ரஹானே, ரச்சின் 1 ரன்னில் காலி – ஆறுதல் கொடுத்த மிட்செல் – போராடிய தல தோனி – 35 ரன்கள் வித்தியாசத்தில் தோல்வி!
குஜராத் டைட்டன்ஸ் அணிக்கு எதிரான 59ஆவது லீக் போட்டியில் சென்னை சூப்பர் கிங்ஸ் அணியானது ரன்கள் வித்தியாசத்தில் தோல்வியை தழுவியது.
Gujarat Titans vs Chennai Super Kings, 59th Match
சென்னை சூப்பர் கிங்ஸ் மற்றும் குஜராத் டைட்டன்ஸ் அணிகளுக்கு இடையிலான 59ஆவது லீக் போட்டி அகமதாபாத்தில் நடைபெற்றது. இதில், முதலில் பேட்டிங் செய்த குஜராத் டைட்டன்ஸ் அணியானது 20 ஓவர்களில் 3 விக்கெட்டுகளை இழந்து 231 ரன்கள் குவித்தது. இதில், சுப்மன் கில் 104 ரன்களும், சாய் சுதர்சன் 103 ரன்களும் எடுத்தனர்.
Gujarat Titans vs Chennai Super Kings, 59th Match
பின்னர் கடின இலக்கை துரத்திய சென்னை சூப்பர் கிங்ஸ் அணிக்கு ரச்சின் ரவீந்திரா 1 ரன்னில் ரன் அவுட்டானார். இதே போன்று அஜிங்க்யா ரஹானேவும் ஒரு ரன்னில் ஆட்டமிழந்தார். இதன் மூலமாக சிஎஸ்கே 2 ரன்னுக்கு 2 விக்கெட்டுகளை இழந்து தடுமாறியது. கேப்டன் ருதுராஜ் கெய்க்வாட் 3 பந்துகளில் ரன் ஏதும் எடுக்காமல் ஆட்டமிழந்தார்.
Gujarat Titans vs Chennai Super Kings, 59th Match
அதன் பின்னர் டேரில் மிட்செல் மற்றும் மொயீன் அலி இருவரும் இணைந்து அதிரடியாக விளையாடவே சிஎஸ்கே விக்கெட் சரிவிலிருந்து மீண்டு வந்து ரன்கள் குவித்தது. இதில், மிட்செல் 27 பந்துகளில் அரைசதம் அடித்தார். இவரைத் தொடர்ந்து மொயீன் அலி 31 பந்துகளில் அரைசதம் அடித்தார்.
Gujarat Titans vs Chennai Super Kings, 59th Match
எனினும் மிட்செல் 34 பந்துகளில் 7 பவுண்டரி, 3 சிக்சர் உள்பட 63 ரன்களில் ஆட்டமிழக்க, மொயீன் அலி 36 பந்துகளில் 4 பவுண்டரி, 4 சிக்சர் உள்பட 56 ரன்களில் ஆட்டமிழந்தார். இவர்களைத் தொடர்ந்து வந்த ஷிவம் துபே ஹாட்ரிக் கோல்டன் டக்கிலிருந்து தப்பித்து முதல் பந்தில் பவுண்டரி விளாசினார்.
Gujarat Titans vs Chennai Super Kings, 59th Match
ஆனால், அவர் நீண்ட நேரம் நீடிக்கவில்லை. 13 பந்துகளில் 2 பவுண்டரி, ஒரு சிக்சர் உள்பட 21 ரன்களில் வெளியேறினார். இதே போன்று ரவீந்திர ஜடேஜா 18 ரன்களில் ஆட்டமிழந்தார். ஜடேஜாவைத் தொடர்ந்து மிட்செல் சாண்ட்னர் 0 ரன்னில் வெளியேறினார். கடைசியில் எம்.எஸ்.தோனி களமிறங்கினார். கடைசி ஓவரை ரஷீத் கான் வீசினார். அந்த ஓவரில் முதல் 2 பந்துகளில் சிக்ஸர் பறக்கவிட்டார். இதில், ஹெலிகாப்டர் ஷாட்டும் அடங்கும்.
Gujarat Titans vs Chennai Super Kings, 59th Match
அப்போது போட்டியின் நடுவில் ரசிகர் ஒருவர் மைதானத்திற்குள் புகுந்து தோனியின் காலில் விழுந்து வணங்கினார். இது தொடர்பான புகைப்படங்கள் சமூக வலைதளங்களில் வைரலானது. இறுதியில் சென்னை சூப்பர் கிங்ஸ் 20 ஓவர்களில் 8 விக்கெட்டுகளை இழந்து 196 ரன்கள் எடுத்து 35 ரன்கள் வித்தியாசத்தில் தோல்வியை தழுவியது.
Gujarat Titans vs Chennai Super Kings, 59th Match
பவுலிங்கைப் பொறுத்த வரையில் குஜராத் டைட்டன்ஸ் அணியில் மோகித் சர்மா 4 ஓவர்கள் வீசி 3 விக்கெட்டுகள் கைப்பற்றினார். ரஷீத் கான் 2 விக்கெட்டுகள் எடுத்துக் கொடுத்தார். உமேஷ் யாதவ் மற்றும் சந்தீப் வாரியர் இருவரும் தலா ஒரு விக்கெட்டுகள் கைப்பற்றினர்.
Gujarat Titans vs Chennai Super Kings, 59th Match
இந்தப் போட்டியில் தோல்வி அடைந்ததன் மூலமாக சென்னை சூப்பர் கிங்ஸ் விளையாடிய 12 போட்டிகளில் 6 வெற்றி, 6 தோல்விகளுடன் புள்ளிப்பட்டியலில் 4ஆவது இடத்தில் உள்ளது. மேலும், குஜராத் டைட்டன்ஸ் இந்தப் போட்டியில் வெற்றி பெற்றதன் மூலமாக புள்ளிப்பட்டியலில் கடைசி இடத்திலிருந்து முன்னேறி 8ஆவது இடம் பிடித்துள்ளது. இன்னும் பிளே ஆஃப் நம்பிக்கையில் குஜராத் இருக்கிறது என்பது குறிப்பிடத்தக்கது.
Gujarat Titans vs Chennai Super Kings, 59th Match
இதற்கு முன்னதாக மும்பை இந்தியன்ஸ் மற்றும் பஞ்சாப் கிங்ஸ் அணிகள் அடுத்தடுத்து பிளே ஆஃப் வாய்ப்பை இழந்து வெளியேறின. இன்றைய போட்டியில் குஜராத் தோல்வி அடைந்திருந்தால் 3ஆவது அணியாக வெளியேறியிருக்கும். ஆனால், இந்தப் போட்டியில் சிஎஸ்கே அணியை வீழ்த்தியது.
Gujarat Titans vs Chennai Super Kings, 59th Match
இந்தப் போட்டியைத் தொடர்ந்து குஜராத் டைட்டன்ஸ் எஞ்சிய 2 போட்டிகளில் முறையே கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணியை எதிர்கொள்கிறது. இதே போன்று சென்னை சூப்பர் கிங்ஸ் எஞ்சிய 2 போட்டிகளில் முறையே ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணியை எதிர்கொள்கிறது.