Keerthy Suresh Love: நடிகை கீர்த்தி சுரேஷின் 13 வருட காதலர் இவரா? பெரிய இடத்தை பையனுடன் விரைவில் திருமணம்..!
தென்னிந்திய திரையுலகில் முன்னணி நடிகையாக இருக்கும் கீர்த்தி சுரேஷ் சுமார் 13 வருடங்களாக காதலித்து வரும், காதலன் பற்றிய தகவல் ஒன்று சமூக வலைத்தளத்தில் தீயாக பரவி வருகிறது.
தயாரிப்பாளர் சுரேஷ் மற்றும் நடிகை மேனகாவின் இளைய மகளான கீர்த்தி சுரேஷ், மலையாள திரையுலகில் குழந்தை நட்சத்திரமாக அறிமுகமாகி, பின்னர் கதாநாயகியாக நடித்து பிரபலமானவர். வாரிசு நடிகை என்கிற முத்திரையுடன் தமிழில் இயக்குனர் ஏ.எல்.விஜய் இயக்கத்தில் 2015-ஆம் ஆண்டு வெளியான 'இது என்ன மாயம்' படத்தில் விக்ரம் பிரபுவுக்கு ஜோடியாக நடித்தார்.
இப்படம் எதிர்பார்த்த வெற்றியை கீர்த்தி சுரேஷுக்கு கொடுக்கவில்லை என்றாலும், இப்படம் வெளியாவதற்கு முன்பே, சிவகார்த்திகேயனுக்கு ஜோடியாக ரஜினி முருகன், தனுஷுக்கு ஜோடியாக தொடரி போன்ற படங்களில் நடிக்கும் வாய்ப்பை கைப்பற்றினார். இதில் ரஜினி முருகன் ரசிகர்கள் மத்தியில் நல்ல வரவேற்பை பெற்ற நிலையில், மீண்டும் சிவகார்த்திகேயனுக்கு ஜோடியாக 'ரெமோ' படத்தில் நடிக்கும் வாய்ப்பை பெற்றார்.
இதை தொடர்ந்து தளபதி விஜய்க்கு ஜோடியாக பைரவா, பாபி சிம்ஹாவுடன் பாம்பு சட்டை, சூர்யாவுக்கு ஜோடியாக தானா சேர்ந்த கூட்டம், என வரிசையாக முன்னணி நடிகர்களுக்கு ஜோடி போட்ட நிலையில், இப்படங்கள் எதுவும் கைகொடுக்காத நிலையில், தெலுங்கில் இவர் சாவித்திரி வாழ்க்கை வரலாறு படத்தில் நடிக்கும் வாய்ப்பை கைப்பற்றினார். இப்படத்தின் மூலம் தன்னை பற்றி எழுந்த பல விமர்சனங்களுக்கு பதிலடி கொடுத்த கீர்த்தி சுரேஷ், 3 கோடி வரை சம்பளம் வாங்கும் நடிகையாகவும் மாறினார்.
மகாநடி படத்தின் வெற்றிக்கு பின்னர் ஹீரோயின்களுக்கு முக்கியத்துவம் கொடுக்கும் படங்களையே அதிகம் தேர்வு செய்து நடித்த கீர்த்தி சுரேஷ், தொடந்து விஜய், விஜய், ரஜினிகாந்த் போன்ற முன்னணி நடிகர்களின் படங்களிலேயே நடிக்க அதிக ஆர்வம் காட்டினார்.
தமிழ் மட்டும் இன்றி தெலுங்கு, மலையாளம் போன்ற மொழிகளிலும் முன்னணி நடிகையாக இருக்கும் கீர்த்தி சுரேஷ், பேபி ஜான் படத்தின் மூலம் பாலிவுட் திரையுலகிலும் அறிமுகமாக உள்ளார். தற்போது இப்படத்தின் படப்பிடிப்பு விறுவிறுப்பாக நடந்து வருகிறது.
திரையுலகில் படு பிசியாக இருக்கும் கீர்த்தி சுரேஷின் காதல் மற்றும் திருமணம் குறித்து அவ்வப்போது வதந்திகள் பரவி வருவது வழக்கமான ஒன்று தான். அந்த வகையில் தற்போது... கீர்த்தி சுரேஷின் திருமணம் குறித்து மீண்டும் செய்திகள் பரவ துவங்கியுள்ளது. அதாவது கீர்த்தி சுரேஷ் கடந்த 13 வருடங்களாக, கேரளாவை சேர்ந்த நகைக்கடை உரிமையாளர் ஒருவரின் மகனை காதலித்து வருவதாகவும், தற்போது கீர்த்திக்கு 30 வயதுக்கு மேல் ஆகி விட்டதால் திருமண பேச்சு அடிபட்டு வருவதாக கூறப்படுகிறது. ஆனால் இந்த தகவல் எந்த அளவுக்கு உண்மை என தெரியவில்லை. இந்த தகவல் உண்மையா... அல்லது வழக்கம் போல் வதந்தியா? என்று பொறுத்திருந்து பார்ப்போம்.
சேனலை கிளிக் செய்து பின்தொடரவும்
