இரண்டு தடவ தளபதி விஜய் கிட்ட கதை சொன்னேன்.. ஆனா அவருக்கு அது பிடிக்கல - போட்டு உடைத்த மாஸ் இயக்குனர்!

தமிழ் சினிமாவின் முன்னணி நடிகராக திகழ்ந்து வருபவர் தான் தளபதி விஜய். அவர் நடிப்பில் வெளியான லியோ திரைப்படம் 500 கோடி ரூபாய் வசூலை எட்டியுள்ள நிலையில், அவருக்கு கதை சொன்ன ஒரு மாஸ் இயக்குனருக்கு விஜய் இரண்டு முறை "நோ" சொன்னது குறித்து சில தகவல்கள் தற்போது வெளியாகியுள்ளது.

Actor Thalapathy vijay

தளபதி விஜய் அவர்கள் கடந்த 30 ஆண்டுகளுக்கும் மேலாக தமிழ் திரை உலகில் நாயகனாக வளம் வந்து கொண்டிருக்கும் ஒரு முன்னணி நடிகர். பல சிறந்த இயக்குனர்களுடன் பணியாற்றி இன்று மாபெரும் இடத்தை பிடித்திருக்கிறார் தளபதி விஜய் என்றால் அது சற்றும் மிகையல்ல. குறிப்பாக அவருடைய லியோ திரைப்படம் மிகப் பெரிய அளவில் வரவேற்பு பெற்றுள்ளது குறிப்பிடத்தக்கது.

Rajinikanth

இந்நிலையில் பிரபல இயக்குனர் ஒருவர் அண்மையில் அவர் பங்கேற்ற பேட்டி ஒன்றில் பேசும் பொழுது, இரண்டு முறை தான் தளபதி விஜய் அவர்களுக்கு கதை கூறியதாகவும், ஆனால் அவை இரண்டுமே தளபதி விஜய் அவர்களுக்கு பெரிய அளவில் பிடிக்கவில்லை என்றும், அவருக்கு பிடித்த ஒரு கதையோடு விரைவில் அவரிடம் சென்று கதை சொல்லி அவரோடு ஒரு படத்தில் இணைவேன் என்று தெரிவித்துள்ளார். 

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Karthick Subbaraj

அந்த இயக்குனர் வேறு யாருமல்ல சூப்பர் ஸ்டார் ரஜினிகாந்த் அவர்களை வைத்து இயக்கி பேட்ட என்ற மாஸ் ஹிட் கொடுத்த இயக்குனர் கார்த்திக் சுப்புராஜ் தான் அவர். பீட்சா, ஜிகர்தண்டா, இறைவி, மெர்குரி போன்ற பல நல்ல திரைப்படங்களை தமிழ் திரையுலகுக்கு கொடுத்த இயக்குனர் தான் கார்த்திக் சுப்புராஜ். இவருடைய இயக்கத்தில் கடந்த 2019 ஆம் ஆண்டு வெளியாகி மிகப்பெரிய அளவில் ஹிட்டான சூப்பர் ஸ்டார் ரஜினிகாந்த் அவர்களின் திரைப்படம் தான் பேட்ட என்பது அனைவரும் அறிந்ததே. தற்பொழுது நடிப்பு அரக்கன் எஸ்.ஜே சூர்யா மற்றும் ராகவா லாரன்ஸ் நடிப்பில் உருவாகியுள்ள ஜிகிர்தண்டா டபுள் எக்ஸ் படத்தை இயக்கியுள்ளது இவர் என்பது குறிப்பிடத்தக்கது.