Kitchen Tips : பித்தளை பாத்திரங்களை சுத்தம் செய்ய இனி கஷ்டப்படாதீங்க.. உங்களுக்கான ஈசி டிப்ஸ் இதோ!
பழைய பித்தளைப் பாத்திரங்கள் பளிச்சென்று வெள்ளையாக ஜொலிக்க செய்ய இங்கு கொடுக்கப்பட்டுள்ள சில குறிப்புகளை மட்டும் பின்பற்றினால் மட்டும் போதும். அவை..
பொதுவாகவே, நம் வீடுகளில் பல வகையான பாத்திரங்களைப் பயன்படுத்துவது வழக்கம். இவற்றில், பித்தளை, செம்பு, எஃகு போன்றவையும் அடங்கும். இதில் பித்தளையை மட்டும் வீட்டின் பூஜை அறையில் பயன்படுத்துவதை நீங்கள் பார்த்திருப்பீர்கள். ஆனால், பித்தளை மட்டும் மிக விரைவாக கருப்பாக மாறிவிடும். இவற்றை சுத்தம் செய்வது என்பது எளிதான காரியம் அல்ல. மேலும் இவற்றை சுத்தம் பண்ணுவதில் பெண்கள் மிகுந்த சிரமத்துக்கு உள்ளாகின்றனர்.
ஆனால், இனி கவலை வேண்டாம். நம் வீடுகளில் இருக்கும் சில பொருட்களை வைத்து அவற்றை எளிதில் சுத்தம் செய்து விடலாம். மேலும் பார்ப்பதற்கு புதுசு போல இருக்கும். வாங்க அது என்னனு தெரிஞ்சிகலாம்..
வினிகர்: பித்தளைப் பாத்திரங்களை சுத்தம் செய்வதில் வினிகர் முக்கிய பங்கு வகிக்கிறது. இதற்கு முதலில், வினிகரை பாத்திரத்தில் ஊற்றி, அவற்றுடன் உப்பு சேர்த்து நன்கு தேய்க்கவும். பிறகு வெதுவெதுப்பான நீரில் கழுவவும். அவ்வளவுதான் இப்போது பித்தளை பாத்திரம் புதிதாக மின்னும்.
இதையும் படிங்க: kitchen tips : உங்க கேஸ் பர்னர் புதுசு போல பளபளக்க இந்த 2 பொருளால் சுத்தம் பண்ணுங்க!
எலுமிச்சை: எலுமிச்சை மற்றும் உப்பின் பண்புகள் பித்தளை பாத்திரங்களை புதியதாக மாற்றும். இதற்கு எலுமிச்சை சாற்றில் 2 டீஸ்பூன் உப்பு சேர்த்து, பித்தளை பாத்திரத்தில் போட்டு சிறிது நேரம் அப்படியே வைத்து, பிரஷ் உதவியுடன் அதை சுத்தம் செய்யவும். இப்படி செய்தால் பித்தளை பாத்திரம் பார்ப்பதற்கு புதிதாக இருக்கும்.
இதையும் படிங்க: பூஜை பாத்திரங்கள் 10 நிமிடத்தில் பளபளன்னு ஜொலிக்க இந்த டிப்ஸ ட்ரை பண்ணி பாருங்க..!!
சமையல் சோடா: சமையல் சோடாவைப் பயன்படுத்தி பழைய பித்தளைப் பாத்திரங்களை சுலபமாக சுத்தம் செய்யலாம். இதற்கு 1 டீஸ்பூன் பேக்கிங் சோடாவை சிறிது எலுமிச்சை சாறுடன் கலந்து, பித்தளை பாத்திரங்களை பிரஷ் மூலம் சுத்தம் செய்து, பின் தண்ணீரை கொண்டு கழுவினால், பாத்திரம் புதியது போல் ஜொலிக்கும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D