ஷங்கர், அட்லீயை ஓவர்டேக் செய்த லோகேஷ் கனகராஜ்... டாப் 10 இயக்குனர்களின் சம்பள விவரம் இதோ
தமிழ் சினிமாவில் ஹீரோக்களுக்கு நிகராக இயக்குனர்களும் சம்பளத்தை மளமளவென உயர்த்திய வண்ணம் உள்ள நிலையில், டாப் 10 இயக்குனர்களின் சம்பள விவரத்தை பார்க்கலாம்.
Top 10 Directors Salary
தமிழ் சினிமாவில் டாப் ஹீரோ படங்களை இயக்கினால் போதும் இளம் இயக்குனர்களும் சம்பளத்தை ஜெட் வேகத்தில் உயர்த்தி விடுகின்றனர். அந்த வகையில் கோலிவுட்டில் வெற்றிமாறன், ஷங்கர் போன்ற அனுபவ இயக்குனர்களைக் காட்டிலும் சம்பள விஷயத்தில் டாப்பில் உள்ளது இளம் இயக்குனர்கள் தான். அதிக சம்பளம் வாங்கும் இயக்குனர்கள் அடிப்படையில் 2023-ம் ஆண்டுக்கான டாப் 10 இயக்குனர்கள் பட்டியலை பிரபல வார இதழ் ஒன்று வெளியிட்டுள்ளது. அதன் லிஸ்ட்டை பார்க்கலாம்.
Pa Ranjith, Mari selvaraj
டாப் 10 இயக்குனர்கள் லிஸ்ட்டில் 10-வது இடத்தை பிடித்திருப்பவர் இயக்குனர் மாரி செல்வராஜ் தான். இந்த ஆண்டு அவர் இயக்கத்தில் மாமன்னன் படம் ரிலீஸ் ஆனது. அவர் அப்படத்திற்காக ரூ.5 கோடி சம்பளமாக வாங்கி இருக்கிறார். இதற்கு அடுத்தபடியாக 9-வது இடத்தில் அஜித்தின் விடாமுயற்சி பட இயக்குனர் மகிழ் திருமேனி இருக்கிறார். அவர் ஒரு படத்திற்கு ரூ.8 கோடி சம்பளமாக வாங்கி வருகிறாராம். இந்த லிஸ்ட்டில் வெற்றிமாறன் 8-வது இடத்தில் உள்ளது சற்று ஆச்சர்யமான விஷயம் தான்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Atlee, Nelson, lokesh kanagaraj
அவர் இயக்கத்தில் இந்த ஆண்டு விடுதலை திரைப்படம் வெளியானது. இதுவரை தோல்விகளே கொடுக்காத இயக்குனராக வெற்றிமாறன் இருந்தாலும் அவரது சம்பளம் வெறும் 10 கோடி தான். இதற்கு அடுத்தபடியாக விஜய்யின் தளபதி 68 படத்தின் இயக்குனர் வெங்கட் பிரபு 7-வது இடம்பிடித்துள்ளார். அவருக்கு ரூ.15 கோடி சம்பளம் வழங்கப்படுகிறதாம். வெங்கட் பிரபுவிடம் உதவி இயக்குனராக பணியாற்றி தற்போது முன்னணி இயக்குனராக உயர்ந்துள்ள பா.இரஞ்சித் ரூ,20 கோடி சம்பளத்துடன் 6-ம் இடம் பிடித்துள்ளார்.
Shankar, Maniratnam, Lokesh kanagaraj
டாப் 10 பட்டியலில் ரஜினியின் ஜெயிலர் படத்தை இயக்கிய நெல்சன் ரூ.20 கோடி சம்பளத்துடன் 5-வது இடத்திலும், அஜித்தின் துணிவு படத்தை இயக்கிய எச்.வினோத் ரூ.25 கோடி சம்பளத்துடன் 4-ம் இடத்தையும் பிடித்துள்ளனர். இந்த பட்டியலில் குரு, சிஷ்யனான ஷங்கர் மற்றும் அட்லீ ரூ.30 கோடி சம்பளத்துடன் 3-ம் இடத்தை பகிர்ந்து கொண்டுள்ளனர். அதேபோல் இயக்குனர் மணிரத்னம் ரூ.40 கோடி சம்பளத்துடன் இரண்டாம் இடத்தில் இருக்க, லியோ பட இயக்குனர் லோகேஷ் கனகராஜ் ரூ.50 கோடி சம்பளத்துடன் முதலிடம் பிடித்திருக்கிறார்.
இதையும் படியுங்கள்... டிக்கெட் டூ பினாலே டாஸ்க்கில் இருந்து எலிமினேட் ஆன விஷ்ணு, மணி... அப்போ வின்னர் இவங்க தானா? செம்ம டுவிஸ்ட்
சேனலை கிளிக் செய்து பின்தொடரவும்
