100 கோடி வசூல்... தமிழ்நாட்டில் ரஜினி படத்தின் லைஃப் டைம் வசூலை தட்டிதூக்க காத்திருக்கும் மஞ்சும்மல் பாய்ஸ்..!
உலகளவில் ரூ.100 கோடி வசூலை வாரிக்குவித்துள்ள மஞ்சும்மல் பாய்ஸ் திரைப்படம், அடுத்ததாக ரஜினி படத்தின் லைஃப் டைம் வசூல் சாதனையை முறியடிக்க காத்திருக்கிறது.
manjummel boys 100 crores collection
மஞ்சும்மல் பாய்ஸ் திரைப்படம் தற்போது தமிழ்நாட்டில் சக்கைப்போடு போட்டு வருகிறது. ஒரு மலையாள படத்துக்கு இப்படி ஒரு வரவேற்பா என கோலிவுட்டே வாயடைத்துப் போகும் அளவுக்கும் மஞ்சும்மல் பாய்ஸ் வசூல் வேட்டை நடத்தி வருகிறது. சிதம்பரம் இயக்கிய இப்படம் கடந்த மாதம் 22-ந் தேதி தமிழ்நாட்டில் வெறும் 50 திரையரங்குகளில் மட்டுமே ரிலீஸ் ஆனது. பின்னர் படத்திற்கு பாசிட்டிவ் விமர்சனங்கள் கிடைத்ததும் படிப்படியாக பிக் அப் ஆகி இரண்டு வாரங்களை கடந்து 250க்கும் மேற்பட்ட திரையரங்குகளில் வெற்றிநடைபோட்டு வருகிறது மஞ்சும்மல் பாய்ஸ்.
Manjummel Boys box office record
மஞ்சும்மல் பாய்ஸ் திரைப்படத்தை நண்பர்கள் தான் கொண்டாடி வருகின்றனர். இப்படத்தில் ஹீரோயின் இல்லை, ரொமான்ஸ் இல்லை என்றாலும் நட்பின் மகத்துவத்தை உணர்த்தும் விதமாக அமைந்துள்ள இதன் திரைக்கதை தான் இப்படத்தை ரசிகர்கள் கொண்டாட முக்கிய காரணம். மேலும் இதுவரை காதல் கீதமாக கொண்டாடப்பட்டு வந்த குணா படத்தில் இடம்பெறும் கண்மணி அன்போடு காதலன் பாடல் தற்போது நண்பர்கள் கொண்டாடும் பாடலாக மாறி இருக்கிறது. அதற்கு காரணம் மஞ்சும்மல் பாய்ஸ் தான்.
இதையும் படியுங்கள்... மஞ்சுமெல் பாய்ஸ் எனும் மாஸ்டர் பீஸ் படத்தை இயக்கியவர்... யார் இந்த சிதம்பரம்; அவர் இயக்கிய படங்கள் என்னென்ன?
manjummel boys Tamilnadu collection
கேரளாவை காட்டிலும் மஞ்சும்மல் பாய்ஸ் படத்துக்கான வரவேற்பு தமிழ்நாட்டில் நாளுக்கு நாள் அதிகரித்த வண்ணம் உள்ளது. இதுவரை தமிழ்நாட்டில் வெளியான மலையாள படங்களில் கடந்த ஆண்டு திரைக்கு வந்த 2018 திரைப்படம் ரூ.2 கோடி வசூலித்ததே சாதனையாக இருந்து வந்த நிலையில், அந்த சாதனையை ஒரே வாரத்தில் முறியடித்தது மஞ்சும்மல் பாய்ஸ். இப்படம் ரிலீஸ் ஆன 11 நாட்களில் தமிழ்நாட்டில் மட்டும் ரூ.15 கோடி வசூலை வாரிக்குவித்துள்ளது.
Manjummel Boys all set to beat lal salaam lifetime collection
அதேபோல் உலகளவில் இப்படம் ரூ.100 கோடி வசூல் என்கிற வரலாற்று சாதனையை படைத்துள்ளது. இதற்கு முன்னர் புலிமுருகன், லூசிபர் மற்றும் 2018 ஆகிய மூன்று படங்கள் மட்டுமே ரூ.100 கோடிக்கு மேல் வசூல் செய்திருந்த நிலையில், தற்போது மஞ்சும்மல் பாய்ஸும் அந்த எலைட் லிஸ்ட்டில் இணைந்துள்ளது. அதுமட்டுமின்றி தமிழ்நாட்டில் சமீபத்தில் ரஜினிகாந்த் நடிப்பில் வெளிவந்த லால் சலாம் திரைப்படம் மொத்தமாகவே ரூ.20 கோடி தான் வசூலித்து இருந்தது. அந்த வசூலை இன்னும் ஓரிரு தினங்களில் மஞ்சும்மல் பாய்ஸ் எட்டிப்பிடித்துவிடும் என கூறப்படுகிறது.
இதையும் படியுங்கள்... சிறு வயதில் பேச முடியாது.. முதுகுத்தண்டு பிரச்சனை.. ஆனாலும் ரூ.3000 கோடி சொத்துக்கு அதிபதியான சூப்பர்ஸ்டார்..
சேனலை கிளிக் செய்து பின்தொடரவும்
