மகிழ்ச்சியான திருமண உறவுக்கு இந்த சின்ன சின்ன விஷயங்களை ஃபாலோ பண்ணாலே போதும்..!

ஆரோக்கியமான திருமண உறவு என்பது பரஸ்பர நம்பிக்கை, ஆதரவு மற்றும் அர்ப்பணிப்பு ஆகியவற்றை அடிப்படையாகக் கொண்டது.. எனவே உங்கள் உறவில் சில நேர்மறை பழக்கங்களை வளர்த்துக்கொள்வது நம்பிக்கையை வளர்க்கவும், உறவை வலுவாக்கவும் உதவுகிறது. இந்த சிறிய பழக்கங்களை பின்பற்றினாலே உங்கள் உறவை ஆரோக்கியமாகவும் மகிழ்ச்சியாகவும் மாற்றலாம். அவை என்னென்ன பழக்கங்கள் என்று இந்த பதிவில் பார்க்கலாம்.

எந்தவொரு உறவின் அடித்தளமே நம்பிக்கை தான். உங்கள். உறவில் நம்பிக்கையின்மை இருந்தால், அது சிக்கலையே ஏற்படுத்தும் பரஸ்பர நம்பிக்கை உங்கள் துணையுடன் ஆழமான தொடர்புகளையும் சிறந்த புரிதலையும் வளர்க்கிறது.

உங்கள் துணையின் பேச்சை பொறுமையாக கேட்பதன் மூலம் 90% பிரச்சனைகளை தீர்க்க முடியும். உறவில் புரிந்துகொள்ளும் நபராக இருக்க முயற்சி செய்யுங்கள். உங்கள் துணை சொல்வதை கவனமாகவும் அக்கறையுடனும் கேட்பதன் மூலம், உங்கள் துணையை நீங்கள் மதிக்கிறீர்கள் என்பதை உணர வைக்கும். உங்கள் துணையின் பேச்சைக் கேட்பது அவர்களின் எண்ணங்களுக்கும் உணர்ச்சிகளுக்கும் நீங்கள் அக்கறை காட்டுகிறீர்கள் என்பதைக் குறிக்கிறது.

உங்கள் துணை மீது வெறுப்புணர்வை கொண்டிருப்பது உறவில் வெறுப்பையும் கசப்பையும் உருவாக்குகிறது. எனவே உங்கள் துணை ஏதேனும் தவறு செய்திருந்தால் கூட அவர்களை மன்னிப்பது நல்லது. கடந்த கால நினைவுகள் மற்றும் விரும்பத்தகாத அனுபவங்களை மறப்பதும் உறவு நீண்டகாலம் உறவு நிலைத்திருக்க உதவும்.

உங்கள் துணையின் குறைகளை ஏற்றுக்கொள்வது ஒரு உறவில் மிகவும் முக்கியமான விஷயம். இந்த உலகில் யாருமே பரிசுத்தமானவர்கள் இல்லை. குறைபாடுகள் மற்றும் பலவீனங்கள் இருந்தாலும், அவர்கள் எப்படி இருக்கிறார்களோ அப்படியே  ஏற்றுக்கொள்வதும், நிபந்தனையின்றி அவர்களை நேசிப்பதும் உறவை வலுவாக்க உதவும். .

உடல் ரீதியான நெருக்கமும் ஒரு ஆரோக்கியமான உறவில் அவசியம். உடல் ரீதியாகவும் உணர்வு ரீதியாகவும் உங்கள் துணையுடன் ஆதரவாக இருக்க முயற்சி செய்யுங்கள். இது திருமண உறவை மேலும் மகிழ்ச்சியாகவும் ஆரோக்கியமாகவும் மாற்றும்.