Vegetables: மழைக்காலத்தில் 'இந்த' 4 காய்கறிகளை சாப்பிடாதீங்க.. ஏன் தெரியுமா? முழு விவரம்!

Vegetables: மழைக்காலத்தில் காற்றில் ஈரப்பதம் அதிகமாக இருக்கும். காய்கறிகளில் பாக்டீரியா, பூஞ்சைகள் மிகவும் வேகமாக வளரும். இந்த நேரத்தில் சில காய்கறிகளைச் சாப்பிடுவது உடலுக்கு கெடுதல். நாம் தவிர்க்க வேண்டிய காய்கறிகள் என்னென்ன? என்று பார்க்கலாம்.

Image Credit : pinterest

மழைக்காலத்தில் தவிர்க்க வேண்டிய காய்கறிகள் என்னென்ன?

மழைக்காலம் வந்தாலே மனசுக்கு ரொம்ப சந்தோஷமாக இருக்கும். ஆனால், இந்த மழை நமக்குத் தெரியாமலேயே பல நோய்களையும் கொண்டு வரும். குறிப்பாக, மழைக்காலம் தொடங்கும் போது காற்றிலும் மண்ணிலும் ஈரப்பதம் ரொம்ப அதிகமாக இருக்கும். இந்தச் சூழல் பாக்டீரியா, வைரஸ், பூஞ்சை மாதிரி ஆபத்தான கிருமிகள் வேகமாக வளர்வதற்கு மிகவும் வசதியாக அமைந்துவிடும்.

அந்தக் காய்கறிகள் என்னென்ன?

கண்ட இடங்களிலும் அசுத்தமான தண்ணீர் தேங்கி நிற்கும். இதனால் மண்ணில் இருக்கும் ஆபத்தான கிருமிகள் அடித்து வரப்பட்டு, காய்கறிகளின் மேல் ஒட்டிக்கொள்ளும். மழைக்காலத்தில் வெயில் அதிகமாக இருக்காது. அதனால் காய்கறிகளில் இருக்கும் ஈரப்பதம் சீக்கிரம் காயாது.

இது கிருமிகள் வளர்வதற்கு நல்ல வாய்ப்பாகி, சில மணி நேரங்களிலேயே அவற்றின் எண்ணிக்கை பல மடங்கு அதிகமாகிவிடும். அதனால்தான், மார்க்கெட்டில் பார்க்க எவ்வளவு ஃபிரெஷ்ஷாக இருந்தாலும், மழைக்காலத்தில் கீழே சொல்லியிருக்கும் காய்கறிகளை வாங்குவது உங்கள் உடம்புக்கு 'சைலண்ட் பாய்சன்' மாதிரி.

Image Credit : Getty

காலிஃப்ளவர்: சின்னப் புழுக்களின் மறைவிடம்

காலிஃப்ளவரில் ஆன்டி-ஆக்ஸிடன்ட்கள் அதிகமாக உள்ளன. ஆனால், மழைக்காலத்தில் இது கிருமிகளுக்கு மிகவும் பிடித்த இடமாக மாறிவிடுகிறது. காலிஃப்ளவர் இலைகள் மற்றும் பூக்களுக்கு நடுவில் சின்னச் சின்ன ஒட்டுண்ணிகளும் பாக்டீரியாக்களும் உயிர் வாழும். இது நமது வெறும் கண்ணுக்கு எளிதில் தெரியாது. இப்படிப்பட்ட காலிஃப்ளவரைச் சாப்பிட்டால், வயிறு சம்பந்தமான பெரிய தொற்றுகள் வரலாம். ஒருவேளை நீங்கள் வாங்கினாலும், சுடுநீரில் உப்பு போட்டு நன்றாகக் கொதிக்க வைத்த பிறகு மட்டுமே சமையலுக்குப் பயன்படுத்த வேண்டும்.

Image Credit : Getty

கீரை வகைகள்

பசலைக்கீரை, வெந்தயக்கீரை, கொத்தமல்லி, லெட்டூஸ் போன்ற கீரை வகைகள் மழைக்காலத்தில் ஈரப்பதத்தையும் அழுக்கையும் ஸ்பாஞ்ச் மாதிரி உறிஞ்சி வைத்துக் கொள்ளும். இதன் இலைகளுக்கு அடியில் பூஞ்சைகளும் ஆபத்தான பாக்டீரியாக்களும் ரொம்ப எளிதாக வளரும். இதைச் சரியாகக் கழுவாமல் சாப்பிட்டால், கடுமையான வயிறு வலி, வாந்தி, பேதி வரலாம். அதனால்தான் மழைக்காலத்தில் கீரை வகைத் தவிர்ப்பது மிகவும் நல்லது. கட்டாயம் பயன்படுத்த வேண்டும் என்றால், சுடுநீரில் நன்றாகக் கழுவிவிட்டுத்தான் சமைக்க வேண்டும்.

Image Credit : Getty

கத்தரிக்காய்: கண்ணுக்குத் தெரியாத ஆபத்து

கத்தரிக்காயில் புழுக்கள் இருப்பது சாதாரண விஷயம்தான். ஆனால் மழைக்காலத்தில், பூச்சிகள் கத்தரிக்காய்க்கு உள்ளே முட்டைகளைப் போட்டுவிடும். நிறைய பேர் புழு இருக்கும் பகுதியை மட்டும் வெட்டித் தூக்கிவிட்டு, மீதியைச் சமையலுக்குப் பயன்படுத்துவார்கள். ஆனால் இது ரொம்ப ஆபத்தானது. சரியாக வேகவைக்கவில்லை எனில், இந்தக் கிருமிகள் வயிற்றுக்குள் சென்று தொற்றை உருவாக்கும். வெளியில் பார்க்க நன்றாக இருந்தாலும், உள்ளே புழுக்கள் இருக்க வாய்ப்பு மிகவும் அதிகம்.

காளான்

ஃப்ரெஷ்ஷான காளான்களில் இயற்கையாகவே தண்ணீர் சத்து அதிகமாக இருக்கும். காளான் ஒரு ஸ்பாஞ்ச் மாதிரி செயல்பட்டு, மழைக்காலத்தில் இருக்கும் அசுத்தமான காற்றையும் தண்ணீரையும் சீக்கிரமாக உறிஞ்சிவிடும். இதனால் பாக்டீரியாவும் நச்சுத்தன்மையும் காளானில் ரொம்ப வேகமாகப் பரவும். அதுமட்டுமில்லாமல், மழைக்காலத்தில் ஆபத்தான காட்டு காளான்களும் மார்க்கெட்டுக்கு வர வாய்ப்பு உள்ளது. இதைச் சாப்பிட்டால் ஃபுட் பாய்சன் ஆவதற்கு நிறைய வாய்ப்புகள் உள்ளன.