சூப்பர்ஸ்டாரின் லால் சலாம் உடன் ஒத்தைக்கு ஒத்தையாக மோதிய மணிகண்டனின் லவ்வர் படத்தின் முதல் நாள் வசூல் நிலவரம்
ரஜினிகாந்தின் லால் சலாம் படத்துக்கு போட்டியாக நேற்று ரிலீஸ் ஆன மணிகண்டனின் லவ்வர் படத்தின் முதல் நாள் வசூல் நிலவரம் பற்றி இந்த தொகுப்பில் பார்க்கலாம்.
Lal salaam, Lover
தமிழ் சினிமாவில் வளர்ந்து வரும் ஹீரோக்களில் ஒருவர் தான் மணிகண்டன். தரமான கதையம்சம் கொண்ட படங்களை தேர்ந்தெடுத்து நடிப்பதில் கில்லாடியானவர். இவர் நடிப்பில், கடந்த ஆண்டு வெளிவந்த குட் நைட் திரைப்படம் வேறலெவல் ஹிட் ஆனது. குறட்டை விடுவதால் குடும்பத்தில் என்னென்ன பிரச்சனைகள் வருகிறது என்பதை யதார்த்தமாக சொல்லி இருந்த இப்படம் மிகப்பெரிய வெற்றியையும் ருசித்து இருந்தது.
Lover vs Lal salaam
குட் நைட் படத்தில் ஹீரோவாக கலக்கிய மணிகண்டன் அடுத்ததாக மத்தகம் என்கிற வெப் தொடரில் வில்லனாக நடித்து அசத்தினார். கிட்டத்தட்ட கோலிவுட்டில் அடுத்த விஜய் சேதுபதியாகவே வலம் வருகிறார் மணிகண்டன். ஹீரோவோ, வில்லனோ எந்த கேரக்டராக இருந்தாலும் அதை திறம்பட செய்து வரும் இவர் நடிப்பில் தற்போது திரைக்கு வந்துள்ள திரைப்படம் தான் லவ்வர். குட் நைட் படத்தை தயாரித்த தயாரிப்பு நிறுவனம் தான் லவ்வர் படத்தையும் தயாரித்து உள்ளது.
இதையும் படியுங்கள்... ரஜினி நடிச்சும் இந்த நிலைமையா? பாக்ஸ் ஆபிஸில் பயங்கர அடி வாங்கிய லால் சலாம் - முதல் நாள் வசூல் இவ்வளவுதானா?
Lover movie Box office
ரொமாண்டிக் கதையம்சம் கொண்ட இப்படத்தில் மணிகண்டனுக்கு ஜோடியாக ஸ்ரீகெளரி பிரியா நடித்துள்ளார். இப்படத்தை பிரபுராம் வியாஸ் என்பவர் இயக்கி இருக்கிறார். குட் நைட் படத்துக்கு இசையமைத்த ஷான் ரோல்டன் தான் லவ்வர் படத்திற்கு இசையமைத்து இருக்கிறார். இப்படம் பிப்ரவரி 9-ந் தேதி திரையரங்குகளில் ரிலீஸ் ஆகி உள்ளது. அதுவும் சூப்பர்ஸ்டார் கேமியோ ரோலில் நடித்துள்ள லால் சலாம் படத்துக்கு போட்டியாக லவ்வர் படம் வெளிவந்துள்ளது.
Lover movie collection
சூப்பர்ஸ்டார் படம் ரிலீஸ் ஆனால் பிற படங்களுக்கு தியேட்டர்கள் கிடைக்காது என்கிற பயத்தில் பெரும்பாலும் சின்ன பட்ஜெட் படங்களை அதனுடன் ரிலீஸ் செய்ய மாட்டார்கள். ஆனால் கண்டெண்ட் நன்றாக இருந்தால் யார் படத்துடனும் மல்லுக்கட்டலாம் என்கிற நம்பிக்கையில் வெளியிடப்பட்ட படம் தான் லவ்வர். இப்படத்திற்கு பாசிடிவ் விமர்சனங்கள் கிடைத்து வருவதோடு, பாக்ஸ் ஆபிஸிலும் முதல் நாளே ரூ.1 கோடி வசூலை வாரிக்குவித்து உள்ளது. அடுத்த இரு தினங்களும் விடுமுறை நாட்கள் என்பதால் இப்படத்தின் வசூல் மேலும் அதிகரிக்கும் என எதிர்பார்க்கப்படுகிறது.
இதையும் படியுங்கள்... வலிமை முதல் லியோ வரை; எத்தனை கோடி கொடுத்தாலும் நடிக்க மாட்டேன் என சாய் பல்லவி ரிஜெக்ட் பண்ணிய படங்கள் இத்தனையா
சேனலை கிளிக் செய்து பின்தொடரவும்
