வைர கல் பதித்த வாட்ச்.. கமல்ஹாசன் முதல் ஏ.ஆர்.ரஹ்மான் வரை.. இந்திரஜாவுக்கு கொடுத்த கிஃப்ட் என்ன?

பிரபல காமெடி நடிகர் ரோபோ சங்கரின் மகளும், நடிகையுமான இந்திரஜா சங்கரின் திருமணம் கடந்த 24-ம் தேதி மதுரையில் கோலாகலமாக நடைபெற்றது. தொடர்ந்து சென்னையில் சமீபத்தில் இந்திரஜா – கார்த்தியின் திருமண வரவேற்பு நடைபெற்றது.

திருமணம், வரவேற்பு இரண்டிலுமே ஏராளமான திரைப் பிரபலங்கள் கலந்து கொண்டு மணமக்களுக்கு வாழ்த்து தெரிவித்தனர். தமிழ் சினிமாவில் எந்த ஒரு காமெடி நடிகரும் தனது வாரிசுக்கு இப்படி ஒரு திருமணத்தை நடத்தி இருக்க முடியாது என்று கூறும் அளவுக்கு தனது மகள் திருமணத்தை பிரம்மாண்டமாக நடத்தி உள்ளார் ரோபோ சங்கர்.

இதை தொடர்ந்து தனது திருமணத்திற்கு வந்த பரிசுப் பொருட்களை அன்பாக்ஸிங் செய்யும் வீடியோவை இந்திரஜா வெளியிட்டார். அதில் தங்களுக்கு வந்த பரிசுப்பொருட்கள் குறித்தும், அதை யார் வழங்கினார்கள் என்பது குறித்தும் இந்திரஜா பேசியிருந்தார். 

சுமார் 25 லட்சம் மதிப்புள்ள வைரக்கல் பதிக்கப்பட்ட ரோலக்ஸ் வாட்ச்சை கார்த்திக்கின் நெருங்கிய நண்பர்கள் பரிசாக வழங்கி உள்ளனர். அதே போல் வேறொரு நண்பர் ஒருவர் இந்திரஜா, கார்த்திக் இருவருக்குமே தனித்தனியாக ஆடம்பர வாட்ச்சை பரிசாக வழங்கி அசத்தி உள்ளனர்.

இந்த நிலையில் பிரபலங்கள் என்னென்ன பரிசுப்பொருட்களை வழங்கினர் என்ற அதிர்ச்சி தகவல் வெளியாகி உள்ளது.  அந்த வகையில் வித்தியாசமான பூக்களை கொண்ட பொக்கே ஒன்றை உலகநாயகன் கமல்ஹாசன் பரிசாக கொடுத்தார். அவர் எப்போதுமே வித்தியாசமான பரிசையே கொடுப்பவர் என்று கூறிய இந்திரஜா அவருக்காக விரும்மாண்டி படத்தில் இடம்பெற்ற உன்னவிட இந்த உலகத்தில் என்ற பாடலையும் பாடிக்காட்டினார்.

திருமணத்திற்கு நேரில் வராத நயன்தாரா வீடியோ காலில் வந்து இந்திரஜா சங்கருக்கு வாழ்த்து தெரிவித்தார். இசைப்புயல் ஏ.ஆர் ரஹ்மான் அழகான பொக்கே ஒன்றை மணமக்களுக்கு வழங்கியதுடன், ஒரு வாழ்த்து கடிதத்தையும் கொடுத்துள்ளார். இவை தவிர தங்கம் மற்றும் வெள்ளியினால் ஆன பல விலை உயர்ந்த பொருட்கள் இந்திரஜா திருமணத்திற்கு பரிசாக வழங்கப்பட்டன.