உதவி இயக்குனரின் திருமணம்... ரீல் மகனோடு சர்ப்ரைஸ் எண்ட்ரி கொடுத்த தனுஷ் - வைரலாகும் புகைப்படங்கள்

நடிகர் தனுஷ், தன்னுடைய உதவி இயக்குனர் ஆனந்தின் திருமணத்தில் கலந்துகொண்டபோது எடுத்த புகைப்படங்கள் இணையத்தில் வைரலாக பரவி வருகின்றன.

dhanush

கோலிவுட்டில் செம்ம பிசியான நடிகர் என்றால் அது தனுஷ் தான். இவர் கைவசம் கோலிவுட்டில் 4 படம், பாலிவுட்டில் 1 படம், டோலிவுட்டில் 1 படம் உள்ளன. இதனால் நிற்க கூட நேரம் இன்றி பம்பரம் போல் சுழன்று வருகிறார் தனுஷ். இத்தனை பிசி ஷெட்யூலுக்கு மத்தியில் ஒரு படத்தை இயக்கியும் வருகிறார் தனுஷ். அப்படத்தை சன் பிக்சர்ஸ் நிறுவனம் தயாரித்து வருகிறது. அப்படத்திற்கான படப்பிடிப்பு தான் விறுவிறுப்பாக நடைபெற்று வருகிறது.

dhanush AD wedding

தனுஷ் இயக்கும் படத்தில் காளிதாஸ் ஜெயராம், துஷாரா விஜயன், எஸ்.ஜே.சூர்யா, சந்தீப் கிஷான் என மிகப்பெரிய நட்சத்திர பட்டாளமே நடித்து வருகின்றனர். வட சென்னையை மையமாக வைத்து உருவாகும் கேங்ஸ்டர் கதையம்சம் கொண்ட இப்படத்திற்கு ராயன் என பெயரிட்டு உள்ளனர். இப்படத்திற்காக நடிகர் தனுஷ் மொட்டையடித்து நடித்து வருகிறார். இப்படத்தில் தனுஷிடம் உதவி இயக்குனராக ஆனந்த் என்பவர் பணியாற்றி வந்தார்.

இதையும் படியுங்கள்... அக்கட தேசத்திலும் அடிச்சு நொறுக்கும் தளபதி... ஒரே போஸ்டரில் புஷ்பா 2 பட சாதனையை காலி பண்ணிய லியோ

dhanush AD's

அவருக்கு அண்மையில் திருமணம் நடைபெற்றது. ஷூட்டிங்கில் பிசியாக இருந்ததால் ஆனந்தின் திருமணத்தில் தனுஷால் கலந்துகொள்ள முடியாமல் போனது. இருப்பினும் ஆனந்தின் திருமண வரவேற்பு நிகழ்ச்சியில் சர்ப்ரைஸாக வந்து புதுமண ஜோடிகளுக்கு இன்ப அதிர்ச்சி கொடுத்துள்ளார் தனுஷ். அசுரன் படத்தில் தனுஷுக்கு மகனாக நடித்த கென் கருணாஸும் உடன் வந்திருந்தார்.

dhanush AD Anand

கென் கருணாஸும் தற்போது ராயன் படத்தில் தனுஷ் உடன் பணியாற்றி வருகிறார். உதவி இயக்குனரின் திருமணத்தில் நடிகர் தனுஷ் கலந்துகொண்டபோது எடுத்த புகைப்படங்கள் இணையத்தில் வைரலாகி வருகின்றன. தனுஷ் நடித்துள்ள கேப்டன் மில்லர் திரைப்படம் வருகிற டிசம்பர் மாதம் திரைக்கு வர உள்ளது குறிப்பிடத்தக்கது.

இதையும் படியுங்கள்... குளிக்கும்போதும் ரொமான்ஸா... நீச்சல் குளத்தில் காத்துவாக்குல காதல் செய்த விக்கி - நயன்! வைரல் புகைப்படம் இதோ