“எங்க அம்மா இல்ல.. அருண் விஜய் அம்மா தான் இதுக்கு காரணம்..” மனம் திறந்த வனிதா விஜயகுமார்..

நடிகை வனிதா விஜயகுமார் என்றாலே அனைவருக்கும் நினைவுக்கு வரும் பிக்பாஸ் நிகழ்ச்சியில் அவர் செய்த அலப்பறைகள் தான். இதன் மூலம் பிரபலமான அவர் தொடர்ந்து குக் வித் கோமாளி நிகழ்ச்சியில் கலந்து கொண்டு தனது சமையல் திறனை வெளிப்படுத்தி அனைவரையும் வியப்பில் ஆழ்த்தினார். மேலும் சமீபத்தில் நடந்து முடிந்த பிக்பாஸ் நிகழ்ச்சியை ரிவ்யூ செய்து வந்தார் வனிதா. 

வெள்ளித்திரையில் நடிகையாக அறிமுகமான வனிதா விஜயகுமார் ஒரு சில படங்களில் நடித்தார். பின்னர் திருமணத்திற்கு பின் சினிமாவில் இருந்து ஒதுங்கிய இருந்தார். அந்த நேரத்தில் தான் வனிதாவுக்கும் அவரின் அப்பாவிற்கும் குடும்ப சொத்து பிரச்சனை பூதாகரமாக வெடித்தது. அப்போது வனிதா மீது அவரின் தந்தை விஜயகுமார் காவல்துறையில் புகார் அளித்திருந்தார். 

இதனால் தொடர்ந்து தலைப்பு செய்திகளில் இடம்பெற்று வந்த வனிதா பிக்பாஸ் நிகழ்ச்சியில் கலந்து கொண்டு நெகட்டிவ் விமர்சனங்களை பெற்றாலும் தனக்கென ரசிக பட்டாளத்தையும் குவித்தார். தொடர்ந்து குக் வித் கோமாளி நிகழ்ச்சியில் பங்கேற்ற அவர் தனது சமையல் திறமை மூலம் அனைவரையும் வியப்பில் ஆழ்த்தினார். 

இந்த நிலையில் தனது சமையல் திறமை குறித்து வனிதா விஜயகுமார் பேசிய வீடியோ இணையத்தில் வைரலாகி வருகிறது. அந்த வீடியோவில் வனிதாவின் தாய் மஞ்சுளா விஜயகுமார் தான் வீட்டில் சமைப்பாங்களா, அவங்க கிட்ட இருந்து தான் உங்களுக்கு சமையல் திறமை வந்திருக்கா என்ற கேள்வி கேட்கப்பட்டது.

அதற்கு பதிலளித்த வனிதா “ அப்படியெல்லாம் இல்லை. அம்மா அதிகமா சமைக்க மாட்டாங்க. அவங்க அந்த நேரத்தில் பிசியா இருந்தாங்க. ஆனால் எங்களுக்கு விதவிதமா சமைத்து கொடுத்தது அருண் விஜய் அம்மாதா. பெரியம்மா ரொம்ப சூப்பரா சமைப்பாங்க. 

அவங்க சமையலை பார்த்து தான் சமைக்க வேண்டும் என்ற ஆர்வமே எனக்கு வந்தது. அதன்பின்னர் எனக்கு விவரம் தெரிந்து நான் சமைக்க ஆரம்பித்த போது, பெரியமம்மா என்னோட போட்டி போட ஆரம்பிச்சாங்க. ஆரம்பத்துல பாரம்பரிய உணவுகள் தான் சமைச்சங்க. அப்பறம் பல நிகழ்ச்சிகளை பார்த்து பல விதமான உணவுகளை சமைக்க தொடங்குனாங்க. ஆனாலும் அவங்க சாப்பாடு அருமையா இருக்கும். எங்க அம்மா எப்பயாவது ஓரிரு முறை சமைச்சிருப்பாங்க. ” என்று பேசி உள்ளார்.

என்ன தான் வனிதாவுக்கும் அவரின் குடும்பத்தினருக்கும் பிரச்சனை இருந்தாலும் தன்னை வளர்த்தெடுத்த பெரியம்மா மீது இவர் பாசமாக இருக்கிறார் என்று அவரின் ரசிகர்கள் கருத்து பதிவிட்டு வருகின்றனர். 

நடிகர் விஜயகுமாருக்கு 2 மனைவிகள். முதல் மனைவியான முத்துக்கண்ணுவிற்கு பிறந்தவர்கள் தான் கவிதா, அனிதா , அருண் விஜய் ஆகியோர்.. 2-வது மனைவியான மஞ்சுளாவுக்கு வனிதா, ப்ரீத்தா, ஸ்ரீதேவி என்ற 3 பிள்ளைகள் உள்ளனர்.

குடும்ப சொத்து தொடர்பாக வனிதா பிரச்சனை செய்த பிறகு ஒட்டுமொத்த விஜயகுமார் குடும்பமுமே வனிதாவை ஒதுக்கிவிட்டனர். எந்தவொரு நிகழ்ச்சிக்கும் அவரை அழைப்பதில்லை. அந்த வகையில் சமீபத்தில் நடந்த விஜயகுமார் பேத்தி தியா திருமணத்திற்கு கூட வனிதாவுக்கு அழைப்பு விடுக்கப்படவில்லை என்பது குறிப்பிடத்தக்கது.