Minnale : மின்னலே-வில் ஹீரோவாக நடிக்க பர்ஸ்ட் சாய்ஸ் மாதவன் இல்லையாம்... நல்ல சான்ஸை மிஸ் பண்ணிய நடிகர் இவரா?

இயக்குனர் ராஜீவ் மேனனிடம் உதவி இயக்குனராக பணியாற்றிய கவுதம் மேனன், முதன்முதலில் இயக்குனராக அறிமுகமான திரைப்படம் மின்னலே. கடந்த 2001-ம் ஆண்டு வெளியான இப்படத்தில் மாதவன் ஹீரோவாக நடித்திருந்தார். அவருக்கு ஜோடியாக ரீமா சென் நடித்திருந்த இப்படம் பிளாக்பஸ்டர் ஹிட் ஆனது. குறிப்பாக காதலர்கள் மத்தியில் இப்படத்திற்கு அமோக வரவேற்பு கிடைத்தது. இதனால் எவர்கிரீன் காதல் படங்கள் லிஸ்ட்டில் மின்னலே இடம்பெற்றது.

மின்னலே படத்தின் வெற்றிக்கு அப்படத்தின் பாடல்களும் ஒரு முக்கிய காரணம். இப்படத்தின் மூலம் தான் இசையமைப்பாளர் ஹாரிஸ் ஜெயராஜ் அறிமுகமானார். முதல் படத்திலேயே தன்னுடையை பாடல்களால் ரசிகர்கள் மத்தியில் பரவலாக பேசப்பட்டார் ஹாரிஸ். மின்னலே படத்தின் பாடல்கள் இன்றளவும் ரசிகர்களால் கொண்டாடப்பட்டு வருகிறது. அந்த அளவுக்கு ஆத்மார்த்தமான இசையால் ரசிகர்களை கட்டிப்போட்டுள்ளார் ஹாரிஸ்.

இதையும் படியுங்கள்... Kollywood Movies : ஏப்ரல் மாதத்தில்.. Come Back கொடுக்குமா கோலிவுட்? - இம்மாதம் வெளியாகும் டாப் 6 படங்கள்!

மின்னலே படம் நடிகர் மாதவனுக்கு மிகப்பெரிய திருப்புமுனையாக அமைந்தது. ஆனால் முதலில் இப்படத்தில் ஹீரோவாக நடிக்க இருந்தது மாதவன் இல்லை என்று சொன்னால் உங்களால் நம்ப முடிகிறதா. ஆனால் அது தான் உண்மை. இப்படத்தில் முதலில் ஹீரோவாக நடிக்க இருந்தது சூர்யா தானாம். இந்தக் கதையை சூர்யாவை வைத்து படமாக்க வேண்டும் என்கிற ஐடியாவில் தான் கவுதம் மேனனும் இருந்து வந்துள்ளார்.

மின்னலே படத்தின் கதையை அவர் சூர்யாவின் தந்தை சிவக்குமாரிடம் கூறி இருக்கிறார். கதையை கேட்ட சிவக்குமாருக்கு திருப்தி இல்லாததால் நோ சொல்லிவிட்டாராம். அதன்பின்னரே மாதவனை வைத்து அப்படத்தை எடுத்துள்ளார் கவுதம் மேனன். சூர்யா மின்னலே பட வாய்ப்பை தவறவிட்டாலும் கவுதம் மேனன் இயக்கத்தில் காக்க காக்க, வாரணம் ஆயிரம் போன்ற மாஸ் ஹிட் படங்களில் நடித்துள்ளார் என்பது குறிப்பிடத்தக்கது.

இதையும் படியுங்கள்... SK 23 movie Villain : சிவகார்த்திகேயனை பதம் பார்க்க பாலிவுட்டில் இருந்து வில்லனை களமிறக்கிய ஏ.ஆர்.முருகதாஸ்