விவாகரத்தான 40 வயது நடிகரை இரண்டாம் திருமணம் செய்த ஜிவி பிரகாஷ் பட ஹீரோயின்! வெளியான வெட்டிங் போட்டோஸ்!
ஜிவி பிரகாஷ் குமாருக்கு ஜோடியாக, தமிழில் வெளியான புருஸ்லீ படத்தில் நடித்த நடிகை கிருதி கர்பந்தா, ஏற்கனவே திருமணம் ஆகி விவாகரத்தான பாலிவுட் நடிகர் புல்கித் சாம்ராட் என்பவரை இரண்டாம் திருமணம் செய்து கொண்டுள்ளார்.
தெலுங்கில் கடந்த 2009-ஆம் ஆண்டு வெளியான போனி என்கிற படத்தின் மூலம் ஹீரோயினாக அறிமுகமானார். பின்னர் அடுத்தடுத்து டோலிவுட்டில் பல படங்களில் நடித்த இவர், தமிழில் நடிகர் ஜிவி பிரகாஷ் நடிப்பில் வெளியான புருஸ்லீ படத்தின் மூலம் தமிழிலும் ஹீரோயினாக அறிமுகமானர்.
இதை தொடர்ந்து, 2016-ஆம் ஆண்டு கிருதி கர்பந்தா நடித்த ராஸ் ரோபோட் திரைப்படத்தின் வெற்றி இவருக்கு அடுத்தடுத்த பாலிவுட் பட வாய்ப்புகளை பெற்று தந்தது. பாலிவுட் படங்களில் பிசியாக நடித்து வரும் இவர், பிரபல பாலிவுட் நடிகர் புல்கித் சாம்ராடை திருமணம் செய்துகொண்டுள்ளார்.
40 வயதாகும் புல்கித் சாம்ரா, ஸ்வேதா ரோஹிர் என்பவரை 2015-ஆம் ஆண்டு திருமணம் செய்து கொண்ட நிலையில், திருமணம் ஆன ஒரே வருடத்தில் அவரிடம் இருந்து விவாகரத்து பெற்று பிரிந்தார். திருமணத்திற்க்கு பின்னர் தனியாக வாழ்ந்து வந்த புல்கித் சாம்ரா கடந்த 2022-ஆம் ஆண்டு முதல் கிருதி கர்பந்தாவை காதலித்து வந்தார்.
கடந்த இரண்டு வருடமாக காதலித்து வந்த இந்த ஜோடி, தற்போது திருமண உறவில் இணைந்துள்ளனர். இவர்களின் திருமணம், மிகவும் பிரமாண்டமாக நடந்து முடிந்த நிலையில், தற்போது இந்த ஜோடி தங்களின் திருமண புகைப்படங்களை இன்ஸ்டாகிராம் பக்கத்தில் வெளியிட வாழ்த்துக்கள் குவிந்து வருகிறது.
கிருதி கர்பந்தா பேபி பிங்க் நிற லெஹங்காவில் தேவதை போல் ஜொலிக்கிறார். புல்கித் சாம்ராட் இளம் பச்சை நிற ஷர்வானி அணிந்துள்ளார். அதற்க்கு ஏற்ற போல் தலைப்பாகையும் அணிந்துள்ளார். இவர்களின் திருமண புகைப்படங்கள் தற்போது வைரலாக பார்க்கப்பட்டு வருகிறது.