காசும் கொடுக்கல.. காரும் கொடுக்கல; ஜெயிலர் பட ஆட்டநாயகன் அனிருத்தை அம்போனு விட்ட கலாநிதி - கடுப்பில் ரசிகர்கள்
ஜெயிலர் படத்தின் வெற்றியை கொண்டாடும் விதமாக ரஜினி மற்றும் நெல்சனுக்கு பரிசளித்த கலாநிதி மாறன், அனிருத்தை அம்போனு விட்டுவிட்டதாக ரசிகர்கள் சாடி வருகின்றனர்.
Jailer
ரஜினிகாந்த் நடித்த ஜெயிலர் கடந்த மாதம் வெளியாகி மாஸ் ஹிட் ஆனது. நெல்சன் இயக்கிய இப்படம் பட்டிதொட்டியெங்கும் ஓடி ரூ.600 கோடி வசூலை நெருங்கி சாதனை படைத்துள்ளது. சன் பிக்சர்ஸ் தயாரித்த படங்களிலேயே மிகப்பெரிய அளவில் லாபத்தை ஈட்டி தந்த படமாக ஜெயிலர் அமைந்துள்ளது. இதனால் தயாரிப்பாளர் கலாநிதி மாறன் செம்ம குஷியில் உள்ளார். ஜெயிலர் பட வெற்றி விழாவை பிரம்மாண்டமாக கொண்டாட திட்டமிட்டுள்ள அவர் அதற்கு முன் பரிசுகளை வாரி வழங்கி வருகிறார்.
Rajinikanth
அந்த வகையில், ஜெயிலர் படத்தின் மூலம் கிடைத்த ஷேர் தொகையை நடிகர் ரஜினிகாந்துக்கு அன்புப் பரிசாக வழங்கிய அவர், பின்னர் 2 பி.எம்.டபிள்யூ காரை நடிகர் ரஜினிகாந்தின் வீட்டிற்கே கொண்டு சென்று நிறுத்தி சூப்பர்ஸ்டாருக்கு இன்ப அதிர்ச்சி கொடுத்தார். அந்த இரண்டு கார்களில் ரஜினிகாந்த் பிஎம்டபிள்யூ எக்ஸ் 7 மாடல் காரை தேர்வு செய்தார். அந்த காரின் மதிப்பு ரூ.1.5 கோடி இருக்கும் என கூறப்படுகிறது.
இதையும் படியுங்கள்... நிஜமாவே அலப்பறை கிளப்புறாங்களேப்பா... 2 புது BMW காரோடு வந்து ரஜினிக்கு இன்ப அதிர்ச்சி கொடுத்த கலாநிதி மாறன்
Nelson
ரஜினிக்கு பரிசளித்த கையோடு, ஆபிஸ் வந்த கலாநிதி மாறன், இயக்குனர் நெல்சனுக்கு போன் போட்டு அலுவலகத்துக்கு வரச் சொல்லி இருக்கிறார். இதையடுத்து அங்கு வந்த நெல்சனிடம் முதலில் பரிசுத் தொகையை வழங்கிய கலாநிதி மாறன், அடுத்ததாக தன்னுடைய அலுவலகத்தின் வாயிலுக்கு நெல்சனை அழைத்து வந்து அங்கு வரிசையாக நிறுத்தி வைக்கப்பட்டிருந்த 3 சொகுசு கார்களில் எது பிடிக்குதோ எடுத்துக்கோ என கூற, நெல்சன் போர்ஸ் காரை தேர்வு செய்தார். இந்த காரின் விலை கிட்டத்தட்ட 2 கோடி இருக்கும் என கூறப்படுகிறது.
Anirudh
இப்படி நெல்சன், ரஜினி இருவருக்கும் கலாநிதி மாறன் பரிசளித்தது சந்தோஷமாக இருந்தாலும், ஜெயிலர் படத்தின் வெற்றிக்கு முக்கிய காரணமாக இருந்த இசையமைப்பாளர் அனிருத்தை கலாநிதி மாறன் கண்டுகொள்ளாமல் இருப்பது ரசிகர்களை கோபத்தில் ஆழ்த்தி இருக்கிறது. அனிருத் மட்டும் இல்லேனா ஜெயிலர் படம் இந்த அளவுக்கு வெற்றியடைந்திருக்க வாய்ப்பே இல்லை என்றும், அவரது இசை தான் படத்திற்கு பிளஸ் ஆக அமைந்திருந்தது, இப்படி ஜெயிலர் படத்தின் ஆட்டநாயகனாக இருந்த அனிருத்தை அம்போனு விட்டுட்டீங்களே என ரசிகர்கள் தங்களது ஆதங்கத்தை வெளிப்படுத்தி வருகின்றனர்.
இதையும் படியுங்கள்... தாறுமாறா இருக்கே! ஜெயிலர் வெற்றி.. நெல்சனுக்கும் Porsche கார் கொடுத்து அசத்திய கலாநிதி மாறன்! இவ்வளவு விலையா?