எதிலும் ஆர்வம் இல்லையா? தினமும் இந்த 6 புதுமையான விஷயங்களை செய்யுங்க!
எப்போதும் ஒருவித சோர்வு, மந்தநிலை, "இன்னைக்கு எந்த வேலையும் செய்ய வேண்டாம்" என்ற ஒரு சலிப்பு உணர்வு பலருக்கும் இருக்கும். இந்த மந்தமான மனநிலையை உடைத்து உங்களை நாள் முழுவதும் செம்ம ஆக்டிவாக்கக்கூடிய சுவாரஸ்யமான, முற்றிலும் புதிய லைஃப்ஸ்டைல் டிப்ஸ் இதோ
காலை நேர 90 நொடிகள்
தூங்கி எழுந்ததும் மொபைல் போனை எடுப்பதற்குப் பதிலாக, 90 நொடிகள் ஜன்னல் வழியே வெளியுலகைப் பாருங்கள். காலையில் உடலுக்குள் செல்லும் இயற்கையான சூரிய வெளிச்சம், உங்கள் மூளையில் இருக்கும் 'கார்டிசோல்' என்ற எனர்ஜி ஹார்மோனைத் தூண்டி, மந்தநிலையை நொடியில் விரட்டும்.
ஒரு பாட்டு.. ஒரு டான்ஸ்!
"இன்னைக்கு எனக்கு மூடே இல்லை" என்று தோன்றும் போது, உங்களுக்கு மிகவும் பிடித்த ஒரு அதிரடியான குத்துப்பாட்டு அல்லது துள்ளல் இசையை ஒலிக்க விடுங்கள். பாட்டைக் கேட்டுக் கொண்டே 2 நிமிடம் உடலை அசைத்து நடனமாடினால், மூளையில் 'டோபமைன்' (Dopamine) சுரந்து, அடுத்த நிமிடமே உற்சாகம் பற்றிக் கொள்ளும்!
2 நிமிட மேஜிக்
மந்தமாக இருக்கும் போது, உடனே வீட்டிற்கு வெளியே வந்து வெறும் கால்களால் பச்சை புல்வெளியிலோ அல்லது வெறும் மண்ணிலோ 2 நிமிடங்கள் நடங்கள். பூமியின் இயற்கையான எலக்ட்ரான்கள் நம் உடலோடு இணையும் போது, உடலில் உள்ள எதிர்மறை ஆற்றல் குறைந்து, புத்துணர்ச்சி கிடைப்பதாக புதிய ஆய்வுகள் கூறுகின்றன.
வண்ணத்துப் பூச்சி எஃபெக்ட்
நீங்கள் மந்தமாக இருக்கும் நாட்களில், மங்கலான ஆடைகளைத் தவிர்த்து, மஞ்சள், ஆரஞ்சு அல்லது பிரகாசமான நீல நிற ஆடைகளை அணியுங்கள். பிரகாசமான நிறங்கள் நம் கண்களின் வழியே மூளையைச் சென்றடைந்து, உற்சாகத்தையும், சுறுசுறுப்பையும் தூண்டும் ஒரு உளவியல் தந்திரம் இது.
வேலைகளுக்கு டாஸ்க்
இன்று செய்ய வேண்டிய வேலைகளை ஒரு சுவாரஸ்யமான விளையாட்டாக மாற்றுங்கள். "அடுத்த 15 நிமிடத்தில் இந்த வேலையை முடித்தால் எனக்கு ஒரு சாக்லேட் பரிசு" என உங்களுக்கு நீங்களே டாஸ்க் வையுங்கள். சவால்கள் எப்போதும் மனித மூளைக்கு ஒரு கிக் கொடுக்கும். சலிப்பான வேலையும் சட்டென்று சுவாரஸ்யமாகிவிடும்.
சிட்ரஸ் மேஜிக்
மதியம் அல்லது மாலை வேளையில் அதிக மந்தமாக உணர்ந்தால், ஒரு எலுமிச்சை பழத்தை நறுக்கி அதன் வாசனையை ஆழமாக சுவாசியுங்கள். அல்லது கொஞ்சம் எலுமிச்சை சாறு குடியுங்கள்.சிட்ரஸ் பழங்களின் வாசனை மூளையின் நரம்புகளை உடனடியாக சுறுசுறுப்படையச் செய்யும் குணம் கொண்டது. தூக்க கலக்கத்தை விரட்ட இதுவொரு சிறந்த வழி.
