள்ள ஊட்டச்சத்து குறைபாடுகளை நீக்குகின்றன. இதுபோன்ற பழங்களில் கொய்யாப்பழமும் ஒன்று. கொய்யாப்பழத்தில் ஆன்டி-ஆக்ஸிடன்ட்கள், வைட்டமின் சி, பொட்டாசியம், நார்ச்சத்துக்கள் அதிகம் உள்ளன.
கொய்யாப்பழத்தை யாரெல்லாம் சாப்பிடக்கூடாது
கொய்யாப்பழத்தை சாப்பிட்டால், நமது இதயம் ஆரோக்கியமாக இருக்கும். நோய் எதிர்ப்பு சக்தி அதிகரித்து, பல நோய்களிலிருந்து விடுபடலாம். செரிமானமும் சீராக இருக்கும். அதனால்தான், இவற்றை அதிகம் சாப்பிட வேண்டும் என்று சுகாதார நிபுணர்கள் கூறுகிறார்கள். இருப்பினும், இந்த பழம் எவ்வளவு ஆரோக்கியமானதாக இருந்தாலும், சிலருக்கு தீங்கு விளைவிக்கும். அதாவது, சில உடல்நலப் பிரச்சினைகளால் பாதிக்கப்பட்டவர்கள் கொய்யாப்பழத்தை சாப்பிடவே கூடாது என்று ஊட்டச்சத்து நிபுணர்கள் கூறுகிறார்கள்.
சிறுநீரக பிரச்சினை உள்ளவர்கள்
கொய்யாப்பழம் நல்ல ஆரோக்கியமான உணவு. இருப்பினும், யார் இதை சாப்பிட வேண்டும், யார் சாப்பிடக்கூடாது என்பதை அறிந்து கொள்வது அவசியம். இதில் உள்ள பொட்டாசியம், தசைகள் மற்றும் நரம்புகளை ஆரோக்கியமாக வைத்திருக்க உதவுகிறது. இருப்பினும், சிறுநீரக பிரச்சினைகள், ஒவ்வாமை, வயிற்று பிரச்சினைகள் உள்ளவர்கள் கொய்யாப்பழத்தை அதிகம் சாப்பிடக்கூடாது.
ஜீரண பிரச்சினைகள்
கொய்யாப்பழத்தில் நார்ச்சத்து அதிகம் உள்ளது. இது செரிமான அமைப்புக்கு மிகவும் நல்லது. இதை சாப்பிட்டால் மலச்சிக்கல் பிரச்சினையிலிருந்து விடுபடலாம். ஆனால், இதை எரிச்சல் கொண்ட குடல் நோய்க்குறி உள்ளவர்கள் சாப்பிடக்கூடாது. மேலும், உங்களுக்கு ஏதேனும் வயிற்று பிரச்சினை இருந்தாலும் சாப்பிடக்கூடாது. ஏனெனில், இதில் அதிகமாக உள்ள நார்ச்சத்து, வாயு, வயிற்றுப்போக்கு போன்ற பிரச்சினைகளை அதிகரிக்கும் என்று சயின்ஸ் டைரக்டில் வெளியிடப்பட்ட ஒரு ஆய்வு தெரிவிக்கிறது.
சிறுநீரக பிரச்சினைகள்
கொய்யாப்பழத்தில் பொட்டாசியம் அதிகம் உள்ளது. இது இதயம் மற்றும் தசைகளை ஆரோக்கியமாக வைத்திருக்க முக்கிய பங்கு வகிக்கிறது. ஆனால், இந்த பொட்டாசியத்தை அதிகமாக எடுத்துக் கொண்டால், சிறுநீரக பிரச்சினைகள் அதிகரிக்கும் என்று கிட்னி அறக்கட்டளை தெரிவிக்கிறது. அதனால், சிறுநீரக பிரச்சினையால் பாதிக்கப்பட்டவர்கள் கொய்யாப்பழத்தை அதிகம் சாப்பிடக்கூடாது.
கொய்யாப்பழத்தை எப்படி சாப்பிட வேண்டும்?
சுகாதார நிபுணர்களின் கூற்றுப்படி, ஒரு நாளைக்கு ஒரு கொய்யாப்பழம் மட்டும் சாப்பிட வேண்டும். நன்கு பழுத்த கொய்யாப்பழத்தை சாப்பிட்டால், செரிமானம் மேம்படும். இருப்பினும், இந்த கொய்யாப்பழத்திற்கு பதிலாக நீங்கள் பப்பாளி பழத்தை சாப்பிட்டால் நல்லது. இதில் நார்ச்சத்து, வைட்டமின் சி ஆகியவையும் அதிகம் உள்ளன.