Back Pain: முதுகு வலிக்கு குட்பை.! மாத்திரை வேண்டாம், தைலம் வேண்டாம்! இதை மட்டும் செஞ்சா போதும்.!

மணிக்கணக்காக கணினி முன் அமர்ந்து வேலை செய்வதால் பலருக்கும் முதுகு வலிப் பிரச்சினை ஏற்படுகிறது. நீங்களும் வொர்க் ஃப்ரம் ஹோமில் இருந்து, முதுகு வலியால் அவதிப்பட்டால், இந்த 5 உடற்பயிற்சிகளைச் செய்து பாருங்கள். உங்கள் வலி நிச்சயம் குறையும்.

மர்கடாசனம் மிகவும் பயனுள்ளதாக இருக்கும்

நீண்ட நேரம் உட்கார்ந்து வேலை செய்பவர்களுக்கு இந்த மர்கடாசனம் மிகவும் பயனுள்ளதாக இருக்கும். இதைச் செய்ய, முதலில் நேராக மல்லாந்து படுத்துக்கொள்ளுங்கள். முட்டிகளை மடக்கி, கைகளை தோள்பட்டைக்கு இணையாக விரியுங்கள். இப்போது, முட்டிகளை இடது பக்கமும், கழுத்தை வலது பக்கமும் திருப்புங்கள். அதேபோல், முட்டிகளை வலது பக்கமும், கழுத்தை இடது பக்கமும் திருப்புங்கள். இதை ஒன்றரை நிமிடம் வரை செய்தால், முதுகு வலிக்கு நல்ல நிவாரணம் கிடைக்கும்.

உங்கள் முதுகு வலி குறையும்

இந்த ஆசனத்தைச் செய்ய, உங்கள் பாதங்களை தரையில் ஊன்றி, முட்டிகளை மடக்க வேண்டும். உங்கள் உடலை ஒரு பாலம் போல வளைத்து, இடுப்பை மேலே தூக்குங்கள். இரண்டு கைகளையும் பக்கவாட்டில் தரையில் வையுங்கள். மெதுவாக மூச்சை உள்ளிழுத்தபடியே இடுப்பைத் தூக்க முயற்சி செய்யுங்கள். தினமும் 20 முதல் 30 முறை இதைச் செய்தால், உங்கள் முதுகு வலி குறையும்.

முதுகு வலியை போக்கும் கால்கள்

இந்த ஆசனத்தைச் செய்ய, தரையில் நேராக மல்லாந்து படுத்து, இரண்டு கைகளையும் இடுப்புக்குக் கீழே வைத்துக் கொள்ளுங்கள். இப்போது, மெதுவாக மூச்சை உள்ளிழுத்தபடி, முட்டியை மடக்காமல் வலது காலை 60 டிகிரி கோணத்தில் நேராகத் தூக்குங்கள். சிறிது நேரம் இதே நிலையில் இருந்துவிட்டு, மூச்சை வெளியே விட்டு இயல்பு நிலைக்குத் திரும்புங்கள். இதேபோல் இடது காலுக்கும் இந்த ஆசனத்தைச் செய்ய வேண்டும்.

சலபாசனம் - முதுகு வலிக்கு நல்ல தீர்வு

சலபாசனம் செய்ய, முதலில் குப்புறப் படுத்து, உங்கள் உள்ளங்கைகளை தொடைகளுக்கு அடியில் வையுங்கள். கணுக்கால்களை ஒன்றாகச் சேர்த்து வையுங்கள். மூச்சை உள்ளிழுத்தபடியே உங்கள் கால்களை மேலே தூக்குங்கள். மெதுவாக மூச்சை உள்ளிழுத்து, வெளியே விட்டு இந்த நிலையில் சிறிது நேரம் இருங்கள். பிறகு, மூச்சை வெளியே விட்டு கால்களைக் கீழே கொண்டு வாருங்கள். இதை 3 முதல் 5 முறை வரை செய்யலாம்.

உஷ்ட்ராசனம் செய்தால் இளமை திரும்பும்

உஷ்ட்ராசனம் செய்ய, முதலில் வஜ்ராசனத்தில் முட்டி போட்டு அமருங்கள். தொடைகளையும் கால்களையும் ஒன்றாக வைத்து, பாதங்கள் தரையில் பதியட்டும். முட்டிகளுக்கும் கால்களுக்கும் இடையில் சுமார் ஒரு அடி இடைவெளி விடுங்கள். இப்போது, உங்கள் முட்டிகளில் எழுந்து நில்லுங்கள். மூச்சை உள்ளிழுத்தபடி பின்னால் சாய்ந்து, வலது உள்ளங்கையை வலது குதிகாலிலும், இடது உள்ளங்கையை இடது குதிகாலிலும் வையுங்கள். இதை 5-7 முறை செய்யுங்கள்.

அவ்வப்போது எழுந்து சிறிது நேரம் நடங்கள்

நீங்கள் மணிக்கணக்காக உட்கார்ந்து வேலை செய்பவராக இருந்தால், அவ்வப்போது எழுந்து சிறிது நேரம் நடங்கள். இது உங்களுக்கு முதுகு வலியிலிருந்து நிவாரணம் கொடுக்கும். ஒரே இடத்தில் நீண்ட நேரம் உட்கார்ந்தால், கழுத்திலிருந்து கீழ் முதுகு வரை வலி ஏற்படலாம்.

எண்ணெயை வைத்து மசாஜ் செய்தால் எல்லாம் மாயம்

வொர்க் ஃப்ரம் ஹோமில் மணிக்கணக்காக வேலை செய்து உங்களுக்கு முதுகு வலி ஏற்பட்டால், விடுமுறை நாளில் மசாஜ் செய்து கொள்ளுங்கள். கடுகு எண்ணெயில் 5 முதல் 6 பூண்டு பற்களைப் போட்டு நன்கு சூடாக்கி, அந்த இளஞ்சூடான எண்ணெயை வைத்து மசாஜ் செய்தால், முதுகு வலிக்கு இதமாக இருக்கும்.