கவின் முதல் அமலா பால் வரை... 2023-ல் ஜம்முனு காதல் திருமணம் செய்துகொண்ட பிரபலங்களின் பட்டியல் இதோ

2023-ம் ஆண்டு முடிவடைய இன்னும் இரு வாரங்களே உள்ளது. இந்த ஆண்டு தமிழ் சினிமாவில் பல மறக்க முடியாத நிகழ்வுகள் அரங்கேறி இருக்கின்றன. அதில் ஒன்று தான் பிரபலங்களின் திருமணம். இந்த ஆண்டு பிக்பாஸ் கவின், அமலா பாலின் இரண்டாம் திருமணம், ராதா மகள் திருமணம், ரெடின் கிங்ஸ்லி - சங்கீதா ஜோடியின் திருமணம் என எக்கச்சக்கமான பிரபலங்கள் திருமணம் செய்துகொண்டுள்ளனர். அதன் பட்டியலை தற்போது பார்க்கலாம்.

பிக்பாஸ் நிகழ்ச்சி மூலம் பிரபலமாகி தற்போது கோலிவுட்டில் நம்பிக்கை நட்சத்திரமாக வலம் வந்து கொண்டிருக்கும் கவின் தனது நீண்ட நாள் காதலியான மோனிகா டேவிட்டை கடந்த ஆகஸ்ட் மாதம் திருமணம் செய்துகொண்டார். இவர்களது திருமணத்தில் ஏராளமான திரையுலக பிரபலங்கள் கலந்துகொண்டு மணமக்களை வாழ்த்தினர்.

கோலிவுட்டில் ஒரு சர்ப்ரைஸான காதல் ஜோடி என்றால் அது அசோக் செல்வன் - கீர்த்தி பாண்டியன் ஜோடி தான். இவர்கள் 10 ஆண்டுகளுக்கு மேலாக காதலித்து வந்தாலும், இவர்களது காதல் திருமணத்திற்கு சில நாட்கள் முன்னரே தெரியவந்தது. அந்த அளவுக்கு சீக்ரெட்டாக காதலித்து வந்த இந்த ஜோடி கடந்த செப்டம்பர் மாதம் தமிழ் முறைப்படி திருமணம் செய்துகொண்டனர்.

இயக்குனர் ஏ.எல்.விஜய்யை காதலித்து திருமணம் செய்துகொண்ட நடிகை அமலா பால் அவரை விவாகரத்து செய்த பின்னர் கடந்த 6 ஆண்டுகளாக சிங்கிளாகவே வாழ்ந்து வந்தார். இந்த நிலையில், ஜெகத் தேசாய் என்பவருடம் காதல் வயப்பட்ட அமலா பால் கடந்த அக்டோபர் மாதம் அவரை இரண்டாவது திருமணம் செய்து கொண்டார்.

80ஸில் தமிழ் சினிமாவின் கனவுக்கன்னியாக வலம் வந்தவர் ராதா. இவரின் மகள் கார்த்திகா நாயரும் கோலிவுட்டில் ஹீரோயினாக நடித்திருக்கிறார். கோ, அன்னக்கொடி, புறம்போக்கு போன்ற படங்களில் நடித்துள்ள காத்திகா - ரோஹித் என்கிற தொழிலதிபரை காதலித்து கரம்பிடித்து உள்ளார். இவர்களது திருமணம் நவம்பர் மாதம் கேரளாவில் நடைபெற்றது.

லேட்டா திருமணம் செய்தாலும் லேட்டஸ்டா டிரெண்டிங்கில் இடம்பிடித்த ஜோடி தான் ரெடின் - சங்கீதா ஜோடி. பல வருடங்களாக உருகி உருகி காதலித்து வந்த இந்த ஜோடி கடந்த சில தினங்களுக்கு முன்னர் கோவிலில் வைத்து எளிமையான முறையில் திருமணம் செய்துகொண்டது. இவர்களது திருமணம் மைசூரில் வைத்து நடைபெற்றது.

இதையும் படியுங்கள்... அனைவரும் தூங்கும் நேரத்தில் சுவர் ஏறி குதித்து தப்ப முயன்ற கூல் சுரேஷ் - பிக்பாஸ் வீட்டில் பரபரப்பு