முதல்வரோட பேத்தி நானு; என்னை கட்டாயப்படுத்தி தான் அஜித்துக்கு ஜோடியா நடிக்க வச்சாங்க- பிரபல நடிகை பகீர் பேட்டி
முதல்வரின் பேத்தியாக இருந்தாலும் தன்னை கட்டாயப்படுத்தி தான் அஜித்துக்கு ஜோடியாக நடிக்க வைத்ததாக பிரபல நடிகை பேசி உள்ளார்.
Maanu
நடிகர் அஜித்தின் கெரியரில் மறக்க முடியாத படங்களுள் ஒன்று காதல் மன்னன். கடந்த 1998-ம் ஆண்டு ரிலீஸ் ஆன இப்படத்தை சரண் இயக்கி இருந்தார். இப்படத்தில் அஜித்துடன் நடிகர் விவேக், பிரபல இசையமைப்பாளர் எம்.எஸ்.விஸ்வநாதன், கரண், ரமேஷ் கண்ணா ஆகியோர் முக்கிய கதாபாத்திரங்களில் நடித்திருந்தனர். பரத்வாஜ் இப்படத்திற்கு இசையமைத்து இருந்தார். இப்படத்தின் மூலம் தான் நடிகர் அஜித்துக்கு ரசிகைகள் கூட்டம் அதிகமானது.
kadhal mannan
காதல் மன்னன் படத்தின் வெற்றிக்கு முக்கிய காரணமாக அமைந்தது அப்படத்தில் அஜித்துக்கும் ஹீரோயின் மானுவுக்கும் இடையேயான கெமிஸ்ட்ரி தான். மானு இப்படத்தின் மூலம் தான் சினிமாவில் காலடி எடுத்து வைத்தார். ஆனால் இந்த படத்தோடு அவர் சினிமாவை விட்டும் விலகி திருமணம் செய்துகொண்டு சிங்கப்பூரில் செட்டில் ஆகிவிட்டார். பின்னர் 16 ஆண்டுகள் கழித்து என்ன சத்தம் இந்த நேரம் என்கிற படத்தில் நடித்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Kadhal Mannan heroine
இந்த நிலையில், காதல் மன்னன் படத்தில் தன்னை வற்புறுத்தி தான் ஹீரோயினாக நடிக்க வைத்தார்கள் என நடிகை மானு தெரிவித்திருக்கிறார். இதுகுறித்து பேட்டியில் அவர் கூறியதாவது : “எனது குடும்பத்தில் யாரும் சினிமாவில் இருந்ததில்லை. என் குடும்பத்தினர் பெரும்பாலானோர் டாக்டர்கள் தான். என்னுடைய தாத்தா கோபிநாத் பர்டோலால், அசாம் மாநிலத்தின் முதலமைச்சராக பதவி வகித்துள்ளார். நான் படிப்பதற்காக தான் சென்னைக்கு வந்தேன்.
Actress Maanu
ஸ்கூல் படிக்கும்போதே விவேக்கும், சரணும் என்னை கட்டாயப்படுத்தி காதல் மன்னன் படத்தில் நடிக்க வைத்தார்கள். அந்த படத்திற்கு பின் சினிமாவை விட்டு விலகி படிப்பில் கவனம் செலுத்தினேன். பின்னர் திருமணம் செய்துகொண்டு செட்டில் ஆகிவிட்டேன். என் கணவரும் டாக்டராக தான் உள்ளார்” என நடிகை மானு கூறி உள்ளார். ஒரு படத்தில் நடித்தாலும் ரசிகர்கள் மனதில் நீங்கா இடம்பிடித்துள்ளது மானுவின் திலோத்தமா கேரக்டர் என்பது குறிப்பிடத்தக்கது.
இதையும் படியுங்கள்... ஷூட்டிங் ஸ்பாட்டில் ரவுண்டு கட்டிய குட்டீஸுக்கு இன்ப அதிர்ச்சி கொடுத்த நடிகர் சூரி - வைரலாகும் வீடியோ