33 வருடங்களுக்கு பின்... 51 வயதில் சூப்பர் ஸ்டார் ரஜினிகாந்துக்கு 171-வது படத்தில் ஜோடி போடும் நடிகை!
தலைவர் 171 வது படத்தில், சூப்பர் ஸ்டார் ரஜினிகாந்துக்கு ஜோடியாக லோகேஷ் கனகராஜ் தேர்வு செய்துள்ள நடிகை பற்றிய தகவல் தற்போது சமூக வலைதளத்தில் வைரல் ஆகி வருகிறது.
10 படங்களுக்கு மேல் திரைப்படம் இயக்க மாட்டேன் என சபதம் எடுத்து படங்களை இயக்கி கொண்டிருக்கிறார்... தமிழ் சினிமாவில் மிக குறுகிய காலத்தில் முன்னணி இயக்குனராக அறியப்படும் லோகேஷ் கனகராஜ். இவர் இயக்கத்தில் வெளியான மாநகரம், கைதி, மாஸ்டர், விக்ரம், லியோ, என ஐந்து படங்களுமே ரசிகர்கள் மத்தியில் நல்ல வரவேற்பை பெற்றது.
Lokesh kanagaraj
இதைத்தொடர்ந்து தமிழில் அடுத்தடுத்த படங்களை இயக்க மாஸ்டர் பிளான் போட்டுக் கொண்டிருக்கும் லோகேஷ் கனகராஜ், தன்னுடைய அடுத்த படத்தை சூப்பர் ஸ்டார் ரஜினிகாந்தை வைத்து இயக்க உள்ளார். இந்த படத்தின் ஃபர்ஸ்ட் லுக் போஸ்டர், சமீபத்தில் வெளியாகி ரசிகர்களை பிரமிக்க வைத்தது.
இந்த போஸ்டரில் ரஜினிகாந்த் கையில் பல கடிகாரங்கள் ஒன்று சேர்த்த சங்கிலி போல் அணிந்திருந்ததால் இது டைம் டிராவல் திரைப்படமா? என்கிற சந்தேகம் எழுந்தது. பின்னர் இதற்கு பதிலளித்தால் லோகேஷ் கனகராஜ், இது கண்டிப்பாக சயின்ஸ் பிக்சன் அதாவது டைம் டிராவல்ஸ் திரைப்படம் இல்லை என்பதை உறுதி செய்தார். எனினும் இதுவரை பார்த்திடாத ஒரு ரஜினிகாந்த்தை இப்படத்தில் பார்க்க முடியும் என்கிற ஹிண்ட் கொடுத்ததால் படம் மீதான எதிர்பார்த்து ரசிகர்களுக்கு அதிகரித்துள்ளது.
Veteran actress Shobana
இப்படத்தின் கதைகளம் என்னவாக இருக்கும் என்கிற பேச்சு ஒரு புறம் பரபரப்பாக சென்று கொண்டு இருக்க, தற்போது இப்படத்தில் ஹீரோயினாக நடிக்க உள்ள நடிகை பற்றிய தகவல் வெளியாகி உள்ளது. அதாவது இந்த படத்தில், சூப்பர் ஸ்டார் ரஜினிகாந்த் ஜோடியாக கடந்த 33 வருடங்களுக்கு முன்பு வெளியான 'தளபதி' திரைப்படத்தில் ரஜினிகாந்த் ஜோடியாக நடித்த பிரபல நடிகை ஷோபனா தான் நடிக்க உள்ளாராம்.
33 வருடங்களுக்கு பின்னர் இணையுள்ள இந்த ஜோடியின் காம்பினேஷன், கண்டிப்பாக ரசிகர்களை எதிர்பார்ப்பை பூர்த்தி செய்யும் விதத்தில் இருக்கும் என தெரிவித்துள்ளனர், மேலும் இந்த படத்தில் ஏற்கனவே லோகேஷ் கனகராஜ் இயக்கத்தில் வெளியான லியோ படத்தில் இணைந்து நடித்த சாண்டி மாஸ்டர் இணைய உள்ளதாக கூறப்படுகிறது. அதை போல் சிவகார்த்திகேயன், பாலிவுட் நடிகர் ரன்வீர் சிங், லாரன்ஸ் போன்ற பலர் தலைவன் 171 படத்தில், சூப்பர் ஸ்டார் ரஜினிகாந்துடன் இணையா வாய்ப்பிருப்பதாக கூறப்படுகிறது. இது போன்ற தகவல்கள் இப்படத்தின் மீதான எதிர்பார்ப்பை மேலும் அதிகரிக்க செய்துள்ளது குறிப்பிடத்தக்கது.
சேனலை கிளிக் செய்து பின்தொடரவும்
