தனுஷ் செய்த அந்த மோசமான செயல்.. உச்சக்கட்ட கடுப்பில் இருந்த ஜி.வி பிரகாஷ்.. ஆனா இப்ப நிலைமையே வேற..

நடிகர் தனுஷும் இசையமைப்பாளர் அனிருத்தும் நெருக்கமான நண்பர்கள் என்பது அனைவரும் அறிந்தது தான். இந்த இருவர் கூட்டணியில் உருவான பாடல்கள் அனைத்து பட்டி தொட்டி எங்கும் சூப்பர் டூப்பர் ஹிட்டானது. மேலும் தனுஷ் – அனிருத் கூட்டணியில் உருவான பாடல்கள் மில்லியன் கணக்கான பார்வைகளை பெற்றுள்ளன.

ஆனால் இந்த இருவரும் சேர்ந்து இசையமைப்பாளர் ஜி.வி பிரகாஷின் வாழ்க்கையில் விளையாடி இருக்கின்றனர் என்ற அதிர்ச்சி தகவல் வெளியாகி உள்ளது. அதாவது, ஜி.வி பிரகாஷுக்கு வரும் வாய்ப்புகளை அனிருத்திற்கு வாங்கிக் கொடுத்துள்ளார் தனுஷ்.

பல தயாரிப்பாளர்கள் ஜி.வி பிரகாஷுக்கு அட்வான்ஸ் கொடுத்து ஒப்பந்தம் செய்யும் நிலையில் இருந்த போது தனுஷ் இடையில் புகுந்து அந்த வாய்ப்பை பறித்து அனிருத்திற்கு கொடுக்க வைத்துள்ளார். 

இத்தனைக்கும் தன்னுடன் ஜி.வி பிரகாஷ் நெருக்கமாக இருந்த காலக்கட்டத்திலேயே தனுஷ் இந்த செயலை செய்திருக்கிறார். இதனால் தனுஷ் – ஜி.வி பிரகாஷ் இடையே மிகப்பெரிய விரிசல் ஏற்பட்டதாக கூறப்படுகிறது. 

இந்த நிலையில் தனுஷ் தற்போது மீண்டும் ஜி.வி உடன் நெருக்கம் காட்டி வருகிறாராம். அனிருத் – தனுஷ் இடையே ஏற்பட்ட மனக்கசப்பே இதற்கு காரணம் என்று கூறப்படுகிறது. மேலும் தனக்கும் ஜி.வி பிரகாஷுக்கும் இடையே உள்ள நட்பை யாராலும் பிரிக்க முடியாது என்று தனுஷ் பேசி வருகிறாராம்.

அந்த வகையில் கடந்த ஆண்டு வெளியான வாத்தி படத்திற்கு ஜி.வி தான் இசையமைத்திருந்தார். அதே போல் சமீபத்தில் வெளியான கேப்டன் மில்லர் படத்திற்கு ஜி.வி தான் இசையமைத்திருந்தார்.

மேலும் தனுஷ் இயக்கி நடிக்கவிருக்கும் தனது 50 வது படத்திற்கும் ஜிவி பிரகாஷ் தான் இசையமைக்க உள்ளார். இந்த படத்திற்கு முதலில் அனிருத் இசையமைப்பதாக தான் இருந்ததாம். ஆனால் தற்போது தனுஷ் – அனிருத் இடையே இருக்கும் மனக்கசப்பால் ஜி.வி பிரகாஷை தன்னுடன் வைத்துக்கொள்ள தனுஷ் நினைக்கிறாராம்.

மேலும் தனுஷ் தனது உறவினர் நடிகர் வருண் என்பவரை வைத்து ஒரு படத்தை இயக்க உள்ளாராம். இந்த படத்திற்கும் ஜி.வி பிரகாஷ் தான் இசையமைக்க உள்ளார் என்று கூறப்படுகிறது.

ஒரு காலத்தில் நெருங்கிய நண்பர்களாக இருந்த தனுஷ் – ஜிவி பிரகாஷ் மீண்டும் தங்கள் நட்பை புதுப்பித்து அடுத்தடுத்த படங்களில் ஒன்றாக பணியாற்ற தொடங்கி உள்ளதால் அனிருத் சற்று புகைச்சலில் இருப்பதாகவும் கூறப்படுகிறது.