Kamal : 35 ஆண்டுக்கு பின் முதன்முறையாக... இந்தியன் 2, கல்கி, தக் லைஃப் படங்களால் கமல்ஹாசன் செய்ய உள்ள சாதனை

கமல்ஹாசன் கைவசம் உள்ள இந்தியன் 2, கல்கி 2898AD தக் லைஃப் ஆகிய திரைப்படங்கள் இந்த ஆண்டு ரிலீஸ் ஆக உள்ளன.

Kamalhaasan

விக்ரம் படத்தின் வெற்றிக்கு பின்னர் நடிகர் கமல்ஹாசனின் மார்க்கெட் ஜெட் வேகத்தில் உயர்ந்துவிட்டது. அவர் கைவசம் தற்போது அரை டஜன் படங்கள் உள்ளன. அதில் இந்த ஆண்டில் மட்டும் இந்தியன் 2, கல்கி 2898AD மற்றும் தக் லைஃப் ஆகிய மூன்று பிரம்மாண்ட திரைப்படங்கள் தயாராகி வருவதோடு, இந்த படங்கள் அடுத்தடுத்து ரிலீஸ் ஆக உள்ளன. அதன் மூலம் 35 ஆண்டுகளுக்கு பின்னர் கமல் ஒரு மகத்தான சாதனை ஒன்றை நிகழ்த்த உள்ளாராம். 

Indian 2

அதன்படி ஷங்கர் இயக்கத்தில் கமல்ஹாசன் நடித்து வரும் இந்தியன் 2 திரைப்படம் வருகிற ஜூலை அல்லது ஆக்ஸ்ட் மாதம் ரிலீஸ் ஆக உள்ளது. இப்படத்தை லைகா நிறுவனமும், ரெட் ஜெயண்ட் மூவீஸ் நிறுவனமும் இணைந்து தயாரித்து வருகின்றனர். அடுத்ததாக மணிரத்னம் இயக்கத்தில் கமல் நடிக்கும் தக் லைஃப் திரைப்படமும் இந்த ஆண்டு இறுதியில் ரிலீஸ் செய்யப்பட உள்ளது. இப்படத்தின் ஷூட்டிங் தற்போது விறுவிறுப்பாக நடைபெற்று வருகிறது.

இதையும் படியுங்கள்... GV Prakash : ஜிவி பிரகாஷ் - சைந்தவி ஜோடி விவாகரத்தா? காட்டுத்தீ போல் பரவும் தகவலால் அதிர்ச்சியில் கோலிவுட்

Kalki 2898 AD

இதுதவிர அவர் கேமியோ ரோலில் நடித்த கல்கி 2898AD திரைப்படமும் வருகிற ஜூன் மாதம் 27-ந் தேதி திரைக்கு வர உள்ளது. பிரபாஸ் நாயகனாக நடித்துள்ள இப்படத்தை நாக் அஸ்வின் இயக்கி உள்ளார். இப்படத்தில் தீபிகா படுகோனே, அமிதாப் பச்சன் என மிகப்பெரிய நட்சத்திர பட்டாளமே நடித்துள்ளது. சந்தோஷ் நாராயணன் இப்படத்திற்கு இசையமைத்து உள்ளார். இந்த மூன்று திரைப்படங்கள் அடுத்த ஆறு மாதத்திற்குள் திரைக்கு வர உள்ளது.

Thug Life

நடிகர் கமல்ஹாசன் நடித்து இதற்கு முன்னர் 6 மாதங்களில் 3 படங்கள் ரிலீஸ் ஆனது கடந்த 1989-ம் ஆண்டு தான். அந்த ஆண்டு மலையாளத்தில் சானக்யன், தமிழில் வெற்றிவிழா, தெலுங்கில் இதிருடு சந்திருடு ஆகிய மூன்று படங்கள் ரிலீஸ் ஆனது. அதன்பின்னர் 35 ஆண்டுகள் கழித்து 2024-ம் ஆண்டு தான் அவர் நடித்த தக் லைஃப், இந்தியன் 2 மற்றும் கல்கி 2898AD ஆகிய 3 படங்கள் 6 மாதத்திற்கு திரைக்கு வர உள்ளன என்பது குறிப்பிடத்தக்கது.

இதையும் படியுங்கள்... இந்திரா சீரியலில் இருந்து திடீரென விலகிய முக்கிய நடிகை.... அவருக்கு பதில் நடிக்க கமிட்டானது யார் தெரியுமா?