Thalaivar 170: அதிரடி ஆரம்பம்! அண்ணாமலை கெட்டப்பில் ரஜினிகாந்த்..! துவங்கியது 'தலைவர் 170' படப்பிடிப்பு!

சூப்பர் ஸ்டார் ரஜினிகாந்தின் 170 படத்தின் படப்பிடிப்பு இன்று முதல் ஆரம்பமாகிவிட்டதாக, புதிய போஸ்டர் ஒன்றை வெளியிட்டு படக்குழு அறிவித்துள்ளது. 

Thalaivar 170 Shooting Started

'ஜெயிலர்' படத்தின் பிரமாண்ட வெற்றியை தொடர்ந்து, தற்போது ரஜினிகாந்த் தன்னுடைய அடுத்த படத்தில் நடிக்க தயாராகி உள்ளார். தற்காலிகமாக 'தலைவர் 170' என பெயரிடப்பட்டுள்ள இந்த படத்தின், ப்ரீ புரோடக்ஷன் பணிகள், கடந்த ஒரு மாதமாகவே முழு வீச்சில் நடந்து வந்த நிலையில், இன்று முதல் படப்பிடிப்பு துவங்கி உள்ளது.

Annamalai movie getup

இதில் கலந்து கொள்வதற்காக சூப்பர் ஸ்டார் ரஜினிகாந்த் நேற்று சென்னையில் இருந்து புறப்பட்டு திருவனந்தபுரம் சென்றார். இதைத்தொடர்ந்து, இன்று முதல் படபிடிப்பு ஆரம்பமாகி உள்ளதாக லைக்கா நிறுவனம் ரஜினிகாந்தின் புதிய போஸ்டர் ஒன்றை வெளியிட்டு அறிவித்துள்ளது. இந்த போஸ்டரில் ரஜினிகாந்த் கிட்டத்தட்ட அண்ணாமலை படத்தில் வயதான ரஜினிகாந்த் எப்படி இருப்பாரோ அதே கெட்டப்பில் உள்ளார். இதுதான் ரஜினிகாந்தின் இந்த படத்திற்கான லுக்கா என ரசிகர்கள் கேள்வி எழுப்பி வருவதையும் பார்க்க முடிகிறது.

Thalaivar 170 cast:

மேலும் கடந்த இரண்டு நாட்களாக, தலைவர் 170 படத்தில் நடிக்க உள்ள முக்கிய நடிகர் - நடிகைகள் பற்றிய அறிவிப்பு வெளியாகி வந்தது குறிப்பிடத்தக்கது. அதன்படி இந்த படத்தில் துஷாரா விஜயன், ரித்திகா சிங், மஞ்சு வாரியர், ஆகிய மூன்று நாயகிகள் நடக்கின்றனர். இவர்களில் மஞ்சு வாரியர் ரஜினிக்கு ஜோடியாக நடிக்க உள்ளதாக கூறப்படுகிறது. மேலும் ராணா டகுபதி, அமிதாபச்சன், பகத் பாசில் ஆகியோரும்  இந்த படத்தில் நடிப்பதை படக்குழு உறுதி செய்துள்ளது குறிப்பிடத்தக்கது.

Thalaivar 170 Poster:

சூர்யாவை வைத்து 'ஜெய்பீம்' படத்தை இயக்கி, வசூல் ரீதியாகவும், விமர்சன ரீதியாகவும், வெற்றி பெற்ற இயக்குனர் த.செ.ஞானவேல் இயக்கத்தில், உண்மை கதையை மையமாக வைத்து இந்த படம் உருவாக உள்ளது குறிப்பிடத்தக்கது. மேலும் இந்த படம் போலி என்கவுண்டருக்கு எதிராக போராடும் போலீஸ் அதிகாரியை பற்றிய கதை என ஏற்கனவே தகவல் வெளியானது குறிப்பிடத்தக்கது. இந்தப் படத்தில் ரஜினிகாந்த் போலீஸ் அதிகாரியாக நடிக்க உள்ளதாக கூறப்படுகிறது. விரைவில் இந்த படத்தின் டைட்டில் குறித்த அறிவிப்பு வெளியாகும் என நேற்று செய்தியாளர்களிடம் ரஜினிகாந்த் கூறியுள்ளதால்.. இன்னும் ஓரிரு வாரத்தில், தலைப்பு வெளியாகும் என எதிர்பார்க்கப்படுகிறது.