கட்டாய வெற்றியை நோக்கி குஜராத் டைட்டன்ஸ் – பிளே ஆஃப் வாய்ப்பு யாருக்கு? சிஎஸ்கே பவுலிங்!

ஐபிஎல் 2024 கிரிக்கெட் திருவிழா பரபரப்பான கட்டத்தை எட்டியுள்ளது. மும்பை இந்தியன்ஸ் மற்றும் பஞ்சாப் கிங்ஸ் அணிகள் பிளே ஆஃப் வாய்ப்பை இழந்து வெளியேறிவிட்டன. இதே போன்று இன்று நடைபெறும் போட்டியில் குஜராத் டைட்டன்ஸ் அணியானது தோல்வி அடைந்தால் 3ஆவது அணியாக பிளே ஆஃப் வாய்ப்பை இழந்து வெளியேறும்.

தனது ஹோம் மைதானத்தில் நடைபெறும் 59ஆவது லீக் போட்டியில் சென்னை சூப்பர் கிங்ஸ் அணியை எதிர்கொள்கிறது. இந்த போட்டியில் டாஸ் வென்ற சிஎஸ்கே கேப்டன் ருதுராஜ் கெய்க்வாட் பவுலிங் தேர்வு செய்தார். அதன்படி குஜராத் டைட்டன்ஸ் முதலில் பேட்டிங் செய்கிறது. இந்தப் போட்டியில் சென்னை சூப்பர் கிங்ஸ் அணியில் ரிச்சர்டு கிளீசனுக்கு பதிலாக ரச்சின் ரவீந்திரா அணியில் இடம் பெற்றுள்ளார்.

இதே போன்று, குஜராத் டைட்டன்ஸ் அணியில் ஜோஷுவா லிட்டிலுக்கு பதிலாக கார்த்திக் தியாகி அணியில் இடம் பெற்றுள்ளார். இதுவரையில் குஜராத் டைட்டன்ஸ் விளையாடிய 11 போட்டிகளில் 4ல் வெற்றியும், 7ல் தோல்வியும் அடைந்து புள்ளிப்பட்டியலில் கடைசி இடமான 10ஆவது இடத்தில் உள்ளது.

சென்னை சூப்பர் கிங்ஸ் விளையாடிய 11 போட்டிகளில் 6ல் வெற்றியும், 5ல் தோல்வியும் அடைந்து புள்ளிப்பட்டியலில் 4ஆவது இடத்தில் உள்ளது. எஞ்சிய 3 போட்டிகளில் ஏதேனும் ஒன்றில் தோல்வி அடைந்தாலும் பிளே ஆஃப் வாய்ப்பு இருக்கிறது. ஆனால், எஞ்சிய 3 போட்டிகளிலும் சிஎஸ்கே தோல்வி அடைந்தால் டெல்லி கேபிடல்ஸ் மற்றும் லக்னோ அணிகளுக்கு பிளே ஆஃப் வாய்ப்பு சென்றுவிடும்.

இதுவரையில் இரு அணிகளும் மோதிய, 6 போட்டிகளில் இரு அணிகளும் தலா 3 போட்டிகளில் வெற்றி பெற்றுள்ளன. அகமதாபாத் மைதானத்தில் இரு அணிகளும் மோதிய 2 போட்டிகளில் இரு அணிகளும் தலா ஒரு போட்டியில் வெற்றி பெற்றுள்ளன. ஒட்டுமொத்தமாக அகமதாபாத் மைதானத்தில் நடைபெற்ற 15 போட்டிகளில் குஜராத் டைட்டன்ஸ் 8 போட்டிகளில் வெற்றியும், 7 போட்டிகளில் தோல்வியும் அடைந்துள்ளது என்பது குறிப்பிடத்தக்கது.

சென்னை சூப்பர் கிங்ஸ்:

ருதுராஜ் கெய்க்வாட் (கேப்டன்), ரச்சின் ரவீந்திரா, டேரில் மிட்செல், ஷிவம் துபே, மொயீன் அலி, ரவீந்திர ஜடேஜா, எம்.எஸ்.தோனி (விக்கெட் கீப்பர்), மிட்செல் சாண்ட்னர், ஷர்துல் தாக்கூர், துஷார் தேஷ்பாண்டே, சிமர்ஜீத் சிங்.

குஜராத் டைட்டன்ஸ்:

சுப்மன் கில் (கேப்டன்), சாய் சுதர்சன், ஷாருக் கான், டேவிட் மில்லர், மேத்யூ வேட் (விக்கெட் கீப்பர்), ராகுல் திவேதியா, ரஷீத் கான், நூர் அகமது, உமேஷ் யாதவ், மோகித் சர்மா, கார்த்திக் தியாகி.