பர்த்டே ஸ்பெஷல்... வாரிசு நடிகராக இருந்தும் தனி ஒருவனாக சம்பாதித்த ஜெயம் ரவியின் சொத்து மதிப்பு இத்தனை கோடியா?
தமிழ் சினிமாவில் முன்னணி நாயகனாக வலம் வரும் ஜெயம் ரவி இன்று தனது 43-வது பிறந்தநாளை கொண்டாடும் நிலையில், அவரின் சொத்து மதிப்பு பற்றி பார்க்கலாம்.
Jayam Ravi
எடிட்டர் மோகனின் மகனான ஜெயம் ரவி, சினிமாவில் ஹீரோவாக அறிமுகமாகும் முன்னர், இயக்குனர் சுரேஷ் கிருஷ்ணாவிடம் உதவி இயக்குனராக பணியாற்றினார். கமல்ஹாசனின் ஆளவந்தான் படத்தில் உதவி இயக்குனராக பணியாற்றிய ஜெயம் ரவியை, ஜெயம் படம் மூலம் ஹீரோவாக அறிமுகப்படுத்தினார் அவரது தந்தை மோகன். அப்படத்தின் மூலம் ஜெயம் ரவியின் அண்ணன் ராஜாவும் சினிமாவில் இயக்குனராக காலடி எடுத்து வைத்தார்.
Jayam Ravi photos
அப்படத்தின் தலைப்பை போலவே அவர்களுக்கு முதல் படமே ஜெயமாக அமைந்தது. ஜெயம் படத்தின் வெற்றியைத் தொடர்ந்து எம் குமரன் சன் ஆஃப் மகாலட்சுமி, உனக்கும் எனக்கும், சந்தோஷ் சுப்ரமணியம் என வரிசையாக ஜெயம் ரவியை வைத்து ஹிட் படங்களை கொடுத்தார் ராஜா. இதனால் ஜெயம் ரவியின் மார்க்கெட்டும் ஜெட் வேகத்தில் உயர்ந்தது. ஜெயம் ரவி சினிமாவில் அறிமுகமாகி 20 வருடங்கள் ஆனாலும் அவர் 25 படங்களில் தான் நடித்திருக்கிறார்.
Jayam Ravi Birthday
சமீபத்தில் ஜெயம் ரவி நடிப்பில் வெளிவந்த பொன்னியின் செல்வன் படத்தின் இரண்டு பாகங்களும் பிரம்மாண்ட வெற்றியை ருசித்தன. மணிரத்னம் இயக்கிய அந்த மாஸ்டர் பீஸ் திரைப்படத்தில் பொன்னியின் செல்வன் கதாபாத்திரத்தில் ஜெயம் ரவி நடித்திருந்தார். அப்படத்தின் வெற்றிக்கு பின்னர் ஜெயம் ரவிக்கு பட வாய்ப்புகள் குவிந்த வண்ணம் உள்ளன. இவர் கைவசம் சைரன், இறைவன், தனி ஒருவன் 2 உள்பட அரை டஜன் படங்கள் உள்ளன.
இதையும் படியுங்கள்... இதுவே முதல்முறையாம்.. மாஸ் காட்டும் ஜெயம் ரவியின் ரசிகர்கள் - Time Squareல் ஒரு பர்த்டே Mashup!
Jayam Ravi family
நடிகர் ஜெயம் ரவி கடந்த 2009-ம் ஆண்டு ஆர்த்தி என்பவரை காதலித்து திருமணம் செய்துகொண்டார். இவர்களுக்கு ஆரவ், அயன் என இரண்டு மகன்கள் உள்ளனர். இதில் ஜெயம் ரவியின் மூத்த மகன் ஆரவ், டிக் டிக் டிக் படத்தில் ஜெயம் ரவியுடன் நடித்திருந்தார். இந்நிலையில், நடிகர் ஜெயம் ரவி இன்று தனது 43-வது பிறந்தநாளை கொண்டாடி வருகிறார். அவருக்கு சினிமா பிரபலங்களும், ரசிகர்களும் வாழ்த்து மழை பொழிந்த வண்ணம் உள்ளனர்.
Jayam Ravi Net Worth
இந்த நிலையில், அவரின் சொத்து மதிப்பு பற்றி தற்போது பார்க்கலாம். நடிகர் ஜெயம் ரவி, வாரிசு நடிகராக இருந்தாலும், அவரின் திறமையும், விடாமுயற்சியும் தான் தமிழ் சினிமாவில் அவருக்கென தனி ஒரு அடையாளத்தை கொடுத்தது. இவரது சொத்து மதிப்பு மட்டும் சுமார் ரூ.93 கோடி இருக்கும் என கூறப்படுகிறது. பொன்னியின் செல்வனுக்கு முன்னர் வரை ஒரு படத்துக்கு ரூ.5 கோடி சம்பளமாக வாங்கி வந்த ஜெயம் ரவி, பொன்னியின் செல்வன் வெற்றிக்கு பின்னர் தற்போது ரூ.8 முதல் 10 கோடி வரை வாங்கி வருகிறாராம்.
இதையும் படியுங்கள்... இது வீடா இல்ல அரண்மனையா! தியேட்டர் வசதியுடன் விஜயகுமார் மகள் கட்டிய சொகுசு பங்களாவின் ஹோம் டூர் வீடியோ இதோ
சேனலை கிளிக் செய்து பின்தொடரவும்
