மாப்பிள்ளையா இல்ல... மரண மாஸ் ரசிகனாக ரஜினிகாந்துக்கு பிறந்த நாள் வாழ்த்து சொன்ன தனுஷ் - வைரலாகும் பதிவு
இன்று தனது 73-வது பிறந்தநாளை கொண்டாடி வரும் சூப்பர்ஸ்டார் ரஜினிகாந்துக்கு ஒரு தீவிர ரசிகனாக தனது வாழ்த்துக்களை தெரிவித்துள்ளார் தனுஷ்.
Rajini, dhanush
நடிகர் ரஜினிகாந்த் இன்று தனது 73-வது பிறந்தநாளை கொண்டாடி வருகிறார். இத்தனை வயதிலும் அதே சுறுசுறுப்போடு நடித்து வரும் ரஜினிகாந்த் கைவசம் தற்போது மூன்று திரைப்படங்கள் உள்ளன. அதில் அவர் கேமியோ ரோலில் நடித்துள்ள லால் சலாம் திரைப்படம் வருகிற 2024-ம் ஆண்டு பொங்கல் பண்டிகைக்கு திரைக்கு வர உள்ளது. இப்படத்தை நடிகர் ரஜினிகாந்தின் மூத்த மகள் ஐஸ்வர்யா தான் இயக்கி உள்ளார், இப்படத்தில் மொய்தீன் பாய் என்கிற கேரக்டரில் ரஜினி நடித்திருக்கிறார்.
Rajinikanth, Aishwarya, Dhanush
நடிகர் ரஜினிகாந்தின் மகள் ஐஸ்வர்யா, இதற்கு முன்னர் 3 மற்றும் வை ராஜா வை ஆகிய திரைப்படங்களை இயக்கி உள்ளார். இவர் நடிகர் தனுஷை காதலித்து கடந்த 2004-ம் ஆண்டு திருமணம் செய்துகொண்டார். இந்த ஜோடிக்கு யாத்ரா, லிங்கா என இரண்டு மகன்களும் உள்ளனர். சந்தோஷமாக சென்று கொண்டிருந்த இவர்களது திருமண வாழ்க்கையில் திடீரென விரிசல் ஏற்பட்டதால் கடந்த ஆண்டு ஜனவரி மாதம் இருவரும் பிரிந்து வாழ்வதாக அறிவித்தனர்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Rajinikanth Dhanush
இதன்பின்னர் ரஜினிகாந்த் மற்றும் குடும்பத்தினர் பேச்சுவார்த்தை நடத்தியதால் விவாகரத்து முடிவை இருவரும் கைவிட்டுவிட்டாலும், இன்னும் தனித்தனியாகவே வாழ்ந்து வருகின்றனர். ஐஸ்வர்யாவை பிரிந்தாலும் ரஜினி மீது அளவு கடந்த அன்பை வைத்திருக்கிறார் தனுஷ். அவர் ரஜினியின் தீவிர ரசிகர் என்பது அனைவரும் அறிந்ததே. ரஜினி படம் எதுவந்தாலும் முதல் ஷோ தவறாமல் பார்த்து விடுவார் தனுஷ். கடைசியாக ஜெயிலர் படத்துக்கு கூட பர்ஸ்ட் டே பர்ஸ்ட் ஷோவை ரோகினி தியேட்டரில் கண்டு ரசித்தார் தனுஷ்.
dhanush birthday wish to rajini
இப்படி ரஜினியின் வெறித்தனமான ரசிகராக இருக்கும் தனுஷ், தன்னுடைய தலைவரின் பிறந்தநாளுக்கு முதல் ஆளாக அதிகாலை 1 மணிக்கு வாழ்த்து தெரிவித்து அவர் மீதான அன்பை வெளிப்படுத்தி உள்ளார். இதுகுறித்து எக்ஸ் தளத்தில் பதிவிட்டுள்ள தனுஷ், ஹாப்பி பர்த்டே தலைவா ரஜினிகாந்த் என குறிப்பிட்டு ஹார்ட்டின் எமோஜிகளையும் பறக்கவிட்டுள்ளார். தனுஷின் இந்த பதிவு வைரலாகி வருகிறது.
இதையும் படியுங்கள்... 2 ரூபா சம்பளம் முதல் கருப்பா இருப்பதால் கழட்டிவிட்ட காதலிக்கு சவால்விட்டது வரை ரஜினி பற்றிய டாப் 10 சீக்ரெட்ஸ்
சேனலை கிளிக் செய்து பின்தொடரவும்
