விஜய்யின் கடைசி படம்... ஷூட்டிங் முதல் ரிலீஸ் வரை பக்கா பிளான் ரெடி - சம்பவம் செய்ய காத்திருக்கும் ஹெச்.வினோத்

விஜய் நடிப்பில் தற்போது கோட் திரைப்படம் உருவாகி வருகிறது. வெங்கட் பிரபு இயக்கும் இப்படத்தை ஏஜிஎஸ் நிறுவனம் தயாரிக்கிறது. இப்படத்தின் ஷூட்டிங் இறுதிக்கட்டத்தை எட்டி உள்ளது. இப்படத்தை வருகிற செப்டம்பர் மாதம் 5-ந் தேதி உலகமெங்கும் ரிலீஸ் செய்ய உள்ளனர். கோட் படத்தை தொடர்ந்து நடிகர் விஜய் நடிக்க உள்ள தளபதி 69 படத்தின் பணிகளும் தற்போது அனல்பறக்க நடைபெற்று வருகிறது. அதுதான் அவரின் கடைசி படமாகும்.

தளபதி 69 படத்தில் நடித்து முடித்த பின்னர் முழு நேர அரசியலில் ஈடுபட உள்ளதாக அறிவித்துள்ளார் விஜய். இதற்காக அண்மையில் தமிழக வெற்றிக் கழகம் என்கிற பெயரில் அரசியல் கட்சியையும் தொடங்கினார் விஜய். அதற்கான உறுப்பினர் சேர்க்கையும் ஆன்லைன் வாயிலாக விறுவிறுப்பாக நடைபெற்று வருகிறது. தளபதி 69 படத்துடன் விஜய் சினிமாவை விட்டு விலக உள்ளதால், அப்படத்தின் மீதான எதிர்பார்ப்பு தற்போதே அதிகரித்த வண்ணம் உள்ளது.

இதையும் படியுங்கள்... Kamal : ஆண்டவருக்கு வந்த புதிய சிக்கல்.. தயாரிப்பாளர் சங்கத்தில் பரபரப்பு புகார் - எந்த படத்திற்காக தெரியுமா?

இந்நிலையில், தளபதி 69 திரைப்படத்தின் சூப்பரான அப்டேட் கசிந்துள்ளது. அதன்படி அப்படத்தின் படப்பிடிப்பு முதல் ரிலீஸ் வரை பக்கா பிளான் ரெடியாக உள்ளதாம். மறுபுறம் விஜய்யுடன் நடிக்க உள்ள நடிகர், நடிகைகள் தேர்வும் மும்முரமாக நடைபெற்று வருவதாக கூறப்படுகிறது. விஜய்யை வைத்து படம் இயக்க வாய்ப்பு கிடைத்தால் நிச்சயம் அரசியல் கதையம்சம் கொண்ட படத்தை தான் இயக்குவேன் என எச்.வினோத் பழைய பேட்டியில் கூறியிருப்பதால், தளபதி 69 அரசியல் படமாக இருக்க அதிகளவு வாய்ப்பு இருக்கிறது.

தற்போது வெளியாகி இருக்கும் லேட்டஸ்ட் அப்டேட்டின் படி தளபதி 69 திரைப்படத்தின் ஷூட்டிங் வருகிற ஆகஸ்ட் மாத இறுதியில் தொடங்கப்பட இருக்கிறதாம். இப்படத்தை அடுத்த ஆண்டு கோடை விடுமுறைக்கு திரைக்கு கொண்டு வரும் ஐடியாவில் இருக்கிறாராம் ஹெச்.வினோத். இப்படம் குறித்த அதிகாரப்பூர்வ அறிவிப்பு வருகிற ஜூன் மாதம் 22-ந் தேதி நடிகர் விஜய்யின் பிறந்தநாளன்று சர்ப்ரைஸாக ரிலீஸ் ஆகும் என எதிர்பார்க்கப்படுகிறது. 

இதையும் படியுங்கள்... Aranmanai 4 : ‘அரண்மனை 4’ பயம் காட்டியதா? பாடாய் படுத்தியதா?.. கம்பேக் கொடுத்தாரா சுந்தர் சி? - விமர்சனம் இதோ