பிக்பாஸுக்கு பின் மீண்டும் விஜய் டிவி நிகழ்ச்சியில் முட்டி கொண்ட தினேஷ் - விசித்ரா! வெளியேறிய பிரபலம்!
பிக்பாஸ் நிகழ்ச்சிக்கு பின்னர், மீண்டும் எலியும் - பூனையுமாக மாறி விசித்ராவும் - தினேஷும் மோதிக் கொண்ட சம்பவம் குறித்த தகவல் தற்போது வெளியாகி உள்ளது.
விஜய் டிவியில் மிகவும் பரபரப்பான திருப்பங்களுடன் ஒளிபரப்பாகி வந்த பிக்பாஸ் சீசன் 7 நிகழ்ச்சி சமீபத்தில் நிறைவடைந்த நிலையில், இதில் அர்ச்சனா டைட்டில் வின்னராக தேர்வு செய்யப்பட்டார். இரண்டாவது இடத்தை மணி சந்திராவும், மூன்றாவது இடத்தை மாயாவும் பிடித்தனர். இதைத் தொடர்ந்து நான்காவது இடத்தை தினேஷும், ஐந்தாவது இடத்தை விஷ்ணுவும் தக்க வைத்துக் கொண்டனர்.
பிக்பாஸ் நிகழ்ச்சி முடிந்த பின்னர் அடிக்கடி போட்டியாளர்கள் தங்களுடைய சக போட்டியாளர்களை சந்தித்து நட்பு பாராட்டி வரும் நிலையில், விஜய் டிவியில் தற்போது ஒளிபரப்பாகி வரும் 'அண்டா காகசும் 2' நிகழ்ச்சியில் கலந்து கொள்ள சில பிக்பாஸ் சீசன் 7 போட்டியாளர்களுக்கு அழைப்பு விடுக்கப்பட்டிருந்தது.
அந்த வகையில் இந்த வாரம், தினேஷ், விசித்ரா, உள்ளிட்ட சிலர் கெஸ்ட்டாக கலந்து கொண்டிருந்தனர். இரண்டு அணிகளாக பிரிந்து விளையாடும் இந்த விளையாட்டில், விசித்ரா ஒரு அணியிலும், அதன் எதிரணியில் தினேஷ் இருந்ததாக கூறப்படுகிறது.
ஆனால் விசித்ரா தினேஷ் தன்னுடைய அணியில் தான் இருக்க வேண்டும் என நிகழ்ச்சி குழுவினரிடம் கூறியுள்ளார். இது பற்றி நிகழ்ச்சியாளர்கள் தினேஷிடமும் பேசி உள்ளனர். அவர் ஏற்கனவே விசித்ரா தன்னை பற்றியும், தன்னுடைய பர்சனல் வாழ்க்கை பற்றியும் விமர்சித்து பேசி உள்ளார். எனவே அவருடைய அணியில் இணைந்து என்னால் விளையாட முடியாது. அவரின் எதிரணியிலேயே இருந்து விளையாடுகிறேன் என கூறி விட்டதாக கூறப்படுகிறது.
தினேஷ் - விசித்ராவுடன் இணைந்து விளையாட விரும்பவில்லை என்பதை நிகழ்ச்சியாளர்கள் விசித்ராவிடம் கூறிய போது, இதையே காரணமாக வைத்து ஏதேனும் பிரச்சனை எழலாம் என்கிற அச்சத்தில், இந்த நிகழ்ச்சியில் இருந்து வெளியேறுவதாக விசித்ரா கூறியுள்ளார். இது போட்டி போடும் நிகழ்ச்சி அல்ல... ஒரு ஃபன் கேம் தான் என எவ்வளவோ சொல்லியும் அதனை ஏற்றுக்கொள்ளாத விசித்ரா... தினேஷிடம் வாக்குவாதம் செய்து விட்டு வெளியேறியதாக கூறப்படுகிறது. இந்த தகவல் தற்போது பரபரப்பை ஏற்படுத்தியுள்ளது.
சேனலை கிளிக் செய்து பின்தொடரவும்
