கேரளா ஸ்டைல் முட்டை ஆப்பம் சாப்பிடிருக்கீங்களா?
வழக்கமாக ஆப்பம்-தேங்காய் பால் காம்போவை கேள்விப் பட்டிருப்போம். ஆனால் கேரளாவில் ஆப்பத்திலும் பல வகை உள்ளது. அதில் வித்தியாசமான சுவையை விரும்புபவர்கள், ஆரோக்கியமாக சாப்பிட விரும்புபவர்களின் சிறந்த தேர்வாக இருப்பது தான் கேரளா முட்டை ஆப்பம் வகையாகும்.
முட்டை ஆப்பம் :
முட்டை ஆப்பம் என்பது கேரளா மற்றும் தென்னிந்தியாவின் பிரபலமான காலை உணவுகளில் ஒன்றாகும். நெய் தடவி, சுற்றிலும் மொறுமொறுப்பாகவும், நடுவில் மென்மையாகவும் இருக்கும் இந்த ஆப்பம், முட்டையின் சுவையுடன் அருமையாக ஒட்டும். இது பொதுவாக கோழி கறி, கடலை கறி அல்லது சாதாரண சட்னியுடன் பரிமாறப்படுகிறது. இப்போது, கேரளா ஸ்டைல் முட்டை ஆப்பம் செய்வது எப்படி என்று பார்க்கலாம்.
தேவையான பொருட்கள் : ஆப்பம் மாவுக்கு:
பச்சரிசி – 2 கப்
உளுத்தம் பருப்பு – 2 டேபிள்ஸ்பூன்
குத்தலரிசி – 1/4 கப்
பால் – 1 கப்
ஈஸ்ட் – 1/2 டீஸ்பூன் (அல்லது பழைய மாவு – 2 டேபிள்ஸ்பூன்)
சர்க்கரை – 1 டீஸ்பூன்
உப்பு – தேவையான அளவு
முட்டை ஆப்பத்திற்காக:
முட்டை – 2 (ஒவ்வொரு அப்பத்திற்கும் 1)
மிளகுத் தூள் – 1/2 டீஸ்பூன்
மிளகாய்த்தூள் – 1/2 டீஸ்பூன்
உப்பு – சிறிதளவு
கொத்தமல்லி – சிறிதளவு (அழகிற்கு)
செய்முறை :
- ஆப்பம் மாவு தயார் செய்வதற்கு அரிசி மற்றும் உளுத்தம் பருப்பை 4 முதல் 5 மணி நேரம் நீரில் ஊறவைக்கவும்.
- இதனை மிக்சியில் போட்டு, பால், குத்தலரிசி சேர்த்து நன்றாக அரைத்துக் கொள்ளவும்.
- மாவில் ஈஸ்ட், சர்க்கரை, உப்பு சேர்த்து நன்றாக கலக்கவும்.
- இதனை 8 மணி நேரம் அல்லது ஒரு இரவு முழுவதும் புளிக்க வைக்கவும்.
- புளித்த மாவு மொறுமொறுப்பாகவும், சற்று இலகுவாகவும் இருக்க வேண்டும். தேவையென்றால், சிறிது தண்ணீர் சேர்க்கலாம்
மேலும் படிக்க: மும்பை ஃபபேமஸ் ரோட்டுக்கடை வடை பாவ் வீட்டில் செய்வது எப்படி?
முட்டை ஆப்பம் செய்யும் முறை :
- ஆப்பக்கல்லை (அல்லது தோசைக்கல்) சூடாக வைத்து, சிறிது எண்ணெய் தடவவும்.
- ஒரு கரண்டி மாவை ஊற்றி, ஆப்பக்கல்லில் சுற்றி எடுத்து மெல்லிய தோல் உருவாகவிடவும்.
- நடுவில் ஒரு முட்டையை உடைத்து, அதன் மேலே சிறிது மிளகுத்தூள், மிளகாய்த்தூள், உப்பு தூவவும்.
- முட்டையின் கவர்ச்சியான தோற்றத்திற்கு அதன் மஞ்சள் கருவை கலைக்காமல் வைக்கலாம்.
- மேல் மூடியை மூடி, மிதமான தீயில் 2 முதல் 3 நிமிடம் வேக விடவும்.
- முட்டை சற்று வெந்தவுடன், மேலே சிறிது கொத்தமல்லி தூவவும்.
பரிறமாறும் முறைகள் :
- சிக்கன் கிரேவி, கடலை கறி, தேங்காய் சட்னியுடன் சூடாக பரிமாறலாம்.
- சிறிய குழந்தைகள் விரும்பினால், முட்டையை சிறிது மஞ்சள் சேர்த்து கலந்து வைக்கலாம்.
- மேலும் சுவைக்காக, முட்டையில் நெய் அல்லது வெண்ணெய் சேர்த்து வேக வைக்கலாம்.
கேரளா ஸ்டைல் முட்டை ஆப்பம் சுவையில் தனி ஸ்டைல் கொண்டது. பாரம்பரியமாகவும், சுவையானதாகவும் இருக்கும் இந்த உணவை ஒரு முறையாவது வீட்டில் செய்து பார்த்து ருசிக்கவும்.