இந்தியன் 2-வில் இருந்து கேம் சேஞ்சருக்கு தாவிய இயக்குனர் ஷங்கர்... பர்ஸ்ட் சிங்கிள் ரெடி - எப்போ ரிலீஸ்?
ஷங்கர் இயக்கத்தில் ராம் சரண் ஹீரோவாக நடித்துவரும் கேம் சேஞ்சர் என்கிற பிரம்மாண்ட திரைப்படத்தின் பர்ஸ்ட் சிங்கிள் ரிலீஸ் அப்டேட் கசிந்துள்ளது.
Game Changer
தமிழ் திரையுலகில் தொடர்ந்து பல பிரம்மாண்ட படங்களை இயக்கி வெற்றிகண்டவர் ஷங்கர். அவர் தெலுங்கு நடிகர் ராம்சரண் உடன் முதன்முறையாக இணைந்து பணியாற்றும் திரைப்படம் கேம் சேஞ்சர். இப்படத்தில் ராம்சரணுக்கு ஜோடியாக பாலிவுட் நடிகை கியாரா அத்வானி நடிக்கிறார். மேலும் அஞ்சலி, எஸ்.ஜே.சூர்யா என மிகப்பெரிய நட்சத்திர பட்டாளமே நடிக்கும் இப்படத்தை வாரிசு பட தயாரிப்பாளர் தில் ராஜு தயாரித்து வருகிறார்.
Game Changer Ramcharan
கேம் சேஞ்சர் படத்தின் படப்பிடிப்பு இறுதிக்கட்டத்தை எட்டி உள்ளது. இப்படத்தின் அப்டேட்டுகள் எதுவும் வெளியிடாமல் சைலண்டாக இருந்த படக்குழு, தற்போது ஒருவழியாக அப்டேட்டை வெளியிட ரெடியாகி வருகிறதாம். வருகிற மார்ச் 27-ந் தேதி நடிகர் ராம்சரணின் பிறந்தநாளன்று கேம் சேஞ்சர் திரைப்படத்தின் மாஸான அப்டேட் வெளியிடப்பட உள்ளதாம். அநேகமாக அது கேம் சேஞ்சர் படத்தின் பர்ஸ்ட் சிங்கிள் அப்டேட்டாக இருக்கும் என கூறப்படுகிறது.
இதையும் படியுங்கள்... Janhvi Net worth: 27 வயசுதான் ... நடிகையான 7 வருடத்தில் கோடிக்கணக்கில் சொத்து சேர்த்த ஸ்ரீதேவி மகள் ஜான்வி!
Game Changer Movie Update
கேம் சேஞ்சர் படத்துக்கு தமன் இசையமைத்துள்ளார். ஷங்கர் படத்துக்கு அவர் இசையமைப்பது இதுவே முதன்முறை. இதற்கு முன்னர் இயக்குனர் ஷங்கர் இயக்கிய படங்களுக்கு ஹாரிஸ் ஜெயராஜ் அல்லது ஏ.ஆர்.ரகுமான் தான் இசையமைப்பர். ஆனால் தற்போது முதன்முறையாக அவர்களுக்கு பதிலாக இரண்டு இளம் இசையமைப்பாளர்களுடன் பணியாற்றி வருகிறார் ஷங்கர். ஒன்று தமன் மற்றொன்று அனிருத்.
Game Changer Movie First single
அனிருத், ஷங்கர் இயக்கத்தில் பிரம்மாண்டமாக உருவாகி வரும் இந்தியன் 2 படத்துக்கு இசையமைக்கிறார். இப்படத்தின் பணிகளும் இறுதிக்கட்டத்தை எட்டி உள்ளது. இயக்குனர் ஷங்கர் தன்னுடைய கெரியரிலேயே ஒரே சமயத்தில் இரண்டு பிரம்மாண்ட படங்களை இயக்குவது இதுவே முதன்முறை ஆகும். இந்தியன் 2 படத்தில் கமல்ஹாசன் ஹீரோவாக நடித்து வருகிறார். இப்படத்தை ரெட் ஜெயண்ட் மற்றும் லைகா நிறுவனம் இணைந்து தயாரிப்பது குறிப்பிடத்தக்கது.
இதையும் படியுங்கள்... ஒரு படத்திற்கு ரூ.250 கோடி.. இந்தியாவில் அதிக சம்பளம் வாங்கும் ஹீரோ யார்? டாப் 10 நடிகர்கள் லிஸ்ட்..