Leo Release: லியோ படம் ரிலீஸில் தொடர்ந்து நீடிக்கும் சிக்கல்! பிரபலத்தின் பதிவால் அதிர்ச்சியில் ரசிகர்கள்..!

லியோ படத்தின் ரிலீஸில் இன்னும், விநியோகஸ்தர்களுடனான பேச்சுவார்த்தையில் உடன்பாடு ஏற்படவில்லை என கூறி, அர்ச்சனா கல்பாத்தி போட்டுள்ள பதிவு... திரையுலகினர் மற்றும் ரசிகர்கள் மத்தியில் அதிர்ச்சியலைகளை ஏற்படுத்தியுள்ளது. 

Leo

'லியோ' படத்தின், ஸ்பெஷல் ஷோ வெளியிடுவதில் தயாரிப்பு நிறுவனம் ஒரு புறம் கோர்ட், கேஸ் என பரபரப்பாக செயல்பட்டுவந்தாலும், இதுவரை... படத்தின் ரிலீஸில் தயாரிப்பாளர், விநியோகஸ்தர், மற்றும் திரையரங்கு உரிமையாளர்களுக்கு இடையே நடக்கும் பேச்சு வார்த்தையில் உடன்பாடு எட்டப்படாமல் உள்ளது.

Leo Release Issue

தளபதியின் 'லியோ' படத்தை தயாரித்துள்ள, செவென் ஸ்கிரீன் நிறுவனம்... படம் வெளியாகும் திரையரங்குகளின் முதல் வார வசூலில் இருந்து, 75 சதவீதம் கேட்பதாகவும், மீதம் 25 சதவீத கலெக்ஷனின் தான், விநியோகஸ்தர்கள் மற்றும் திரையரங்கு உரிமையாளர்கள் எடுத்து கொள்ள வேண்டும் என புதிய நிபந்தனை ஒன்றை போட்டுள்ளது.

Leo Booking Issue:

இந்த நிபந்தனைக்கு திரையரங்கு உரிமையாளர்கள் மற்றும் விநியோகஸ்தர்கள் உடன்படாத நிலையில், கடந்த இரண்டு நாட்களாகவே இரு தரப்பினருக்கும் இடையே பேச்சு வார்த்தை நடந்து வருகிறது. ஆனால் தற்போது படம் ரிலீசுக்கு இன்னும், இடையில் ஒரே ஒரு நாளே உள்ள நிலையில் இன்னும் இந்த பிரச்சனைக்கு முடிக்கப்படவில்லை என்பதை அறிவித்துள்ளார் பிரபல தயாரிப்பாளரும், விநியோகஸ்தருமான அர்ச்சனா கல்பாத்தி.

Archana kalpathi Tweet:

இதுகுறித்து அவர் போட்டுள்ள பதிவில், விநியோகஸ்தர்களுடன் விதிமுறைகள் குறித்து தொடர்ந்து நீடித்து வரும் பிரச்சனையால், #Leo முன்பதிவுகளைத் திறக்க முடியவில்லை. இதனால் அனைவருக்கும் ஏற்பட்ட சிரமத்திற்கு வருந்துகிறோம், பொறுமையாகக் காத்திருந்ததற்கு நன்றி. இன்று மாலை 6:00 மணிக்குள் ஏதேனும் முன்னேற்றங்கள் இருந்தால் தெரிவிக்கப்படும் என்று தெரிவித்துள்ளார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.