Onam Celebration Photos: குடும்பத்துடன் குதூகலமாக ஓணம் பண்டிகை கொண்டாடிய திரை நட்சத்திரங்கள்!

நடிகர் ஆஷிஷ் வித்யார்த்தி தமிழ், தெலுங்கு, கன்னடம், மலையாளம், இந்தி என பல மொழிகளில் நடித்தவர். 60 வயதில் காதல் வயப்பட்ட இவர் ரூபாலியை திருமணம் செய்துகொண்டார்.

அதிகமாக வில்லன் ரோலில் நடித்துள்ள ஆஷிஷ் வித்யார்த்தி தேசிய விருது பெற்றவர். முதலில் நடிகை சகுந்தலா பருவாவின் மகள் ரஜோஷியை திருமணம் செய்திருந்தார்.

1986ஆம் ஆண்டு தன் சினிமா பயணத்தைத் தொடங்கிய ஆஷிஷ் 11 மொழிகளில் 300 படங்களுக்கு மேல் நடித்துள்ளார். தமிழில் தில், கில்லி போன்ற படங்களில் நடித்து கவனிக்கப்பட்டார்.

நடிகை நதியா ‘பூவே பூச்சூடவா’ என்ற படத்தின் மூலம் திரையுலகில் அறிமுகமானார். சில மலையாள படங்களில் நடித்திருந்தாலும் இந்தப் படத்தின் சக்சஸ் காரணமாக தமிழில் தொடர்ந்து நடித்தார்.

ரஜினி, விஜயகாந்த், சத்யராஜ், பிரபு முன்னணி நடிகர்களுன் நடித்திருக்கும் நடிகை நதியா, கதாநாயகிக்கு முக்கியத்துவம் இருக்கும் படங்களில் அதிகமாக நடித்தவர்.

திருமணத்திற்கு பின் பத்து ஆண்டுகள் சினிமாவுக்கு முழுக்கு போட்டிருந்த நதியா, எம் குமரன் சன் ஆப் மகாலட்சுமி படத்தின் மூலம் ரீ என்ட்ரி கொடுத்து இப்போது பல படங்களிலும் நடித்து வருகிறார்.

திருவனந்தபுரத்தைச் சேர்ந்த நடிகை அபிராமி ஆரம்பத்தில் மலையாளப் படங்களில் சின்ன ரோல்களில் நடித்துக்கொண்டிருந்தார். மிடில் கிளாஸ் மாதவன் படத்தில் பிரபுவுக்கு ஜோடியாக நடித்து அறிமுகமானார்.

கமலுடன் விருமாண்டி படத்தில் நடித்து தமிழ் ரசிகர்கள் மனதில் இடம்பிடித்தார். அந்தப் படத்தில் நடித்த அன்னலட்சுமியை சினிமா ரசிகர்கள் இன்னும் மறந்திருக்க மாட்டார்கள். ஆனால், அந்தப் படத்துக்குப் பின் பெரிய இடைவெளி எடுத்துக்கொண்டார்.

13 வருடங்களாக குழந்தை இல்லாமல் இருந்த நடிகை அபிராமி ஒரு பெண் குழந்தையை சமீபத்தில் தத்தெடுத்துள்ளார். இந்த ஓணம் பண்டிகையை மகளுடன் மகிழ்ச்சியுடன் கொண்டாடி இருக்கிறார்.