Atlee Movie Heroine: த்ரிஷாவுக்கு No.. ஜவானில் மிஸ்ஸான நடிகையை அல்லு அர்ஜுனுக்கு ஜோடியாக.. தட்டி தூக்கிய அட்லீ

இயக்குனர் அட்லீ 'ஜவான்' படத்தை தொடர்ந்து, இயக்க உள்ள படத்தில் அல்லு அர்ஜுனுக்கு ஜோடியாகநடிக்க உள்ள நடிகை பற்றிய தகவல் தற்போது வெளியாகி உள்ளது. 

தமிழ் சினிமாவில், பிரபல இயக்குனர் சங்கரிடம் உதவியாளராக இருந்து... பின்னர் இயக்குனராக ப்ரமோஷன் பெற்றவர் அட்லீ. 2013 ஆம் ஆண்டு நடிகை நயன்தாரா, ஆர்யா, நஸ்ரியா, ஜெய், ஆகியோர் நடித்த 'ராஜா ராணி' படத்தை இயக்கி பிரபலமான அட்லீ, இதைத்தொடர்ந்து தளபதி விஜய்யை வைத்து தெறி, மெர்சல், பிகில், என அடுத்தடுத்து மூன்று ஹிட் படங்களை கொடுத்தார்.

Atlee Kumar

பின்னர் அதிரடியாக பாலிவுட் திரை உலகின் பக்கம் சாய்ந்த அட்லீ, நடிகர் ஷாருக்கானை வைத்து இயக்கிய 'ஜவான்' திரைப்படம் கடந்த ஆண்டு வெளியாகி பாலிவுட் திரையுலகில் இதுவரை எந்த திரைப்படமும் செய்திடாத சாதனை வசூலை நிகழ்த்தியது.

சுமார் 1200 கோடிக்கு மேல் வசூல் செய்த இந்த படத்திற்கு பின்னர், அட்லீ யாருடன் கூட்டணி அமைப்பார் என்பது மிகப்பெரிய எதிர்பார்ப்பை ஏற்படுத்தியது. மேலும் சமீபத்தில் 'புஷ்பா' பட நாயகனான அல்லு அர்ஜுன் நடிக்கும் படத்தை இயக்க உள்ளதாக அறிவிப்பு வெளியானது.

புஷ்பா இரண்டாம் பாகத்தில் நடித்த முடித்துள்ள அல்லு அர்ஜூன், விரைவில் அட்லீ இயக்கத்தில் இணைய உள்ளார். மேலும் இப்படத்திற்கான பணிகளும் பரபரப்பாக நடந்து வருகிறது. இந்த படத்தில் அல்லு அர்ஜுனுக்கு ஜோடியாக 40 வயது நடிகையான த்ரிஷா நடிப்பார் என கூறப்பட்ட நிலையில், பின்னர் நயன்தாராவின் பெயரும் அடிபட்டது.

ஆனால் தற்போது அட்லீ நயன்தாராவும் வேண்டாம்... த்ரிஷாவும் வேண்டாம்... என முடிவு செய்துள்ள நிலையில், ஹீரோயினாக நடிக்க தேர்வு செய்துள்ள அந்த நடிகை பற்றிய தகவல் வெளியாகி உள்ளது. அட்லீ இயக்கும் படத்தில், ஹீரோயினாக பிரபல நடிகை சமந்தா நடிக்க உள்ளதாகவும் இந்த படத்தின் அதிகாரப்பூர்வ தகவல் அல்லு அர்ஜுனின் பிறந்த நாளான ஏப்ரல் 8-ஆம் தேதி வெளியாக வாய்ப்புள்ளதாக கூறப்படுகிறது.

முதல்முறையாக தெலுங்கு நடிகர் அல்லு அர்ஜுனை வைத்து அட்லீ இயக்கும், இந்த திரைப்படமும் பான் இந்தியா படமாக தயாராக உள்ளது. இந்த படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது குறிப்பிடத்தக்கது. சமந்தாவை ஜவான் படத்தில் ஹீரோயினாக நடிக்க வைக்க அட்லீ முயற்சி செய்த நிலையில், அப்போது மிஸ் ஆன நடிகையை இந்த படத்திற்காக அட்லீ தட்டி தூக்கிவிட்டதாகவே பார்க்கப்படுகிறது.