முட்டை, மீன் போன்ற சமைத்த உணவுகளை மீண்டும் சூடுபடுத்தலாமா? என்னவாகும்?

சமைத்த உணவு மீதமானால், அதை மீண்டும் சூடு செய்து சாப்பிடுவது. உணவை ஏன் வீணாக்க வேண்டும், கெட்டு போகாமல் பாதுகாக்கத்தான் குளிர்சாதனப் பெட்டி உள்ளதே என அறிவியல் பேசலாம். ஆனால் அது உடலுக்கு என்ன கெடுதி விளைவிக்கும் என்பது பற்றி கவலைப்படுவதில்லை.

உணவும் நவீனமும் :

ஓடி ஓடி உழைத்து பொருள் சேர்த்தும் உடல் கெட்டுப்போனால், என்ன பயன் ? உலகம் நவீனமயமாகி வருகிறதுதான். அன்றாட வேலைகள் எளிமையாகி வருகிறதுதான். உணவு பொருள்களை பாதுகாத்து வைக்க எப்படி குளிர்சாதன பெட்டி உதவுகிறோ, அதே போல, பாதுகாப்பாக குளிர்காற்று வாங்கி கொண்டிருக்கும் உணவுகளை பத்திரமாக மீட்டு மீண்டும் அவற்றை சூடு செய்யும் பெரும்வேலையை மைக்ரோவேவ் ஓவன் செய்து முடிக்கிறது. அப்படி வாரத்தின் முதல் நாள் அடுப்பில் தயாரான உணவு, வாரத்தின் கடைசி நாள் வரை பத்திரமாக பரிமாறப்படும்.
நவீனம் கொண்டுவரும் ஆபத்து!

தோசைக்காக அரைத்து வைக்கும் மாவுத் தொடங்கி, பண்டிகையின் போது சமைத்து வைக்கும் சிக்கன் பிரியாணி வரைக்கும் வாரம் முழுக்க கெட்டு போகாமல் பாதுகாத்து தருகிறது நவீனம். அவற்றை குளிர்சாதன பெட்டியிலிருந்து தேவைக்கேற்ப ஓவனில் சூடுசெய்து பயன்படுத்தும் வசதியும் இருக்கின்றது. ஆனால் இந்த நவீனம் உடலுக்கு கொண்டு வரும் ஆபத்து பற்றி போதிய விழிப்புணர்வு இருப்பதில்லை. 

சொல்லப்போனால், ஒரு சில உணவுகளை மீண்டும் சூடுசெய்து சாப்பிடுவதே உடலுக்குள் நஞ்சை விளைவிக்கிறது. அப்படி மைக்ரோவேவ் ஓவனில் சூடு செய்து சாப்பிடவே கூடாத உணவுகளை பற்றி பார்க்கலாம்.

அவித்த முட்டைகள்

இயல்பாகவே முட்டையில் புரதசத்து அதிகம். நீங்கள் முட்டை வேகவைக்கிறீர்கள் என்றால், அப்போதே அவற்றை சாப்பிட்டுவிடுவது சிறந்தது. ஆனால் சிலரோ, அவித்த முட்டையை குளிர்சாதன பெட்டியில் வைத்து, நேரம் தாழ்த்தி மீண்டும் சூடுசெய்து சாப்பிடுவார்கள். ஆனால் அப்படி செய்வதன் மூலம், முட்டையின் வெள்ளை கருவில் அழுத்தம் ஏற்பட்டு வெடிக்க வாய்ப்புண்டு. இது சில உபாதைகளுக்கு வழிவகுக்க வாய்ப்புகள் அதிகம்.

வைட்டமின் சி உணவுகள்

புரதச்சத்து போன்று வைட்டமின் மற்றும் தாதுக்களும் மிகவும் முக்கியமானவை. குறிப்பாக ப்ராக்கொலி, பெல் பெப்பர், கீரை வகைகளில் வைட்டமின் சி அதிகம் இருக்கும். இந்த காய்களை மீண்டும் சூடு செய்யும் போது அதிலிருந்து வெளியேறும் நைட்ரேடுகள் உடலுக்கு பாதகமாகின்றன.

சிக்கன்

மாமிச வகைகளில் பெரும்பாலும் நாம் அன்றாடம் எடுத்து கொள்ளும் கோழி கறியை மீண்டும் சூடு செய்து சாப்பிடுவது உடலுக்கு கிடைதி. குளிர்சாதன பெட்டியில் வைத்து விட்டு மீண்டும் சூடு செய்யும் போது, அதிலுள்ள கொழுப்பு வேதியல் மாற்றத்தால் ஆக்சிஜனேற்றப்படும். இதனால் இறைச்சியில் உள்ள ஈரப்பதம் ஆவியாகி, அதன் சுவையில் பல மாற்றங்களை கொண்டுவருகிறது. இந்த வேதியல் மாற்றத்தால் வயிற்றுபோக்கு போன்ற உடல் உபாதைக்கு வாய்ப்பு அதிகம்.

மீன்

கடல் உணவுகளில் முக்கியமானதாக பார்க்கப்படும் மீன் வகைகளை சூடுசெய்வது நல்லதல்ல. மீண்டும் சூடுசெய்வதால் ஈரப்பதம் ஆவியாகி, அதை ரப்பர் போன்றும் மிகவும் வலுவானதாக மாற்றுகிறது. இதனால் அதன் சுவையிலும் தன்மையிலும் மாற்றம் வரும்.