மனைவிக்கு திடீரென நடந்த ஆபரேஷன்.... அவசர அவசரமாக வெளிநாட்டில் இருந்து வந்த அஜித் - ஷாலினிக்கு என்னாச்சு?
பிரபல நடிகையும், அஜித்தின் மனைவியுமான ஷாலினிக்கு திடீர் என ஆபரேஷன் நடந்து முடிந்துள்ளதாக வெளியாகியுள்ள தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது.
Shalini ajithkumar
தமிழ் சினிமாவில், பிரபலங்கள் முதல் ரசிகர்கள் வரை அனைவரும் பார்த்து பொறாமை கொள்ளும் நட்சத்திர ஜோடியாக இருப்பவர்கள் அஜித் - ஷாலினி தம்பதி. குழந்தை நட்சத்திரமாக பல படங்களில் நடித்து பிரபலமான ஷாலினி, அஜித்துடன் இணைந்து 'அமர்க்களம்' படத்தில் நடித்த போது... அஜித் ஷாலினியை காதலிக்க துவங்கினார். ஆரம்பத்தில் ஷாலினி இவரின் காதலை ஏற்றுக்கொள்ள தயக்கம் காட்டினாலும் பின்னர் காதலை ஏற்றுக்கொண்டார்.
இவர்கள் இருவரும் காதலிக்க துவங்கிய சில வருடத்திலேயே பெற்றோர் சம்மதத்துடன், திருமணமும் செய்து கொண்டனர். இவர்களின் காதலுக்கு அடையாளமாக, அஜித் - ஷாலினி ஜோடிக்கு அனோஷ்கா என்கிற மகளும், ஆத்விக் என்கிற மகனும் உள்ளனர்.
அஜித் ஆரம்பத்தில் தன்னுடைய பிள்ளைகள் மீது, கேமராவின் கண் படாமல் பல வருடம் பொத்தி பொத்தி பார்த்து கொண்ட நிலையில், கடந்த இரண்டு வருடமாக அனோஷ்கா மற்றும் ஆத்விக்கின் புகைப்படங்கள் அதிகம் சமூக வலைத்தளங்களில் வெளியாவதை பார்க்கமுடிகிறது.
அதே போல் அஜித்தின் மனைவி ஷாலினி திருமணத்திற்க்கு பின்னர் சினிமாவில் இருந்து விலகி... எந்த ஒரு சோசியல் மீடியாவில் இல்லாமல் இருந்தார். ஆனால் கடந்த இரண்டு வருடம் முன்பு அவர் இன்ஸ்டாகிராம் கணக்கு துவங்கி விட்டதால்... அடிக்கடி தன்னுடைய குடும்பத்துடன் எடுக்கும் புகைப்படங்களை வெளியிடுவதை வழக்கமாக வைத்துள்ளார்.
shalini
இந்நிலையில் அஜித்தின் மனைவி ஷாலினிக்கு உடல்நல குறைவு காரணமாக... மருத்துவரின் அறிவுரை படி ஆபரேஷன் செய்யப்பட்டதாக வெளியாகியுள்ள தகவல் அதிர்ச்சியை ஏற்படுத்தியுள்ளது. ஆனால் ஷாலினிக்கு என்ன பிரச்சனை? ஆபரேஷன் செய்யப்பட்டது எதற்காக என்பது குறித்த தகவல் எதுவும் வெளியாகவில்லை.
அஜித் விடாமுயற்சி படப்பிடிப்பின் இறுதி கட்ட படப்பிடிப்பில் கலந்து கொள்ளவேண்டியது அவசியம் என்பதாலும்... இல்லையென்றால் தயாரிப்பு நிறுவனத்திற்கு மிகப்பெரிய நஷ்டம் ஏற்படும் என்பதால், அஜர்பைஜான் நாட்டில் இருந்து மனைவி ஷாலினியை பார்க்க கூட வரவில்லை என கூறப்படுகிறது.
அதே நேரம் அஜர்பைஜானுக்கு செல்வதற்கு முன்பே தன்னுடைய மனைவியின் ஆபரேஷனுக்கு தேவையான அனைத்து முன் ஏற்பாடுகளையும் அஜித் செய்து விட்டதாகவும், சர்ஜரிக்கு பின்னர் மருத்துவரை தொடர்பு கொண்டு வீடியோ காலில் பேசியதாகவும் கூறப்படுகிறது. நேற்று ஷாலினிக்கான ஆபரேஷன் முடிந்த நிலையில்... படப்பிடிப்பை முடித்த கையேடு அஜித் அவசர அவசரமாக சென்னைக்கு விரைந்துள்ளார்.