Shiva Rajkumar: என்ன ஆச்சு? கன்னட சூப்பர் ஸ்டார் சிவராஜ் குமார் மருத்துவமனையில் அனுமதிக்கப்பட்டதால் அதிர்ச்சி!
தமிழில் ஒரு சில படங்களில் நடித்துள்ள, கன்னட சூப்பர் ஸ்டார் சிவராஜ் குமார்... திடீர் உடல்நல குறைவு காரணமாக மருத்துவமனையில் அனுமதிக்கப்பட்டுள்ள சம்பவம் பரபரப்பை ஏற்படுத்தியுள்ளது.
Shivaraj kumar
கன்னட திரையுலகில் முன்னணி ஹீரோவாக இருப்பவர் சிவராஜ் குமார். நடிப்பில் படு பிசியாக இருக்கும் இவர்... தன்னுடைய மனைவிக்காக தேர்தலில் பிரச்சாரம் மேற்கொண்ட போது திடீர் என ஏற்பட்ட உடல்நல குறைவு காரணமாக மருத்துவமனையில் அனுமதிக்கப்பட்ட சம்பவம் பரபரப்பை ஏற்படுத்தியுள்ளது.
Shivaraj Kumar
கன்னட நடிகர் ராஜ்குமாரின் மகனான சிவராஜ் குமார், தற்போது கன்னட திரையுலகில் முன்னணி நடிகராக உள்ளார். சமீப காலமாக கன்னட மொழி படங்களை தாண்டி, தமிழ் படங்களிலும் கவனம் செலுத்தி வரும் இவர், தன்னுடைய பிஸியான படப்பிடிப்புக்கு இடையே... 'சிவமோஹா தொகுதியில் காங்கிரஸ் சார்பில் போட்டியிடும் தனது மனைவி கீதா சிவராஜ்குமாருக்காகவும் பிரச்சாரத்தில் இறங்கினார் இதன் காரணமாகவே இவருக்கு உடல்நல குறைவு ஏற்பட்டது.
பின்னர், அருகில் உள்ள தனியார் மருத்துவமனைக்கு அழைத்துச் செல்லப்பட்ட அவர், அங்கு சிகிச்சை பெற்று திங்கள் கிழமை அன்று ]டிஸ்சார்ஜ் ஆனார். படப்பிடிப்பு தளத்தில் இருந்த அதிக தூசி காரணமாக, இந்த உடல்நல குறைவு ஏற்பட்டதாக மருத்துவர்கள் கூறியதாக தகவல் வெளியானது.
மருத்துவர்கள் ஆலோசனை படி உரிய மருந்து மாத்திரைகளை எடுத்து கொள்ள உள்ளதாக கூறப்படுகிறது. சிவராஜ் குமார், சூப்பர் ஸ்டார் ரஜினிகாந்த் நடிப்பில் வெளியான ஜெயிலர், தனுஷ் நடித்த கேப்டன் மில்லர் போன்ற படங்களில் முக்கிய கதாபாத்திரத்தில் நடித்திருந்தார் என்பது குறிப்பிடத்தக்கது.