நெப்போலியனின் 60வது பிறந்தநாள்.. ‘எட்டுப்பட்டி ராசா’வுக்காக ஏரோபிளைனில் வந்து இன்ப அதிர்ச்சி கொடுத்த நாயகிகள்

தமிழ் சினிமாவில் முன்னணி நடிகராக வலம் வந்தவர் நெப்போலியன். எட்டுப்பட்டி ராசா, சீவலப்பேரி பாண்டி, கிழக்குச் சீமையிலே, எஜமான் என எண்ணற்ற வெற்றிப்படங்களில் நடித்துள்ள இவர் தற்போது அமெரிக்காவில் செட்டில் ஆகிவிட்டார். அங்கு சொந்தமாக ஐடி கம்பெனி ஒன்றையும் நடத்தி வரும் நெப்போலியன், அவ்வப்போது தமிழ் படங்களிலும் நடித்து வருகிறார். தமிழில் இவர் நடிப்பில் கடைசியாக வெளிவந்த திரைப்படம் அன்பறிவு. அப்படத்தில் ஹிப்ஹாப் ஆதியின் தாத்தாவாக நடித்திருந்தார்.

நெப்போலியனுக்கு தனுஷ், குணால் என இரு மகன்கள் உள்ளனர். இதில் தனுஷுக்கு அரியவகை நோய் பாதிப்பு ஏற்பட்டு நடக்க முடியாமல் போனதால் அதற்கு சிகிச்சை எடுப்பதற்காக அமெரிக்கா சென்ற நெப்போலியன் அங்கேயே செட்டில் ஆகிவிட்டார். மகன்கள் மீது அவர் எந்த அளவுக்கு அன்பு வைத்திருக்கிறார் என்பது கடந்த ஆண்டு யூடியூபர் இர்பான் அவரது வீட்டுக்கு சென்றது மூலம் தெரியவந்தது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

தன் மகனுக்காக தன் வீட்டையே பார்த்து பார்த்து கட்டி இருக்கும் நெப்போலியன், அவருக்கு தேவையான அனைத்து வசதிகளையும் அந்த வீட்டுக்குள் செய்து வைத்துள்ளதை பார்த்து அனைவரும் வாயடைத்து போயினர். இந்த நிலையில், கடந்த டிசம்பர் 2-ந் தேதி நடிகர் நெப்போலியன் தன்னுடைய 60-வது பிறந்தநாளை கொண்டாடினார். இதற்காக பிரத்யேக பார்ட்டி ஒன்றை ஏற்பாடு செய்திருந்த நெப்போலியன் தன் திரையுலக நண்பர்களுக்கும் அழைப்பு விடுத்திருந்தார்.

நெப்போலியனின் அழைப்பை ஏற்று அவருடன் எட்டுப்பட்டி ராசா படத்தில் நடித்த மீனாவும் குஷ்புவும் சர்ப்ரைஸாக அமெரிக்காவுக்கு சென்று அவரின் பர்த்டே பார்ட்டியில் கலந்துகொண்டு இன்ப அதிர்ச்சி கொடுத்துள்ளனர். அவர்களோடு எடுத்த புகைப்படத்தை பதிவிட்டுள்ள நெப்போலியன், அவர்களுக்கு நன்றியும் தெரிவித்துள்ளார். யூடியூபர் இர்பானும் இந்த பிறந்தநாள் விழாவில் கலந்துகொண்டார் என்பது குறிப்பிடத்தக்கது.

இதையும் படியுங்கள்... ரஜினிகாந்த் பிறந்தநாளில் காலேஜ் சூப்பர்ஸ்டாராக மாறிய கவின் - கலர்ஃபுல்லான ஸ்டார் பர்ஸ்ட் சிங்கிள் வீடியோ இதோ