ஆப்பம், தோசைக்கு ஏற்ற சுவையான கேரள நாட்டுக்கோழி கறி

கேரளாவில் செய்யப்படும் சிக்கன் கிரேவி தனித்துவமான சுவை வாய்ந்ததாகும். இது அனைத்து வகையான உணவுகளுக்கும் ஏற்றதாக உள்ளதால் பலரின் ஃபேவரைட்டாக உள்ளது. விருந்திற்கும், சாதாரணமாக சாப்பிடுவதற்கும் ஏற்றதாக இது இருக்கும்.

கேரள நாட்டுக்கோழி கறி:

நம்ம தென்னிந்திய சமையல்ல சிக்கனுக்கு எப்பவுமே ஒரு தனி இடம் உண்டு. ஒவ்வொரு மாநிலத்துக்கும் ஒவ்வொரு விதமான மசாலாக்கள், ஒவ்வொரு விதமான சமையல் முறைகள் என்று உள்ளன. அதில் கேரளாவின் ஸ்பெஷல் நாட்டுக்கோழி கறி, தேங்காய் எண்ணெயும், தேங்காய்ப்பாலும் சேர்த்து செய்யப்படும் தனித்துவமான மணத்தையும் ருசியையும் கொடுக்கும். இட்லி, தோசை, ஆப்பம், சாதம் என உங்களுக்குப் பிடிச்ச எது கூட வேண்டுமானாலும் சாப்பிடலாம். வாங்க, இந்த அருமையான கேரள நாட்டுக்கோழி கறியை எப்படி இன்னும் ருசியா செய்யறதுன்னு பார்க்கலாம்!

தேவையான பொருட்கள் :

- நாட்டுக்கோழி - 1/2 கிலோ, நல்லா இளம் கோழியா பார்த்து வாங்கிக்கோங்க. இதனால் சீக்கிரம் வெந்து விடும். தோல் நீக்காமல் செய்தால் இன்னும் ருசியாக இருக்கும். கறியை மீடியம் சைஸ் துண்டுகளா வெட்டிக்கோங்க. ரொம்ப பெருசா இருந்தா மசாலா உள்ள இறங்காது.
- வெங்காயம் - 2 பெரிய வெங்காயம், நல்லா பொடியா நீளவாக்குல நறுக்கிக்கோங்க. அப்போ சீக்கிரம் வதங்கிடும்.
- தக்காளி - 2 மீடியம் சைஸ் தக்காளி, நல்லா பழுத்ததா எடுத்து பொடியாக நறுக்கிக்கோங்க. இல்லன்னா மிக்ஸயில் ஒரு சுற்று சுற்றி பேஸ்ட் மாதிரியும் சேர்த்துக்கலாம்.
- இஞ்சி - ஒரு சின்ன துண்டு (சுமார் 1 இன்ச்), தோலை நீக்கிட்டு நல்லா பொடியா நறுக்கிக் கொள்ளுங்கள். இஞ்சி பூண்டோட வாசனை இந்த கறிக்கு ரொம்ப முக்கியம்.
- பூண்டு - 5-6 பல், இதையும் நல்லா பொடியாக நறுக்கிக்கோங்க. சிலர் இஞ்சி பூண்டு பேஸ்ட்டாவும் சேர்ப்பாங்க. ஆனால் பிரெஷ்ஷா நறுக்கி சேர்த்தால் இன்னும் நன்றாக இருக்கும்.
- பச்சை மிளகாய் - 2-3, உங்க காரத்துக்கு ஏற்ற மாதிரி. நீளமாக ரெண்டா கீறிக்கோங்க. முழுசாகவும் போடலாம், அப்போ காரம் லைட்டா இறங்கும்.
- கறிவேப்பிலை - ஒரு கொத்து, பிரெஷ்ஷா இருந்தால் நல்ல மணமாக இருக்கும்.
- தேங்காய் எண்ணெய் - தேவையான அளவு, இந்த கறிக்கு தேங்காய் எண்ணெய் தான் பெஸ்ட். அது தான் அந்த கேரள ருசியை கொடுக்கும்.
- தேங்காய்ப்பால் - 1 கப், இது முதல் திக்கான பால். இதுதான் கறிக்கு நல்ல கெட்டியான தன்மையையும், இனிப்பான சுவையையும் கொடுக்கும். - - இரண்டாவது பால் வேணும்னாலும் கொஞ்சமாக சேர்த்துக்கலாம்.
தண்ணீர் - கோழி வேகுறதுக்கும், கிரேவிக்கு தேவையான அளவு.
உப்பு - சுவைக்கு ஏற்ற மாதிரி.

மசாலாவுக்கு (அளவுகளோட):

மிளகாய்த்தூள் - 1 டீஸ்பூன் (நீங்க இன்னும் காரம் விரும்புனால் 1 1/2 டீஸ்பூன் வரைக்கும் போடலாம்). காஷ்மீரி மிளகாய்த்தூள் சேர்த்தால் கலர் நன்றாக இருக்கும். காரம் கம்மியா இருக்கும்.
மல்லித்தூள் - 2 டீஸ்பூன், இது கறிக்கு நல்ல திக்னஸ் கொடுக்கும்.
மஞ்சள்தூள் - 1/2 டீஸ்பூன், இது கறியோட கலருக்கும், ஆரோக்கியத்துக்கும் நல்லது.
சீரகத்தூள் - 1/2 டீஸ்பூன், நல்ல வாசனையாக இருக்கும்.
கரம் மசாலா - 1/2 டீஸ்பூன், இது கடைசியா போடும்போது நல்ல மணத்தைக் கொடுக்கும்.
மிளகுத்தூள் - 1/4 டீஸ்பூன், இது ஒரு சின்ன காரத்தையும், நல்ல ஃப்ளேவரையும் கொடுக்கும்.

மேலும் படிக்க: கேரளா ஸ்டைல் கனவா மீன் ரோஸ்ட் பார்க்கும் போதே சாப்பிட தூண்டும்

செய்முறை :

- முதலில் நாட்டுக்கோழி துண்டுகளை நன்றாக தண்ணீரில் கழுவி எடுத்துக் கொள்ள வேண்டும். 
- ஒரு அடிகனமான கடாய் அல்லது மண் சட்டி எடுத்துக் கொள்ளலாம். மண் சட்டியில் செஞ்சா கறி இன்னும் ருசியா இருக்கும். அதில் தேவையான அளவு தேங்காய் எண்ணெய் ஊத்தி சூடானதும், ஒரு கொத்து கறிவேப்பிலையை போட்டு தாளிங்க. கறிவேப்பிலை நல்லா பொரிஞ்சு வாசனை வரும்போது நறுக்கி வைத்துள்ள வெங்காயத்தைப் போட்டு நன்றாக பொன்னிறமாக வதக்க வேண்டும்.
- வெங்காயம் நன்றாக வதங்கிய பிறகு கறி நல்லா ருசியா இருக்கும். பொறுமையா வதக்குங்க, அடி பிடிக்காம கிளறிட்டே இருங்க.
- வெங்காயம் நல்லா வதங்கினதும், பொடியாக நறுக்கிய இஞ்சி, பூண்டு போட்டு பச்சை வாசனை போகும் வரைக்கும் ஒரு நிமிஷம் வதக்குங்க. இஞ்சியும் பூண்டும் நல்லா வதங்கினாதான் அதோட முழு வாசனை கறியில் இறங்கும்.
- அடுத்து கீறி வைத்திருக்கும் பச்சை மிளகாய், நறுக்கின தக்காளி போட்டு தக்காளி நன்றாக மசியும் வரைக்கும் வதக்குங்க. தக்காளி நன்றாக மசிஞ்சு எண்ணெய் பிரிய ஆரம்பிக்கணும். அப்போதான் மசாலா நல்லா சேரும்.
- இப்போது ஒரு சின்ன பவுல்ல எடுத்து வைத்துள்ள மசாலா பொடிகள் எல்லாத்தையும் (மிளகாய்த்தூள், மல்லித்தூள், மஞ்சள்தூள், சீரகத்தூள், கரம் மசாலா, மிளகுத்தூள்) கொஞ்சமாக தண்ணீர் ஊற்றி ஒரு பேஸ்ட் மாதிரி கலந்துக்கோங்க. இப்படி கலக்குறதுனால மசாலா எண்ணெயில் போடும் போது கருகாம இருக்கும், கறியிலும் நன்றாக ஒட்டும்.

சுவை சேர்க்கும் முறை :

- இந்த மசாலா பேஸ்ட்டை கடாயில் போட்டு ஒரு நிமிஷம் நன்றாக வதக்க வேண்டும். மிதமான தீயில் வைத்து வதக்குங்க, மசாலாவோட பச்சை வாசனை போயிட்டு நல்ல மணம் வரும் போது அடுத்தது போடலாம்.
- இப்போ நம்ம கழுவி வைத்திருக்கும் கோழி துண்டுகளை கடாயில் போட்டு மசாலாவோட நன்றாக கலந்து விடுங்க. மசாலா எல்லா கோழி துண்டுகளிலும் நன்றாக கோட் ஆகணும். ஒரு ரெண்டு நிமிஷம் அப்படியே கிளறி விடுங்க.
- தேவையான அளவு உப்பு சேர்த்து, கோழி வேகுறதுக்கு தேவையான அளவு தண்ணீர் ஊற்றவும். ரொம்ப அதிகமாக தண்ணீர் ஊற்றி விடக் கூடாது. கறி மூழ்குற அளவுக்கு இருந்தால் போதும். நல்லா கலந்து விட்டு மூடி போட்டு மிதமான தீயில வேக விடுங்க. நாட்டுக்கோழி வேகுறதுக்கு கொஞ்சம் டைம் எடுக்கும், குறைஞ்சது 30-40 நிமிடம் ஆகும். இடைஇடையே திறந்து கிளறி விடுங்க. அடி பிடிக்காம இருக்கும். 
- கோழி நன்றாக வெந்து, எண்ணெய் பிரிஞ்சு வரும் போது, எடுத்து வச்சிருக்க திக்கான தேங்காய்ப்பாலை ஊத்துங்க. தேங்காய்ப்பால் ஊத்தினதுக்கப்புறம் ரொம்ப நேரம் கொதிக்க விட வேண்டாம். ஒரு கொதி வந்ததும் அடுப்பை ஆஃப் பண்ணிடுங்க. கொத்தமல்லி இலை இருந்தா தூவிக்கலாம், இன்னும் நன்றாக இருக்கும்.

அவ்வளவுதான்! சூப்பரான, மணமான கேரள நாட்டுக்கோழி கறி ரெடி!
இதை சுடச்சுட சாதத்துடனோ, ஆப்பத்துடனோ அல்லது சப்பாத்தி, பரோட்டா உடனோ வைத்து சாப்பிட்டால் செமையாக இருக்கும். கண்டிப்பா கஉங்க வீட்ல செஞ்சு பாருங்க!