barefoot walking : தினமும் 15–30 நிமிடங்கள் வெறுங்காலில் நடைபயிற்சி செய்வதன் நன்மைகள்: இதய நிபுணரின் பரிந்துரை!

தினமும் 15-30 நிமிடங்கள் புல், மண்ணில் வெறுங்காலில் நடப்பது (Earthing/Grounding) இரத்த ஓட்டத்தை சீராக்கி, மன அழுத்தத்தைக் குறைத்து, நல்ல தூக்கத்தைத் தரும். உடல் மற்றும் மன ஆரோக்கியத்தை மேம்படுத்தும் கிரவுண்டிங் நன்மைகளைப் பற்றி அறியுங்கள்!

Image Credit : Getty

இரத்த ஓட்டம் மற்றும் செல் சீரமைப்பு மேம்படும் :

நமது உடலில் சேரும் அதிகப்படியான மின்சாரக் கழிவுகளை பூமி உறிஞ்சிக் கொள்கிறது. இதனால் உடலின் செல்கள் இயல்பான மின் கட்டமைப்புக்குத் (Repolarisation) திரும்புகின்றன. இதன் விளைவாக, இரத்த சிவப்பு செல்கள் தடங்கலின்றி நகர்ந்து உடலின் அனைத்து பாகங்களுக்கும் சீரான இரத்த ஓட்டத்தையும் ஆக்ஸிஜனையும் கொண்டு சேர்க்கின்றன.

Image Credit : Getty

பாத தசைகள் மற்றும் நெகிழ்வுத்தன்மை அதிகரிக்கும் :

காலணிகள் அணியும்போது பாதங்களின் சில தசைகள் இயங்குவதில்லை. ஆனால், புல் அல்லது மணல் போன்ற பரப்புகளில் வெறுங்காலில் நடக்கும்போது பாதத்திலுள்ள தசைகள், தசைநார்கள் (Tendons) மற்றும் மூட்டுகள் வலுவடைகின்றன.

Image Credit : Getty

உடல் சமநிலை மற்றும் சரியான தோரணை :

காலணிகள் இல்லாதபோது, நமது உடல் இயல்பான நிலையை அடைகிறது. இது நடக்கும்போது உடலின் சமநிலையை (Balance) அதிகரித்து, வயதான காலத்தில் தவறி விழுவதைத் தடுக்க உதவுகிறது.

Image Credit : Getty

மூளையின் விழிப்புணர்வு திறன் அதிகரிக்கும் :

நமது பாதங்களில் ஆயிரக்கணக்கான நரம்பு முனைகள் உள்ளன. வெறுங்காலில் நடக்கும்போது இந்த நரம்புகள் தூண்டப்பட்டு, மூளைக்கு உடலின் நிலையைப் பற்றிய துல்லியமான தகவல்களை அனுப்புகின்றன. இதனால் உடலின் ஒருங்கிணைப்புத் திறன் மற்றும் தடுமாற்றமில்லாத நடை சாத்தியமாகிறது.

Image Credit : Getty

மன அழுத்தம் குறைந்து நல்ல தூக்கம் கிடைக்கும் :

இயற்கையோடு இணைந்து, புல்வெளி அல்லது மண்ணில் நடப்பது உடலின் வீக்கத்தை (Inflammation) குறைப்பதாக ஆய்வுகள் தெரிவிக்கின்றன. மேலும், இது மன அழுத்தத்தை குறைத்து, அமைதியான மனநிலையையும், இரவில் ஆழந்த உறக்கத்தையும் தருகிறது.

எப்படித் தொடங்குவது?

தினமும் 15 முதல் 30 நிமிடங்கள் பூங்காக்கள், வீட்டுத் தோட்டம், பச்சை புல்வெளி அல்லது கடற்கரை மணலில் நடந்து பழகுங்கள். இது இயற்கையோடு ஒன்றிணைந்து வாழவும், ஆரோக்கியமான வாழ்க்கையைப் பெறவும் மிக எளிய வழியாகும்.