ரோபோ சங்கரை லக்கேஜ் வண்டியில் வைத்து தள்ளிட்டு போகும் மனைவி..

விஜய் டிவியில் ஒளிபரப்பான சில நிகழ்ச்சிகள் மூலம் மக்கள் மத்தியில் பிரபலமானவர் ரோபோ ஷங்கர். தற்போது தமிழ் சினிமாவில் நகைச்சுவை நடிகராக வலம் வருகிறார். முன்னணி நடிகர்களுடன் இணைந்து முக்கிய கேரக்டரில் நடித்து வருகிறார். 

இதனிடையே சில மாதங்களுக்கு முன்பு மஞ்சள் காமாலையால் நோயால் பாதிக்கப்பட்ட ரோபோ ஷங்கர் அதற்காக சிகிச்சையில் இருந்து வந்தார். திடீரென உடல் எடை குறைந்து மெலிந்து காணப்படும் ரோபோ சங்கரின் புகைப்படங்கள் வெளியாகி ரசிகர்களிடையே அதிர்ச்சியை ஏற்படுத்தியது.

அதிகமாக மது குடித்ததால் தான் அவரின் உடல் எடை குறைந்ததாக கூறப்பட்ட நிலையில், அவருக்கு மஞ்சள் காமாலை நோய் பாதிப்பு ஏற்பட்டது பின்னர் தான் தெரியவந்தது. 

பல மாதங்கள் தொடர் சிகிச்சைக்கு பிறகு தற்போது மீண்டும் திரையில் தோன்ற தொடங்கி இருக்கிறார் ரோபோ ஷங்கர்.  இதனிடையே சில மாதங்களுக்கு முன்பு ரோபோ சங்கர் வீட்டில் வளர்த்த கிளியால் அவருக்கு வந்த பிரச்சனை பேசுபொருளாக மாறியது. உரிய அனுமதி பெறாமல் கிளி வளர்த்ததால் அவருக்கு அபராதம் விதிக்கப்பட்டது.

இந்த நிலையில் ரோபோ சங்கர் தனது மனைவி மற்றும் மகளுடன் இணைந்து அவ்வபோது இணையத்தில் வீடியோக்களை வெளியிட்டு வருகிறார். இந்த நிலையில் ரோபோ சங்கரின் மனைவி பிரியங்கா சங்கர் ஒரு வீடியோவை பதிவிட்டுள்ளார். 

துபாய் ஏர்போட்டில் ரோபோ சங்கரை லக்கேஜ் ஏற்றும் வண்டியில் வைத்து அவரின் மனைவி தள்ளி செல்லும் வீடியோவை அவர் பகிர்ந்துள்ளார். அந்த வீடியோவில் ரோபோ ஷங்கர் கவுண்டமணியின் ஏம்பா முனுசாமி என்ற வசனத்தை அவர் பேசி வருகிறார்.  இந்த வீடியோ இணையத்தி வைரலாகி வருகிறது.