என்னது சூர்யா வெஜ்ஜா.. முட்டைக்கு கூட No சொல்லும் 5 கோலிவுட் நடிகர்கள் - யாருனு தெரிஞ்சா ஆச்சர்யப்படுவீங்க!
பொதுவாகவே திரையில் தோன்றும் நடிகர், நடிகைகள் தங்கள் உடலை கட்டுக்கோப்பாக வைத்துக் கொள்ள என்ன உணவை உண்கிறார்கள் என்பது குறித்த கேள்விகள் நமக்குள் அடிக்கடி எழுவது உண்டு. ஆகவே இந்த பதிவில் சைவத்தை விரும்பி சாப்பிடும் சில தென்னிந்திய நடிகர்கள் குறித்து பார்க்கலாம்.
kollywood Actor Madhavan R
முதலில் வருவது நமது மாதவன் தான், இயல்பிலேயே இவர் சைவம் உண்ணும் பழக்கம் உடையவர் என்பது நம்மில் பலர் அறிந்த உண்மை. அதேசமயம் தனது உடலை, கதைக்கு ஏற்றவாறு மாற்றிக் கொள்ளும் திறனும் இவருக்கு உண்டு. தனது வீட்டில் வைக்கப்படும் சாம்பார் சாதம், உருளைக்கிழங்கும் இவருக்கு மிக மிக பிடித்த உணவுகளில் ஒன்று.
Jailer Movie Actress Tamanaahh Bhatia
காவாலா பாடல் மூலம் அனைவரையும் கிறங்கடிக்கச் செய்த தமன்னா தமிழ் திரை உலகில் பல ஆண்டுகளாக முன்னணி நடிகையாக திகழ்ந்து வருகிறார். ஆரம்ப கட்டத்தில் சிக்கன் பிரியாணியையும், மட்டன் பிரியாணியையும் ஒரு பிடி பிடித்த தமன்னா, கடந்த சில ஆண்டுகளாகவே சுத்த சைவமாக மாறிவிட்டதாக கூறப்படுகிறது.
Kollywood Top Actress Trisha
ஜோடி திரைப்படத்தின் மூலம் திரையுலகில் அறிமுகமாகி, கடந்த 24 ஆண்டுகளாக தமிழ் திரையுலகில் உச்ச நட்சத்திரமாக திகழ்ந்து வரும் நடிகை திரிஷாவும் மிகப்பெரிய சைவ விரும்பியாம். பொதுவாக சாலடுகளை அதிகம் விரும்பி சாப்பிடும் த்ரிஷாவிற்கு மிக மிக பிடித்த உணவு தோசையும் சாம்பாரும் என்று கூறப்படுகிறது.
Kollywood Actress Shriya Sharan
40 வயதை தொட்டு விட்டு, ஒரு குழந்தையும் பெற்றுவிட்டார் என்றாலும் கூட இன்றளவும் தனது கட்டுக்கோப்பான அழகை காத்து வரும் ஒரு நடிகை தான் ஸ்ரேயா சரண். தனது இந்த இளமையின் ரகசியம் அவர் எடுத்துக் கொள்ளும் சைவ உணவுகள் தான் என்று பலமுறை அவர் கூறியுள்ளார். அசைவத்தை விரும்பாத அவர், சைவ உணவுகள் எதுவாகினும் அதை விரும்பி உண்ணும் பழக்கம் உடையவர்.
Kollywood Top Hero Actor Suriya
லிஸ்டில் அடுத்த இடத்தில் இருப்பது தமிழ் சினிமாவின் முன்னணி நடிகர், உண்மையில் இவர் மேற்கொள்ளும் உடற்பயிற்சிகளை பார்க்கும் பொழுது இவர் ஒரு சைவ விரும்பி என்று கூறினால் சட்டென்று யாரும் நம்பி விடமாட்டார்கள். அவர் வெறும் யாரும் அல்ல கங்குவா சூர்யா தான். நடிகர் சூர்யாவிற்கும் மிக மிக பிடித்தமான உணவு சைவ உணவுகள் தான் என்றும், அவர் முட்டை கூட சாப்பிட மாட்டார் என்றும் கூறப்படுகிறது. மட்டன், சிக்கன், முட்டை உள்ளிட்டவற்றை பெரிதும் விரும்பாத சூர்யா, அதிகம் விரும்பி சாப்பிடும் உணவு தயிர் சாதம் தானாம்.