diet and lifestyle tips: 42 வயதில் 10 நாளில் 10 கிலோ எடை குறைந்தது எப்படி? சிம்புவின் சீக்ரெட் டயட் டிப்ஸ்

42 வயதாகும் நடிகர் சிலம்பரசன் புதிய படத்திற்காக 10 நாட்களில் 10 கிலோ எடையை குறைத்துள்ளார். இதற்கு தான் கடைபிடித்த டயட் ரகசியங்களையும், லைஃப் ஸ்டைல் டிப்ஸ் ஆகியவற்றை அவரே வெளிப்படையாக பகிர்ந்துள்ளார். இது பலருக்கும் பயனுள்ள டிப்சாக இருக்கும்.

Image Credit : Google

உடல் எடையில் ஏற்பட்ட மாற்றம் மற்றும் உத்வேகம்:

தமிழ் திரையுலகில் தனது தனித்துவமான நடிப்பால் ரசிகர்களை கவர்ந்த நடிகர் சிலம்பரசன், தற்போது தனது 42 வயதிலும் மிகவும் ஃபிட் ஆகவும், ஆரோக்கியமாகவும் இருக்கிறார். ஒரு காலகட்டத்தில் அதிக உடல் எடையுடன் காணப்பட்ட அவர், தற்போது மிகவும் ஒல்லியாகவும், கட்டுக்கோப்பாகவும் இருக்கிறார். இந்த மாற்றம் திடீரென்று நடந்ததல்ல; கடுமையான உடற்பயிற்சி, உணவுக்கட்டுப்பாடு மற்றும் மன உறுதியின் விளைவு. சமீபத்தில் அவர் தனது உடற்தகுதி ரகசியங்களையும், ஆரோக்கியமான வாழ்க்கை முறைக்கான முக்கிய ஆலோசனைகளையும் பகிர்ந்து கொண்டார். குறிப்பாக, "இரவில் கனமான உணவுகளைத் தவிர்க்கவும்" என்ற அவரது அறிவுரை பலரையும் கவர்ந்துள்ளது. "நான் உடல் எடையைக் குறைத்தபோது, அது எனக்குள்ளேயே ஒரு புது நம்பிக்கையை ஏற்படுத்தியது. இது எல்லோருக்கும் சாத்தியம்," என்று அவர் கூறியுள்ளார்.

Image Credit : Getty

ஆரோக்கியமான இரவு உணவு:

இரவு நேரத்தில் நமது செரிமான மண்டலம் பகலை விட மெதுவாக செயல்படும். கனமான, எண்ணெய் மிகுந்த அல்லது அதிக கலோரிகள் கொண்ட உணவுகளை இரவில் சாப்பிடும்போது, அவை செரிக்க அதிக நேரம் எடுத்துக்கொள்ளும். இது தூக்கமின்மை, நெஞ்செரிச்சல், அஜீரணம் போன்ற பிரச்சனைகளுக்கு வழிவகுக்கும். மேலும், செரிக்கப்படாத கலோரிகள் உடலில் கொழுப்பாக சேமிக்கப்பட்டு, உடல் எடை அதிகரிக்க காரணமாகும். இதற்கு பதிலாக, லேசான, எளிதில் செரிமானமாகக்கூடிய உணவுகளை இரவில் எடுத்துக்கொள்ள வேண்டும்.

Image Credit : Getty

ஆரோக்கியமான இரவு உணவுள் :

சத்தான சிறு தானியங்களான ராகி, கம்பு, வரகு போன்றவற்றில் தயாரிக்கப்பட்ட இட்லி, தோசை அல்லது கஞ்சியை இரவில் எடுத்துக்கொள்ளலாம். இவை நார்ச்சத்து நிறைந்தவை, எளிதில் செரிமானமாகக்கூடியவை. மேலும், குறைந்த எண்ணெய் பயன்படுத்தி வேகவைத்த காய்கறிகள், சாலடுகள் ஆகியவைற்றை இரவு உணவுகளில் சேர்த்துக் கொள்ளலாம். அசைவம் சாப்பிடுபவர்கள் சிக்கன் சூப், மீன் குழம்பு போன்றவற்றை மிதமாக எடுத்துக்கொள்ளலாம். சைவ உணவு உண்பவர்கள் பருப்பு சூப், பன்னீர் போன்றவற்றை மிதமாக எடுத்துக் கொள்ளலாம்.

தவிர்க்க வேண்டியவை: மசாலா நிறைந்த அசைவ உணவுகள், ஃபாஸ்ட் ஃபுட், எண்ணெயில் பொரித்த உணவுகள், அதிக கார்போஹைட்ரேட் கொண்ட உணவுகள் (உதாரணம்: பரோட்டா) போன்றவற்றை இரவு உணவாக முற்றிலும் தவிர்க்க வேண்டும்.

Image Credit : stockPhoto

உடற்பயிற்சியின் பங்கு:

ஆரோக்கியமான வாழ்க்கை முறைக்கு உணவுக்கட்டுப்பாடு மட்டும் போதாது, உடற்பயிற்சியும் அவசியம் தினமும் ஒரு மணி நேரம் உடற்பயிற்சி செய்வது அவசியம். நடைப்பயிற்சி, ஜாகிங், யோகா, ஜிம் பயிற்சி அல்லது ஏதேனும் ஒரு விளையாட்டில் ஈடுபடுவது உடல் ஆரோக்கியத்திற்கு மிகவும் நல்லது. இது உடல் எடையைக் கட்டுக்குள் வைத்திருக்க உதவுவதுடன், மன அழுத்தத்தைக் குறைத்து, உற்சாகமாக இருக்கவும் உதவுகிறது.

Image Credit : Getty

மன ஆரோக்கியத்தின் முக்கியத்துவம்:

உடல் ஆரோக்கியத்திற்கு இணையாக மன ஆரோக்கியமும் முக்கியம். மன அழுத்தம், பதட்டம் போன்ற பிரச்சனைகள் உடல் ஆரோக்கியத்தையும் பாதிக்கும். தியானம், யோகா, பிடித்த செயல்களில் ஈடுபடுவது, நல்ல இசையைக் கேட்பது போன்ற வழிகளில் மனதை அமைதிப்படுத்தலாம். நேர்மறை எண்ணங்களும், மன அமைதியும் ஆரோக்கியமான வாழ்க்கை முறைக்கு அத்தியாவசியமானவை. "உடல் ஆரோக்கியம் போல மன ஆரோக்கியமும் முக்கியம். இரண்டையும் பராமரித்தால் மட்டுமே முழுமையான ஆரோக்கியம் கிடைக்கும்,"

Image Credit : Instagram

ஒழுக்கமான வாழ்க்கை முறை:

சிலம்பரசன் தனது 42 வயதில் இந்த ஆரோக்கியமான வாழ்க்கை முறையைப் பின்பற்றுவதற்கு முக்கிய காரணம் அவரது ஒழுக்கம். சரியான நேரத்தில் உணவு உட்கொள்வது, போதுமான அளவு தூங்குவது, தினமும் உடற்பயிற்சி செய்வது, எதிர்மறை எண்ணங்களைத் தவிர்ப்பது போன்ற ஒழுக்கமான பழக்கங்களே அவரை இந்த நிலைக்குக் கொண்டு வந்துள்ளன. அவரது வாழ்க்கை அனுபவம், எந்த வயதிலும் ஆரோக்கியமான வாழ்க்கை முறையைப் பின்பற்ற முடியும் என்பதற்கு ஒரு சிறந்த எடுத்துக்காட்டு.